Ijoovu 15:4 - IWE ỌNỊNỊ

⁴ Ộ ka ịrẹka ọnị Ijoovu aa kụ́ ọọ hụụ mẹ ka asị ọza hí angwa Ohomorihi, dị o vee ro ịrẹyị anị.

Ijoovu 15:4 Referans Kwoze

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

Anigaratiya 2:21

Me yi vee yi ayamva Ohomorihi tịtẹ. Àa vị agụvị ka ọza ọ́ọ saasa ọda, Óhomorihi aa sịị jị ịhị yị ọza nị, ọnị ọ vị ka isu Ikirisiti vị osusu samị-samị.

Iruuku 18:1

Ijeesu ô che ụhịrẹyị ọnya yị wa, ana sị zụ̀ wa ka â vọrọ ka ọza ọ̀ọ mẹ̀ aduwa pooro, dị asị ọ tụ́ ọọ.

Ịzẹhwanaya 1:6

Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.

Emọsị 6:10

A vaa nyị anda ana vẹ ka ọnị ọ vaa rị oku ẹnẹẹ ịra kwooze, ịjị ọ raa kụ́ wa hi ẹhẹ, di o họ̀ use ọza ana vọ ịnị irehi ọnọọ ka, oku ọ́ọ́ vọ? Dị ọ tụ́ ọ ohi ka heyiye. Dị ọ ka pe kẹ, asị a nyị ọza ana ha irenu ta Ẹnẹyịmavara ubo.

Ihoseya 7:14

Ẹnẹyịmavara kà ẹnịnị ẹ yị sị ayị ọnya na owu hi ọnị ẹngụ. E hi ịrẹsụ ode ẹnịnị aa jị òrèrè kẹnẹ nị. Ẹnịnị vị anaa sị ịsa na ẹngụ ẹnịnị yị ori anikinami ka ẹ mẹ̀ ịsa ịnị aarẹ nịnị zoza, dị ẹnị ẹ nyị akụ ọnịrị eche.

Ahẹ Ụgama 119:126

Ẹnẹyịmavara, wéē re aza màa jịnẹ ọda ọnị ụ mẹ. O si tù ka à nyị ịsị ụ mẹ ọgọnị.

Ijoovu 27:10

Ayị ẹnịnị we vee hinee tu Ochẹtẹẹngụ? Vị́ a vọrọ ka ẹnịnị ẹ̀ yaanị sị avaba ụmẹẹ mẹ̀ aduwa hi Ohomorihi nị.

Ijoovu 6:14

A vọrọ ka ọza ọ nyị ayamva yị ọta anị ana yị ịnị akanya, ọ daka sị ha hụrẹ oze Ohomorihi Ochẹtẹẹngụ.

Ijoovu 5:8

Erihwazi ka ọnị ọ̀ọ vị Ijoovu, ọnị aa ka Ohomorihi na, dị ọnị sị ịrẹyị anị chire Ohomorihi ụvọ nị.

Ijoovu 15:3

Nyị ọza ana yẹ ịrẹyị ana kụ́ ẹngụ ịrẹka anị ọnọnị, dị ọọ nyị ahankata tụ ịnị osusu.

Ijoovu 15:5

Ịrẹyị irenu anị aa sị ebira odivi anị zụ. Vị a sẹ̀ ịrẹkarenu da ọbọ dọ ẹngụ anị tụ kẹnẹ nị.