Ijoovu 14:1 - IWE ỌNỊNỊ

¹ Ẹhẹ ọnị ọza vẹ ẹ yị nyị ọ ya, dị ọ rẹ vị ọnịrị akanya-akanya kẹnẹ nị.

Ijoovu 14:1 Referans Kwoze

Ijoovu 5:7

Ẹ́ yị nyị ọza ọnị akanya èe mē tù. Ọọ̄ vẹ anka akịna meē che vaa hịrẹ avọọ nị.

Ịrẹyị Ọzwọzịsa 2:23

Ọ ka ụkọrọ ọnị ọza sị avaba ẹhẹ anị mẹ vị ẹngụkata ọnịrị ayodu yọ. Ịrahụ bẹẹ ẹ yị zụ sụ̀ ara, ọsọnị rẹ vị osusu.

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Ijoovu 7:1

Ẹhẹ ọnị ọza vẹ ịnị anị vị ẹhẹ akanya. Ịrẹvụrẹkụ yọ pooro nị. Ọ sị mẹẹ anka ọza anaa dọ ụkọrọ avọọ nị.

Oyinyima 47:9

Di Ijekọvụ ka, “Ịrayị ẹchịhịnọnyị tụra ẹẹwụ kẹnẹ ọnị mẹ ịnị ẹhẹ da nọ. Ọ kà ọnị ộ yị vịra, ẹhẹ anị vị akanya-akanya. Ọnị ệ yị hyakụ nyị ịzị ọnị tù ịnị ẹkụhị oni ohiku anị nịnị mẹ ịnị ẹhẹ.”

Imatiwu 11:11

Ịzẹyịza m maa kà a wụ nịnị nị, ịnị avaba aza anaa ma, Ịjọọnụ ọhwọzenyi ọ nyị ụbanyị hu nị. Ama ọza ene weyi hu ịzị Ada ayị ẹbẹẹba yà aa mẹ ịjọva, ọ nyị ụbanyị hu Ịjọọnụ nị.

Ahẹ Ụgama 51:5

A mẹ̀ hụrẹ ma mị, mị hụrẹ vị ọnịvị nị Ọnyị amị mẹ̀ hụrẹ ee zyẹẹ amị kẹnẹ mị hụrẹ vọ ọnịvị nị.

Ijoovu 15:14

Ẹnẹ ka ọnị ọ nị ọvịdị Ohomorihi? Ẹnẹ ka ọnị aa mẹ̀ ịsa ana vọrọ?

Ijoovu 9:25

Ijoovu ka ẹhẹ anị ee zwe viri-viri huna ọza ene zwe echi kẹnẹẹ. Dị ọ vavọọ zwe tụ ịnị osusu.

Ijoovu 7:6

Ẹhẹ anị ọ sị da ẹjịjị tụ ịnị osusu kẹnẹ. Ẹhẹ anị vene e zwe echi anka ụsẹ mẹẹ̄ hụrẹ upechi ịra ịnị achị avọọ.

Ịrẹyị Ọzwọzịsa 2:17

Avọọ ẹhẹ ọnọnị ộ nyị ọnị ịhyẹrẹ agụvị ka ọnị oo re avaba ịsị aa mẹ ịnị ẹhẹ, ẹngụkata kẹnẹ ẹ kụ tu ọnị nị. Avaba anị vị osusu, vị ọza aa dụ ahị kẹnẹ nị.

Ahẹ Ụgama 39:5

Wẹ yị mẹ ka ụhwẹ amị ọ̀ gọdọ vụrụ-vụrụ nyị ịsị ẹhẹ amị vị ini eyi awụ Ẹhẹ ọza maanị aa kiiki aanị,

Oyinyima 3:17

Di Ohomorihi kà a yị Adamị dị ọ ka, “Ịrẹyị ose anị ọ na sị mẹ̀ ụkọrọ, dị ọ na rị ẹtụtụ ọchị ọnị ọnị ka ọ yị nyayịnẹ rị nị Ọ kà avọọ, ọnị ọ raà hụ agụvị anị chì hi ẹtẹ. Ọ kà pooro ịnị avaba ẹhẹ anị vị ọ vaa rị ụya nị”.

Ijoovu 10:20

Ụmẹ ọnị ọnị aa ra ẹhẹ aa chee aanị. A navọ ọnị dị ọnị ọ hụụnị ẹhẹ dị ẹngụ anị o hi ahị.

Ahẹ Ụgama 89:47

Asị ayị hi wu o, ka ẹ yị nyị ẹhẹ amị yà. Wáā yẹ ka avaba aza vi ene vee sú.

Ijeremaya 20:18

Ọ kà sị a vana ma ọnị vẹ ẹhẹ ve si da? Váá ma ọnị vẹ ẹhẹ ka ọnị ọ̀ maanị vee re ẹngụkata ọnịrị ayodu, dị ọnị ọ̀ sị ụhị za ẹhẹ anị ẹtẹ nị?

2 Ohinọyị 4:19

Ụmẹ ọnya kẹnẹ ozi ọnọnị ô vene nowu hị́ ada anị ka ịrẹsụ anị! Ịrẹsụ anị o! Dị ada anị kà a yị ozi ahụ anị ọnya ka, ọ̀ sị ọ na yị ọnya anị nị.

Ijoovu 8:9

Ẹhẹ ọza aa chee aanị anka oziizi avọọ. Ẹ yị nyị ịsị ị yẹ.

Ijoovu 25:5

Ụhwẹ ọnịrị ụzọmị ẹ yị hyakụ zẹtẹ eyi Ohomorihi.

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.