Ijoovu 14:2 - IWE ỌNỊNỊ

² Ẹhẹ ẹyị ọza sị mẹ anka ododo ene e yi me ku di o su avọọ nị. Ọ ya viiri anka ụ̀mọ̀mọ́ ọza avọọ nị.

Ijoovu 14:2 Referans Kwoze

1Ipita 1:24

Avaba aza vị ana sị mẹẹ anka avị avọọ Uzoza ọza vị ana sị mẹẹ anka ododo avị Ịjị avị ọ̀ọ sị wụ̀, dị ododo anị wọ̀rọ̀ va ha.

Ijoovu 8:9

Ẹhẹ ọza aa chee aanị anka oziizi avọọ. Ẹ yị nyị ịsị ị yẹ.

Ijemiisi 4:14

Ama wẹ yị yẹ ịsị ụhwọọ vaa vị nịnị. Sị ụ sị ọ hị́ ka ụhwẹ awụ nịnị ọ́ọ vị? Vị ụ sị mẹẹ nịnị anka eguhi ene èe chire chee, dị ọ wụsẹ ta avọọ nị.

1 Ịtọpa 29:15

Ọ kà Ẹnẹyịmavara, wâ yẹ ka vi yee che oze parahu ịnị ẹhẹ anka ọzọga avọọ nị; avọọ ohiku ayị mẹ̀ ya nị. Ẹkụhị ayị ịnị ẹhẹ vị ana sị mẹẹ anka ụmọmọ avọọ, yẹ yị zụ mẹ ka ye yị vee sù.

Ahẹ Ụgama 144:4

Ọza vị ana sị mẹẹ anka ahị ana aa tụ́ụ parahu avọọ. Ẹhẹ ọza maanị aa kiiki aanị.

Ahẹ Ụgama 102:11

Ẹhẹ amị vị ana yà chee anka ụmọmọ ọnị ọzaā re oruva avọọ, ịsọnị-ịsọnị dị ộ ta anka avị avọọ.

Ịrẹyị Ọzwọzịsa 8:13

Ama ẹ yị vee zozaa yị aza edivi nịnị agụvị ka ẹnịnị ẹ yị sị ụbanyị yị Ohomorihi. Ẹhẹ ẹnịnị vị ana sị mẹ anka ụmọmọ avọọ. Ẹnịnị ẹ yị vaa ra gọdọ.

Ahẹ Ụgama 92:12

Aza ana aa mẹ̀ ebira ana vọrọ ịnị eyi Ohomorihi vị ẹnị ẹhẹ ẹnịnị vee zoza anka ọsọchị avọọ, dị ẹ yaa yara anka ọchị ọbanyị ene hi Ịrẹbanọnị.

Ijoovu 4:20

Ọza ọnị wee re ẹnẹnẹ dị o tu oruva di o wusu. Dị anị ta hụụnị ẹhẹ, dị ayị anị hi.

Ijoovu 15:33

Dị avaba ẹtụtụ anị wọrọ va ha anka ẹbazị ọchị ịvayịnị mẹẹ banyị hi ẹtẹ avọọ. Ọ rẹ sị mẹẹ anka ọchị orivi ana wọrọ ododo anị ha avọọ nị.

Ahẹ Ụgama 37:2

Wê re avị mèe nyị, òo tù ụpẹ ọnya kẹnẹ dị ọ rị ịra va ha avọọ ẹhẹ aza edivi mẹ̀ yà nị Ọ yị jẹẹ dị ẹnịnị è sú va ha.

Ahẹ Ụgama 39:5

Wẹ yị mẹ ka ụhwẹ amị ọ̀ gọdọ vụrụ-vụrụ nyị ịsị ẹhẹ amị vị ini eyi awụ Ẹhẹ ọza maanị aa kiiki aanị,

Ahẹ Ụgama 39:7

Ananyị yị, àa vị aanị ẹhẹ mẹ̀ yà nị, sị ẹmị nyẹngụ aa tụra eyi anị? Ẹwụ kẹnẹ mị sị ayị tụra nị.

Ahẹ Ụgama 102:5

M mè nowu pooro, mâ ta kwọrọ na za agịga.

Ahẹ Ụgama 102:12

Ẹnẹyịmavara ẹwa vị ohinọyị pooro zịna-zịna nị, aza vị ana vaa tamayị awụ pooro zịna-zịna.