Ijoovu 1:11 - IWE ỌNỊNỊ

¹¹ Ẹnẹyịmavara ọ̀ọ dọ Ijoovu avaba ogu ọnị nyị aanị, Ijoovu vị anaa ya eyi anị ka ọhịmị anị.

Ijoovu 1:11 Referans Kwoze

Ijoovu 2:5

Ọ kà Ẹnẹyịmavara ọ sị ụvọ kanyị ọchẹngụ anị di ò re, Ijoovu ọ̀ yị rẹ vaa kụ ọ ụhụ eyi anị.

Ijoovu 19:21

Vayị amị nịnị, ẹwụ nịnị ọta mị. Wẹ́ rẹ vayị amị nịnịị. Ohomorihi ọ maanị mẹ mị tịtẹ aanị nị.

Ẹtore 16:11

Dị ẹyaa kà ịrẹyị odivii hi Ohomorihi ẹbẹẹba agụvị ịsa ana aa zị wa ọnịrị ịtahụ ẹnịnị nị. Ama ẹnịnị eyi ro ịnẹ varẹma hụụnị ịsa ẹnẹ ẹyaa mẹ.

Ẹtore 16:21

Dị ata ihinẹba ẹbanyị-ẹbanyị aa sụ̀ụ hụrẹ ẹbẹẹba vaa nya aza nị. Ata ẹnẹẹ, ọnya-ọnya ọ́ọ rata anka anọ ampo ẹẹva. Dị aza aa kà ịrẹyị odivii hi Ohomorihi agụvị ụyọrị ana ata ẹnẹẹ aa sịị rị wa nị. Ụyọrị ọnọọ ọ́ọ banyị ẹnẹmẹhị.

Ẹtore 16:9

Dị ọyị aa rị aza kẹnẹ nị. Dị aza aa kà ịrẹyị odivii hi Ohomorihi, ana ahịka ọ́ọ nyị ụkata tụ́ ịrẹsụ ụyọrị ẹnẹnị nị. Ẹnịnị eyi ro ịnẹ varẹma, dị ẹ̀ẹ ga Ohomorihi.

Ịzakaraya 2:8

Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi.

Ayịsaya 8:21

Aza ẹnẹẹ vị ana vaa ngụ ịnị ẹtẹ ọnọọ zị, ụngwẹ vaa kụ̀ wa di o kú du wa eyi. Ịjị ụngwẹ aa kụ̀ wa dị ayị aa kụ́ wa nị, dị ẹ yaa kụ̀ ohinọyị ẹnịnị ọnịrị Ohomorihi ẹnịnị ụhụ.

Ayịsaya 5:25

Avọọ Ẹnẹyịmavara vị ana nyayịnẹ aa kụ́ ayịị hi aza anị. Ọ raà kwẹẹtẹ tù wa ka ọnị ọ̀ sị ụya rị wa. Ataba ee henyi jigi-jigi. Aza ene sú vị ana a maanị vaa navọ oku ẹnịnịị hi ini orere kẹnẹ anka ẹchịchị ini itutu avọọ. Ama ọsọnị ộ yị mẹ ka ọyịkụ Ohomorihi ọ̀ nọ ẹtẹ, vị a tịị tana ụvọọ za wa hu avọọ nị.

Ahẹ Ụgama 105:15

asị ẹ sị ụvọ kanyị aza anị. Ọ rẹ ka asị a nyị ịsị ẹ sị mẹ ọnịsẹ anị.

Ijoovu 4:5

Ọnị ọnọọ akanya ve tu dị ọ vazi tịtẹ aanị nị.

Ijoovu 2:9

Ịjị ose Ijoovu maanị re ọva anị, dị ọ ka, ịzẹyịza ịsị ọ nyị ọnị kụkụ aa mẹ. Ọ vana dahi ka ọ kụ Ohomorihi ụhụ dị o su.

Ijoovu 1:21

Dị Ijoovu ka, ahwaahụ a ma ọnị nị. Ahwaahụ ọnị rẹ sị su nị. Ẹnẹyịmavara ana sị ịsa ẹnẹnị yị ọnị, ọ rẹ sị ịsa anị nị. Ọnị ọ kụ ọ avọ

Ijoovu 1:12

Dị Ẹnẹyịmavara kà ooho! Echu ọ na mẹ ogu Ijoovu o me zee eyi, ama asị ọ sị ụvọ kanyị ọ. Dị Echu hụrị ịzọọ aa na nị.

Ijoovu 1:5

Ịhị ẹnịnị ẹ̀ sị mẹ ta, dị Ijoovu kwẹẹtẹ ẹnẹnẹ eyinẹhẹ anị dị ọ mẹ̀ ịsọvọ ịrẹsụ ọzịnya-ọzịnya ẹnịnị. Ọ kà ọza ọ yị yẹ ẹnịnị ẹẹ mẹ̀ ebira ana zụ du Ẹnẹyịmavara ayị.

Oyinyima 26:11

Di Abimẹrẹkị va hị́ avaba aza anị dị ọ kà wa ọ̀nọ̀, dị ọ ka ọza ana àa kanyị ọnọrụ ọnọọ àa vị ose anị, vị a vaa wụ̀ ọ nị.

Ẹtore 12:10

Dị mị wụ́ ọngwẹ ọbanyị ọnya ẹbẹẹba, dị aa kà a ka: Ohomorihi o si ehuna nyị booro aanị! Ohomorihi ayị ọ raà sị zụ̀ ka ọnị ọ nyị ụkata, dị ọnị rẹ vị ohinọyị nị. Ohinọyị anị ọnị ọ nyị ka ọ̀ dọ yị há ọ raà sị ọda anị zụ̀. Ọza ana yà ọvịdị Ohomorihi dị aa sị ịrẹyị anda ayị nịnị ị tụ́ ịrẹka ọọdụ ọnịrị ịrahụ, a sị ọọ dụ jịnẹ hụrị ẹbẹẹba.

Ayịsaya 65:3

Ụhị́ ẹ yị ma nyị wa, vị ẹẹ̄ mẹ ayịị kụ́ mị nị. Ẹnịnị vị anaā mẹ̀ ịsọvọ hi ori ịnị ụbazị ẹnẹ dà yị ori, dị ẹyaa rị eturare ịra ịrẹsụ ụta ana a dà yị ori.

Ijoovu 2:3

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Ijoovu 2:6

Dị Ẹnẹyịmavara kà ooho! Echu ọ na mẹ ọchẹngụ Ijoovu oo me zee eyi, ama asị ọ dọ ụhwẹ.

Ijoovu 2:7

Ịzẹyịza, dị Echu hụụ ịzọọ ne tu Ijoovu nị. Dị ọ mẹ ka ịtahụ ọ tụra hi Ijoovu ẹngụ ọmọọma, dị aa va enyi chava nị.