Ijoovu 12:21 - IWE ỌNỊNỊ

²¹ Ọnị ọọ̄ dọ ohinọyị nịnị ụkata, dị ọ mẹ̀ ụhị nyị wa nị.

Ijoovu 12:21 Referans Kwoze

Ahẹ Ụgama 107:40

Ohomorihi anaā sịị eyi oweyii re aza ana ka ẹnị ệ nyị ụbanyị ộ mẹ̀ ka ẹẹ vaa chi vaa hịrẹ ịnị ẹtẹ ọpaapara ịzị ẹ̀ yị nyị oze.

Anẹhwẹsọsị 6:14

Tenyi ẹngụ nịnị! Waa mẹ ịzẹyịza nịnị! Ọnọọ vị ana sị mẹẹ anka obo ọnị ọza sịị̄ sụ́ ọtẹ avọọ. Waa mẹ̀ ịsa ana vọrọ nịnị! Ọnọọ vị ana sị mẹẹ anka awuru enyusẹ-enyusẹ ene e siī kú ịrachị avọọ.

Anẹhwẹsọsị 6:10

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

Odeyi 12:23

Obooboro ọnọọ, dị anggẹẹrị Ohomorihi nya Ịhẹrọdị ịsa zẹtẹ nị, agụvị ka ọ yị sị ụbanyị yị Ohomorihi. Dị ikukurumi vẹ, dị ẹ rị ọọ, di o sú nị.

Ayịsaya 37:38

Ẹkụhị ọnya, ộ yà ini irehi ori anị ana aā hị́ Inisirochi aa mẹ ahẹkẹ. Â nyị ẹẹva ini ezi anị ana aā hị́ Adiramẹrẹkị, ọnịrị Ịsarẹzẹrị. Ẹnịnị ệ tụ̀ ụhwọ, dị ẹ wụ̀ ọ nị. Ẹ sị ọ wụ, di e zwe ne hi ẹtẹ Ararati nị. Dị ozi anị ọsa ana aā hị́ Esahadoni rị ohinọyị dọ ọ ịrẹsụ nị.

Ayịsaya 23:9

Ẹnẹyịmavara Ochẹtẹẹngụ ọ vavọọ mẹ nị, ka ọnị ọ̀ tẹ avaba aza ana aā mẹ eyi, dị ọnị ọ̀ rẹ mẹ̀ ụhị nyị avaba aza anị anẹhẹ aa sị ụbanyị yị.

Ayịsaya 22:21

dị ọnị sị awuru Isobina chire e. Ọnị rẹ vaa kụ́ adava anịị hị́ ọ ahụ dị ọnị sị ọda ọnị Ịsẹbina vịdị aa mẹ, dị ọnị sị yị Eriyakimi, Ọ kà Eriyakimi ọ kụkụ vaa vị adaa yị aza ana ra hi Ijerusarẹmị ọnịrị Ijuda nị.

Ayịsaya 11:5

Ohinọyị ọnọọ vị ana vaa mẹ ịzẹyịza ọnịrị ebira ana vọrọ. Ọ raà sị ebira ẹnẹẹ tenyi ẹngụ ka oni ee pè ọnịvị anịị vụ̀ ịrẹvụ.

Ayịsaya 5:27

Ẹ mẹ̀ vẹ, ẹ yị nyị ọza ẹnịnị ọnị ọ ngụ ẹngụ, ẹ yị nyị ọza ana tụ́ ahụ. Ẹ yị hyakụ nyị ọza ana ara híne. Ibanụ ẹnẹ ẹ sị sụ́ ọtẹ ẹ yị ngwa, ẹ yị nyị obo adava ẹnịnị ana jị.

2 Ohinọyị 9:26

Ẹnẹyịmavara ộ kà a ka; oni ô re a mẹ̀ wụ Ịnabọtị ọnịrị ezi anị ẹẹrị. Avọ ọ, ịnị ẹtẹ ọnọnị gẹdẹ-gẹdẹ ọnị rẹ vaa yaa sị ụyaa rị wụ nị. Ịzẹyịza, dị Ijehu kà a yị ozi ahụ anị ka, ọ̀ sị oku Ijorami di ò ne e ta ịnị ẹtẹ Ịnabọtị nị, agụvị ịrẹyị ọnị Ẹnẹyịmavara kà ọ̀ sẹ.

Ọyịkụra 16:24

Ịzẹyịza dị ẹ nyị na tẹ̀ anka Imosiisi mẹ̀ kà a yị wa nị. Ẹnẹ kụ́ na tẹ̀ ọ yị dà agụ, ọ yị rẹ ngụ ikukurumi.

Ọyịkụra 8:2

Ọ kà ẹ̀ kà a ka ọnị ka ọ̀ yị zẹẹ ka ẹ̀ na, ọnị vaa mẹ ka ọnyọ ẹ̀ chaka hi avaba aha ịnị ẹtẹ anị. Anijipiti nịnị ẹ mā rị ọnyọ, vị ọọ̄ nyị wa ịhyẹrẹ anka iruvu avọọ nị.

Ijoovu 3:15

Aza ana vịdị vi opisa ene gu igooru ọnịrị isiriva gwaa-gwaa hi ini eehi ẹnịnị.

Ijoovu 12:18

Oni oọ̄ chi ohinọyị nịnị hụrẹ ịrẹsụ ode dị ọ jị wa ẹngwa nị.

Ijoovu 34:19

Ọ yị jẹẹ pe ọdọvịdị nịnị, a vị dị ọ̀ re opisa huu onosiye agụvị ka ọnị ọ tụ̀ avaba ẹnịnị vẹ ẹhẹ nị.

Ayịsaya 40:23

Ohomorihi ọọ̄ va ohinọyị nịnị ana nyị ụkata nọ ẹtẹ nị. Ọnị ọ va wa nọ ẹtẹ nẹrẹ-nẹrẹ.

Ayịsaya 45:1

Ẹnẹyịmavara ộ raà Ịsayịrọsị ka ọ vị ohinọyị. Ọ raà nyị ọ ka ọ nyị ẹbẹẹba avaba ẹkụra nịnị, dị ọ dọ wa ẹkụra ẹnịnị. Ộ tụ Ịsayịrọsị ka ọ dọ ohinọyị nịnị ụkata. Ẹnẹyịmavara kà ọnị vaa na oze ovwoovu ọbanyị ẹkụra nịnị yọ, dị ẹ yị nyị ọza ene zụ gu wa.

Emọsị 2:3

Ọ kà ọnị vaa wụ̀ Ohinọyị ọnịrị ọdọvịdị Animowabi nịnịị ha.

Ijoovu 30:11

Ijoovu ka agụvị ka Ohomorihi ọ ra tụ ọnị ọkụmị, dị ẹ ya kà chire ọnị o me zee wa eyi nị.