Ijoovu 15:5 - IWE ỌNỊNỊ

⁵ Ịrẹyị irenu anị aa sị ebira odivi anị zụ. Vị a sẹ̀ ịrẹkarenu da ọbọ dọ ẹngụ anị tụ kẹnẹ nị.

Ijoovu 15:5 Referans Kwoze

Ijeremaya 9:8

Ịrẹyị irenu ẹnịnị vị ana sị mẹẹ anka ọpa anaā wụ̀ ọza. Ẹngwọọrọ-ẹngwọọrọ ọzọza e sii pe ọnọhụva anị kà ịrẹyị nị, ama ịrẹyị odivi vị ẹnẹ sị tụ ịnị ịnẹ ee be e.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Iruuku 6:45

Ịsa ọyịza ana yà ịnị ayị ọza ọyịza, ọọ̄ mẹ̀ ka ọ̀ọ mẹ̀ ebira ozoza nị. Ịsa odivi ana rẹ yà ịnị ayị ọza odivi, ọnị ọ rẹẹ̄ mẹ ka ọ̀ọ mẹ̀ ebira odivi nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.”

Ahẹ Ụgama 64:3

Aza ẹnẹẹ ệ nyị ịrarẹ ẹnẹmẹhị ịrẹyị ẹnẹ ẹ̀ẹ ka vị ana sị mẹẹ anka ọpa anaā wụ̀ ọza avọọ.

Ijoovu 5:13

Ọnị ọọ̄ za aza ana da ọbọ ene ro ka eyi ẹnịnị e hweyi, dị ọ kụ wa uruvo hi ẹhẹ.

Ijoovu 12:6

Anako nịnị ọnịrị aza edivi enee du Ohomorihi ayị vị ọnị ọ rọ ẹngụ. Ẹnịnị vị ene ro ka ẹnị ẹ hwọ mẹ nị.

Ijoovu 5:12

Ohomorihi oō du eto aza ana mẹ ọbọ hi wa ụvọ dị asị ẹ zụ mẹ ịsị ọnị e yee si nị.

Ijoovu 11:6

dị ọ ka yị ọ ka ịrẹyọyẹ vị irenyi-irenyi. A nyị ịsa ọnị ọza kẹnẹ ẹ yị zụ yẹ. Ohomorihi vana hẹrẹ ẹnya ụya anị yọ.

Ijoovu 15:4

Ộ ka ịrẹka ọnị Ijoovu aa kụ́ ọọ hụụ mẹ ka asị ọza hí angwa Ohomorihi, dị o vee ro ịrẹyị anị.

Ijoovu 22:5

A vị agụvị ebira odivi awụ nịnị ana hịrẹ ụna pooro kẹnẹ.

Ijoovu 32:1

Ọta Ijoovu ẹyịta e yi vene tụ́ o ohi hu avọọ, agụvị ka Ijoovu vị ana yị sị ahụ kà aba ka ọnị ẹ yị rị ịvị.

Ijoovu 32:2

Dị ayị raà kụ Erihu ozi Ịbarakẹrị, ana vị Anibuuzi nị. Anovwoovu Ịramị ọ̀ vị nị. Ayị ộ kụ ọ agụvị ka ẹ yị jị ịhị yị Ohomorihi, ama ộ jị ịhị yị ẹngụ anị.