Ijoovu 14:12 - IWE ỌNỊNỊ

¹² Avọọ ọza ene su ọ yị mẹ vaa ha kwẹẹtẹ pooro dị ẹhẹ kara ụpa nị. Ọ yị ma vana ha hụụnị ara anị.

Ijoovu 14:12 Referans Kwoze

Ẹtore 21:1

Di mi re ẹbẹẹba ọwọọwa ọnịrị ẹhẹ ọwọọwa nị, agụvị ka ẹbẹẹba ịpaapa ọnịrị ẹhẹ ịpaapa ẹ́ẹ ta. Òkū ọnị ọ rẹ sị wụ.

Ijoovu 3:13

Ọnị ọ̀ọ yaanị su a mẹ ma ọnị kẹnẹ, ọ yaanị sị rọ ọnị ẹngụ booro aanị. Ọnị yaanị aa tụ́ ụhwọ́ ini eku aanị.

Ẹtore 20:11

Mée re aga ohinọyị ọnya aanị. Ọ́ọ banyị ẹtẹẹtẹrẹ, dị ọ vị ọvwọọvụ nị. Dị ọza ịnya yaayịtẹ ịnị anị nị. Dị ẹtẹ ọnịrị ẹbẹẹba ee zwee hụrẹ ọvịdị anị, dị ọza ò yi kuku re wa nị.

2Ipita 3:7

Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.

Anẹhwẹsọsị 5:14

Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka, “Ẹwụ ana aa sụ ara, wa ha! Ha hụụnị isu, Ikirisiti vaa sị ẹtohweyi yị wụ!”

Odeyi 3:21

 nyị ka Ijeesu ọ̀ yà ẹbẹẹba pooro dị ịsavị-ịsavị ẹ̀ vara ọwọọwa, anka Óhomorihi mẹ̀ vịdị kà a ini oze ọnịsẹ ọnịnị nịnị, a mẹ̀ hụrẹ mẹ ẹhẹ.

Imatiwu 24:35

Ihinẹba ọnịrị ẹhẹ vaa ta, ama àa vị ịrẹyị amịị yọ, o yi vee vú.”

Ayịsaya 65:17

Ẹnẹyịmavara kà: Maà vaa mẹ ẹbẹẹba ọnịrị ẹhẹ ọwọọwa. E vee hí ayị ịsa ana mẹ tụ ịrẹma saka-saka.

Ayịsaya 51:6

Ẹnẹyịmavara kà ẹ kana eyi di e re ihinẹba ọnịrị ẹtẹ. Ihinẹba vaa ta anka areyi mẹẹ̄ ta hi ịnị ahị avọọ. Ẹtẹ ọnọnị vee bo anka ụsẹmụsẹ avọọ. Aza ana ra ịrẹsụ ẹtẹ vị ene vee su va ha anka ịsị avọọ. Ama ụkata ọnị ọnị sị dọ azaa ha o yi mē bo. Ọnị vaa nyị ẹbẹẹba pooro zịna-zịna nị.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Ijoovu 30:23

Ọ kà ọnị ọ yẹ ka Ohomorihi aa sị ọnị na yị usu ịzị avaba ọza vaa nọ.

Aniroomi 8:20

Ohomorihi ọ sị ọkarẹyị mẹ ka avaba ịsa ọnị ọnị tụ́, ẹ̀ kụkụ vị kẹnẹ-kẹnẹ. Ẹ yị vị ka ẹnị ẹ vavọọ sì ọ ọ yị ẹngụ ẹnịnị nị, ama avọọ ọza ana tụ́ wa mè sì ọọ nị. Ama â nyị ọyịtureyi ọnya,

Ịdanịyẹrị 12:2

Aza ọrụrụ-ọrụrụ ana raà sị eteesu vị ịta kụ ẹngụ vaa ha kwẹẹtẹ. Aza ẹnyị ẹnịnị vaa ha dị ẹ yara ịdị Ohomorihi pooro zịna-zịna, dị aza ẹnyị naa rị ụya dị ụhị aa nyị wa pooro zịna-zịna.

Ayịsaya 66:22

Anka ẹtẹ ọwọọwa ọnịrị ẹbẹẹba mẹ vaa ya ịzọọ pooro, avọọ evere ẹnịnị ọnịrị ịrẹha anị ẹ yị vu pooro nị.

Ịrẹyị Ọzwọzịsa 12:5

Ọ kụkụ vee hi u eyi ọyị hịrẹ ịzị ẹ nẹba ọnịrị ka wa zị ụsẹ vatụra oze. Ịjọnọọ ụ ta vị ẹwa-ẹwa, dị ụ kụkụ a vụrị ẹngụ awụ zị. Ẹ yị nyị ịsị e kuku ee zee wu eyi. Ịjị yee si hu aa nọ eehi ọdịrẹma, dị orere aa sụ ịrẹyị ịnị ubooro.

Ahẹ Ụgama 102:26

Ẹhẹ ọnịrị ihinẹba vee bo anka awuru avọọ, dị ọ vara wa dị ẹ ta, ama ọnị Ohomorihi vị ana vaa yà ịzọọ pooro.

Ijoovu 7:21

Sị ẹ vẹ dị ụ wẹ yị vagu ịvị ọnị mẹ yị mị, dị ụ wa sị ebira ọhịmị amị kwooze? Ẹ yị nyị aa jẹẹ aanị dị a sị mị ne chire ẹtẹ; u kuku vee sì mị, ịjị ọnọọ mi si hu.

Ahẹ Ụgama 90:5

Wâ mẹ ka Iswọọza ọ̀ kụ́ aza na para hu. Aza vị ana sị mẹẹ anka avị ọwọọwa ene nyị ẹnẹnẹ,

Ijoovu 7:9

Ahị mẹẹ̄ kụ eguhi ne hu avọọ, avọọ ẹhẹ aza ene su mẹ ta dị ayị ẹnịnị hi nị.

Ịrẹyị Ọzwọzịsa 11:8

Navọ ọpa ẹkụhị ọnị ọza ọ̀ọ nyị ọ̀ yị mẹ ịnị ẹhẹ oo hine ẹngụ anị ayị, ọ̀ọ daka ku orubo pooro. Ama ọ̀ tamayị ka ẹkụhị iswọọza aa vẹ, ọ vaa gọdọ. Avaba ịsị aa vẹ vị osusu kẹnẹ.