Ijoovu 1:8 - IWE ỌNỊNỊ

⁸ Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ijoovu 1:8 Referans Kwoze

Ijoovu 2:3

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ayịsaya 1:16

Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ijoovu 8:20

Ohomorihi ọ mā va ịrẹma ọnịzẹyịza. Avọọ ọ mā rẹ gụ aza ọhịmị ụvọ nị.

2 Ohinọyị 23:25

Ẹ yị vịdị nyị ohinọyị ana ya anka ọnị, dị ẹ rẹ vana nyị ẹngụ anị ịrẹma anị nị. Ộ hẹkẹ Ẹnẹyịmavara, dị ọ sị avaba ayị anị ọnịrị ụhwẹ anị beri ụkata anị saasa ọda Imosiisi nị.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ịrịka 12:3

Ama Imosiisi ọnị vị ọza ana ka ẹngụ chi huu kere-kere ịnị ẹhẹ nị. Ọ mā sị ẹngụ tụ ẹba.

Ayịsaya 42:1

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

Ahẹ Ụgama 18:23

Ohomorihi ô re ka mẹ yị rị ịvị mẹ yị zẹẹ ka ma mẹ̀ ebira odivi.

Ijoovu 34:14

Ohomorihi ọ̀ọ dọ ụhwẹ anị varẹma, avaba ayị vị ene su, dị ẹ varẹma nọ ịnị eteesu.

Ijoovu 12:4

Ọ kà ẹnịnị ẹ̀ daka ee nyi ọnị unyi booro aanị, ẹ yị nyị ịsị ọnị mẹ. Agụvị avọọ ọnị ọ mẹ̀ aduwa dị Ohomorihi wụ ọnị nị.

Ijosuwa 1:7

Ẹnẹyịmavara ô hu Ijosuwa ọvụ ka ọ̀ jẹẹ gere-gere, dị ọ̀ nyị ọtụtụrụma ẹtẹẹtẹrẹ, di o re ka ọnị óo si eyi pè avaba ịrẹyị oni Imosiisi ozi ahụ anị ka yị ọ, dị ọ̀ saasa a. Ộ kà asị o jesi hụụnị ịrẹyị aanị zị oze ọnyọọnyị. Asị ọ ha zị eyi ụvọrị, a vị eyi ụvọha. Ọ kà ẹ̀ẹ vavọọ mẹ, ọnị ọ vaa mẹ ka ò re mẹ, o ve re mẹ ịnị ịsa tụra ịsa tụra ịsa ọnị ọ̀ọ sị ụvọ tụra ka ọnị aa mẹ.

Ịjọọnụ 1:47

Ịjị Ijeesu re ka Inatanẹrị aa vẹ ịda anị, di Ijeesu kà ịrẹyị ini oze anị ka, “Anisirẹrị obooro yọ! Ọnịzẹyịza obooro ọ vị̀ nị.”

Ezikẹẹrị 40:4

Ọza ọnọnị ộ kà a yị ọnị ka, ọnị ozi-ọza ò sị eyi pe ẹtẹ o. Ọnị ọ̀ sị ụtọ pe ẹtẹ ẹtẹẹtẹrẹ, dị ọnị ò jị eyi ngụ avaba ịsị ọnị ọnị ọọ sị zụ ọnị; agụvị ka ịsị a hụvị anị sị ọnị vẹ ịzẹnị ọ vị ọnọọ nị. Ọ kà avaba ịsị ọnị oo re, ọnị ọ̀ kà a yị Anisirẹrị nịnị.

Ahẹ Ụgama 89:20

Ụ ka wê re Idevidi ozi ahụ awụ, dị ụ sị angwẹ awụ nyị ọ ka ọ̀vị ohinọyị nị.

Ahẹ Ụgama 37:27

Và hụụnị ebira odivi, dị waa mẹ̀ ebira ene zoza Wàa vavọọ aa mẹ, ụ vaa ra ịnị ẹtẹ ọnọọ pooro.

Ahẹ Ụgama 36:1

Aza edivi vị ana nyayịnẹ sì ịrẹyị ebira odivi ịnị ayị ẹnịnị Ẹnịnị ẹ yị hyakụ hị́ angwa Ohomorihi vụrụ-vụrụ.

Ahẹ Ụgama 34:14

Asị ọ rẹ kụkụ mẹ̀ ebira odivi, ọ̀ naa mẹ̀ ebira ene zoza Ịsị ọ̀ọ zị zụ mẹ kẹnẹ dị ọnịrị aza ẹ̀ ra ịnị ẹngwọọrọ, ọ̀ naa mẹ̀ ẹ.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Ijosuwa 1:2

Ộ kà, Imosiisi ana vị ozi ahụ anị mè wusu aanị, Ijosuwa ọ̀ kwẹẹtẹ dị ọ̀ kụ́ avaba Anisirẹrị jịnẹ Okuha Ịjọdanị na ịnị ẹtẹ ọnị ọnị aa sị wa.

Ijoovu 2:1

 nyị ẹkụhị ọsa ọnị anggẹẹrị nịnị rẹ kụ ẹngụ gụ ọvịdị Ẹnẹyịmavara dị Echu ene du ọza ọnị rẹ nọ ịzọọ nị.