Ijoovu 10:9 - IWE ỌNỊNỊ

⁹ Ijoovu ka Ẹnẹyịmavara ọ tamayị ka èzi ọ sị mẹ ọza nị. Asị ọ sị ọnị varẹma na tụ ịnị èzi ọnọọ.

Ijoovu 10:9 Referans Kwoze

Oyinyima 2:7

Di Ẹnẹyịmavara Ohomorihi va dà èzi hụụnị eteesu dị ọ sị mẹ ọza nị. Ịjị ọ sị ọ mẹ, dị ọ tụ́ ụhwẹ hi ọ aahị nị. Ịjọnọọ dị ọza ọnọọ kụkụ aa tụ́ ụhwẹ dị ọ yàra nị.

Ayịsaya 64:8

Ama Ẹnẹyịmavara, ẹwa yị vị Ada ayị nị. Vị́ ị sị mẹẹ ụmọpa avọọ, dị ẹwụ sị mẹẹ ọjụnọkọ avọọ nị. Ụkọrọ ụvọ awụ ị vị̀ nị.

Oyinyima 3:19

Ọ kà dị ọ ve re ịsa rị, ọ vaa sị ụvọọ ka ẹhịị mi. Ọ rẹ ka avọọ ọ mẹ vaa mẹ pooro dị ọ̀ varẹma nọ ịnị eteesu nị, agụvị ka ezi a sị mẹ ẹ nị. Ezi ọnọọ ọ rẹ vaa vàa nọ ịnị anị nị.

Ịrẹyị Ọzwọzịsa 12:7

A vaa sị ọchẹngụ ayị varẹma nee chire ẹtẹ, dị ụhwẹ ayị varẹma ka Ohomorihi ana sị yị na.

Ijeremaya 18:6

Ọnị oo rò ka ọnị Ẹnẹyịmavara ẹ yị nyị ụkata ọ̀ yị mẹ ẹnị Anisirẹrị ịsị ọza anaa jị ụnọkọ aanị mẹ ụmọpa ọnọnị aanị? Ọ kà ụmọpa mẹ yà ịnị ụvọ ọza anaa jị ụnọkọ aanị, avọọ ẹnị mẹ yà ịnị ụvọ anị nị.

Aniroomi 9:21

Aanị ka ọnụnọkọ, ọ̀ọ dà ụvụ, ọ yị zụ sị oze ọnya jị ụnọkọ anaa vaa sị mẹ̀ ịsa ẹtẹẹtẹrẹ, dị ọ sị ọsa jị ụnọkọ anaa vaa sị mẹ avaba ịsa kẹnẹ?

Ayịsaya 45:9

O vee divi yị ọza ene beri ọza ana tụ ọ zune ụvọ. Ụnọkọ wéé beri ọza ana jị ọ nyị ahankata? Ụnọkọ wéé họ̀ ọza ana jị ọ ka sị aa mẹ? Ọ zụ kà a ka ọza ana jị ọnị e yi yẹ eyi ụkọrọ?

Ahẹ Ụgama 106:4

Ẹnẹyịmavara, ịjị wàaa gụ aza awụụ ụvọ, ụ navọ wa tamayị amị. Navọ ịjị wàaa dọ waa tụ́ wa va gụ mị ụvọ.

Ahẹ Ụgama 90:3

Wâ mẹ ka aza ẹ̀ rẹ varẹma nọ ini eteesu Wâ hị́ wa ka ọza rẹ varẹma nọ ini eteesu.

Ahẹ Ụgama 89:47

Asị ayị hi wu o, ka ẹ yị nyị ẹhẹ amị yà. Wáā yẹ ka avaba aza vi ene vee sú.

Ahẹ Ụgama 25:18

Navọ wa kana eyi ụya ọnị maa rị di we re ọ mẹmẹ kata mị ẹngụ Navọ wa sị ayị hụụnị avaba ebira odivi ọnị mị mẹ.

Ahẹ Ụgama 22:15

Ọrọkọ amị ộ ta wara dị ịrarẹ amị sị vaka mị irenu nị. Ohomorihi, ụ mẹ̀ hụrẹ mị ụvọ, ọ sị vọ chee dị wa sị mị wụ.

Ijoovu 17:14

Ọnị vaa hị́ ukuta ada anị, dị ọnị rẹ hị́ ukukurumi ana vaa rị ọnị ọnyị anị ọnịrị ẹyịnyara anị anẹẹ.

Ijoovu 7:7

Ijoovu ka Ohomorihi ọ tamayị a ka ẹhẹ anị sị mẹẹ anka ụhwẹ ụpọnya ọnị ọza tụ́ avọọ nị. Ẹ yị vaa nyị ọza ọnị ọnị re vụrụ-vụrụ.

2 Anịkọrịntị 4:7

Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị.

Ijoovu 4:19

ẹnẹ va vị ọzarẹyịrẹsụ ọnị ọ dà ụvụ mẹ̀, ana a sẹ zụ pịrị huuni ikere.

Ijoovu 7:21

Sị ẹ vẹ dị ụ wẹ yị vagu ịvị ọnị mẹ yị mị, dị ụ wa sị ebira ọhịmị amị kwooze? Ẹ yị nyị aa jẹẹ aanị dị a sị mị ne chire ẹtẹ; u kuku vee sì mị, ịjị ọnọọ mi si hu.

Ijoovu 10:10

Ẹnẹyịmavara ô swe ịrẹẹ anị ịnị ịhị ozi ọnyị anị anka a mẹẹ sị angwẹ hụụnị ịrẹva ụnọ avọọ nị.

Ijoovu 33:6

Ọ kà ọnịrị Ijoovu vị ọnyọọnya ọvịdị Ohomorihi. Ụvụ a sị mẹ̀ ẹnị nị.

Ijoovu 34:15

Avaba aza ana yara vee ene su, dị o vara ezi ini eteesu.

Ahẹ Ụgama 78:39

Ohomorihi ộ yẹ ka ọzarẹyịrẹsụ ẹ vị nị. Vị ẹ sị mẹẹ ahị ana aa tụ́ parahu, dị ọ yị kụkụ vavẹ avọọ nị.

Ahẹ Ụgama 104:29

Wàa maanị và eyi hụrẹ wa ẹngụ, dị angwahi kụ́ ngụ wa ẹngụ. Ịhị wàa dọ wa ụhwẹ, di e sú, dị ẹ varẹma nọ ini eteesu.

Ahẹ Ụgama 103:14

Ẹnẹyịmavara ộ yẹ ọ mẹmẹ mẹ yị, Ộ yẹ ka ezi kẹnẹ ị vị nị.

Ayịsaya 64:7

Ẹ yị nyị ọza anaa hị́ ịrẹha awụ. Ẹ yị nyị ọza anaa vẹ ịdị awụ vee sì ọgụvọ. Wa raa sị ẹngụ awụ tẹ̀ yị, wa raa hụrẹ yị ụvọ, agụvị ebira odivi ayị.