Ijoovu 11:3 - IWE ỌNỊNỊ

³ Óó ro ka ịrẹkọkụ anị ọ zụ ọza irenu kwoku nị. Ọ̀ọ sị ẹnị mẹ enyinyi, ẹnị aa tụ ọ ohuvọ nị.

Ijoovu 11:3 Referans Kwoze

Ijoovu 17:2

Avaba aza ana kara ọnị vene du ayị hi ọnị, di e yee nyi ọnị unyi.

Ijudi 1:18

Ệ kà a yị wụ nịnị ka: Ịnị ụmẹ ọdịrẹma, a vaa nyị onisiya nịnị, dị ẹyaa mẹ̀ ịsa edivi ene hi ịnị ayị ẹnịnị oni Ohomorihi o yi sì.

Ịtayịtọsị 2:8

Waa kà ịrẹyị ịzẹyịza, agụvị asị ọza zụ kụ hịrẹ ịrẹyị awụ. Wàa vavọọ aa mẹ, ọza ana àa ka ọnị aa kụ̀ụ hịrẹ ịrẹyị awụ, ụhị vaa nyị ọ, agụvị ka é yi vee re ịrẹyị odivi ayị ana a vọrọ ka ọ̀ọ kà.

2 Anịtẹsaronika 3:14

Àa nyị aza ẹnẹ ẹ̀yị dọ ịrẹyị ọnị yaa chẹrẹ ẹ tụ́ụ hi wu nịnị aanị, sị eyi pe ẹngụ aza ẹnẹẹ, di u we re ka ẹ yị nyị ịsị ẹ kụ́ ẹwụrị ọọ gẹ nịnị, agụvị dị ụhị ọ̀ zụ nyị ọọ.

Ijeremaya 15:17

Ọnị ẹ yị sị ụmẹ anị yaatụ pe aza, dị ọnị oo nyí, dị ọnị ọọ mẹ aahẹ. Ịrẹyị awụ, Ẹnẹyịmavara ọnị wụ́ chire, dị ọnị ịnyara yaatụ aha anị di ayị aa kụ ọnị nị.

Ahẹ Ụgama 83:16

Ẹnẹyịmavara navọ wa mẹ̀ ụhị nyị wa agụvị dị aza ẹ̀ yẹ ka ẹwa nyị ụkata nị.

Ahẹ Ụgama 35:16

Aza edivi ẹnẹẹ vị ana aa mẹ mị isiya dị ẹ nyayịnẹ aa kụ́ ayị amị nị.

Ijoovu 34:7

Wáá maanị re ọza anka Ijoovu ọnọnị da? Ẹ yị sị ụbanyị yị Ohomorihi vụrụ-vụrụ.

Ijoovu 24:25

Ẹnẹ zụ kụ hi ireche ka ẹ yị vavọọ ẹhẹ aza edivi mẹẹ̄ ya?

Ijoovu 21:3

E si oze yị ọnị vị ọnị ọ ka ịrẹyị dị ẹ vaa mẹ̀ ọnị isiya.

Ijoovu 13:9

Ohomorihi ọ̀ọ zama wa re ẹtẹẹtẹrẹ, óó vee rẹ́ ka ịsị ẹ yaa mẹ oo zoza? Éé ro ka ẹnị ẹ zụ vene e anka e mee vene aza kẹnẹ avọọ nị?

Ijoovu 13:4

Àa vị ẹwụ nịnị yọ, ireche oni wee che nini, ẹ́ yị zẹẹ ka á yẹ ka ẹ̀ yị nyị ịsị u yẹ nịnị. Vị́ ụ sị mẹẹ nịnị anka ọmahọnọ ẹnẹ ẹ̀ yị zụ mẹ ọza ụkụ avọọ nị.

Ijoovu 12:4

Ọ kà ẹnịnị ẹ̀ daka ee nyi ọnị unyi booro aanị, ẹ yị nyị ịsị ọnị mẹ. Agụvị avọọ ọnị ọ mẹ̀ aduwa dị Ohomorihi wụ ọnị nị.