Ijoovu 1:10 - IWE ỌNỊNỊ

¹⁰ Wee sere ọnịrị aza anị ne beri ogu ọnị ọ nyị. Dị ụ mẹ ka ẹhẹ anị oo zee yọ nị. Dị ọ ka Ẹnẹyịmavara ò re ogu ọnị Ijoovu nyị aanị.

Ijoovu 1:10 Referans Kwoze

Ahẹ Ụgama 34:7

Anggẹẹrị Ẹnẹyịmavara vị ana maanị yà kara aza ana sị ayị tụra Ohomorihi dị ệ dọ ọ tụ́ ka asị a nyị ịsị ẹ mẹ̀ ẹ nị.

Ịzakaraya 2:5

Ẹnẹyịmavara kà a ọnị ụvọta vee sere wa, dị ọnị vị́ ịra kara wa anka ọvọ avọọ. Ụbanyị anị vaa ya ịnị ayị ẹnịnị.

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

Ụhịrẹyị 10:22

Ẹnẹyịmavara ọ ga ize tu ọza, ọ mā nyị ayodu.

Ịzakaraya 2:8

Ịsị Ẹnẹyịmavara Ochẹtẹẹngụ ana nyị ụbanyị kà ya anẹkụra nịnị ana sị ụkata kụ́ ogu aza anị yị; Ọ kà ọza tụra ọza ana a kanyị wa, ọ raà jị ụvọ ngụ ọnị eyi.

Ijoovu 31:25

Mẹ yị me eyi agụvị ka maa nyị ogu, à vị agụvị ka mâ nyị ịsa rị ụvọ.

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Ahẹ Ụgama 90:17

Ananyị yị ana vi Ohomorihi ayị, navọ kwogo wa vayị ayị, dị wa navọ ịsa tụra ịsa ọnị yàaa mẹ, ò zee yị. Mị ka aarịhịnị navọ ịsa ọnị yàaa mẹ, ò zee yị.

Iwe Ọhụhị Imosiisi ana aa hị́ Ọyịvatụrọda 7:13

O vee sì ịrẹyị awụ nịnị, dị ọ mẹ ka ò ze wụ nịnị. Ụ vaa ma ozi nịnị, dị ụ waa rụrụụ hu avọọ nịnị. Ọ va mẹ ka ò ze yị aarẹ awụ nịnị, dị akụ awụ nịnị, eche ọnịrị angwẹ orivi awụ nịnị aa mẹ; ọ vaa mẹ ka ò ze wu nịnị, dị ọ sị ịsụpa ọnịrị atẹmẹ tatarataa wụ nịnị. Ọ vaa mẹ avaba ize ẹnẹnịị yị wụ nịnị ịnị ẹtẹ oni o wo oto yị ohiku awụ nịnị ka ọnị vaa sịị yị wụ nịnị.

Oyinyima 26:12

Ịnị ịrayị ọnọọ, Ayiziiki ô chire ịsa tụ́ ịnị ẹtẹ ọnọọ, dị ọ mẹ ẹtẹẹtẹrẹ. Ịsị o chire ọ varẹma re e sị oze ẹchẹhị. Ẹnẹyịmavara ộ mẹ̀ ka ò zee yọ,

Ayịsaya 5:5

Wáá yẹ ịsị ọta amị vaa mẹ ụbazị ọnọọ nịnị? Ọ vaa za ụbazị ọnọọ dị o wu ịsa ana a sị họ̀ kara a dị ọ chaka ọvọ ana kara a ha. Dị ịsụpa nịnị ngụ ọ, dị ẹ rị ọ, di e du ịsa ịnị anị ha.

Ayịsaya 5:2

Ô huru ẹtẹ ọnọọ dị ọ tọ̀ọ́ ịrẹta anị hụụnị anị; Dị ọ hị̄ ọchị ịvayịnị ozoza-ozoza hi ọ nị. Dị ọ rẹ dà irehi ọgọdọ tụ́ ịnị ụbazị ọnọọ ịzị oserẹtẹ vaa yà di oo sere e nị. Dị ọ va chị aha ịzị a vaa yàa kwọrọ ẹtụtụ igirepi ẹnẹẹ ẹ̀ẹ sị tụ́ nị. Ọta amị aa tụra eyi ka ọchị ẹnẹẹ vaa tụ́ ẹtụtụ ozoza, ama dị ahịka ẹtụtụ edivi-edivi ẹ na tụ́ nị.

1 Ịsamụwẹrị 25:16

Ọọdụ ọnịrị ịrahụ vi ene yee sere yi pooro ị màa kụ́ ịsụpa ayịị rị ọgụrị wa.

Iwe Ọhụhị Imosiisi ana aa hị́ Ọyịvatụrọda 33:27

Ohomorihi ana yà ịzọọ pooro è sere wu nịnị nị oō sị yị rị ụvọ pooro nị. Eyi awụ nịnị ọ̀ dụ ọnịvị awụ nịnị jịnẹ, dị ọ ka wa wụ̀ avaba ẹnịnị va ha nị.

Ahẹ Ụgama 71:21

Ụ rẹ vanaa sị ụbanyịị mịị hu avọọ, dị ụ rẹ mẹ ka ayị amị òhunẹnẹ.

Ijoovu 42:12

Dị Ẹnẹyịmavara mẹ ka o zee yị Ijoovu huni ộ mẹ̀ vịdị ya nị. Ijoovu ô varẹma nyị atẹmẹ ịrịka akawụ-akawụ oze ịhịmba (14,000), ịnyaakụmị ịrịka akawụ-akawụ oze ẹẹta (6,000) imaaru ịrịka akawụ (2,000) ọnịrị ịkẹrịkẹtẹ ịrịka akahị (1,000).

Oyinyima 49:25

Ohomorihi amị ọnọọ re vee sere wu. Ohomorihi Ochẹtẹẹngụ vaa mẹ ka ò zee wu. Ọ vaa mẹ ka orihi ọ̀ zụ̀ wụ dị ọ rẹ sị enyi ini eteesu yị wụ. Ese ewu va ma ezi dị ịsụpa awụ ẹnị rẹ ma ezi.

Oyinyima 30:43

Aanị Ijekọvụ mẹ̀ mẹ dị ọ vara ọzọbanyị rawụ-rawụ nị. Ộ nyị ịsụpa ẹtẹẹtẹrẹ, avọọ ọ mẹ̀ rẹ nyị ezi ahụ, ịnyaakụmị ọnịrị ịkẹrịkẹtẹ nị.

Oyinyima 30:30

Ọ kà dị ọnị vavẹ, ịsụpa anị aa chee aanị, ama booro aanị ệ ta rụrụ. Ọ kà ịsa tụra ịsa ọnị ọnị ọ̀ọ sị ụvọ tụra vị anị Ẹnẹyịmavara aa mẹ ka ò zoza yọ. Dị ọ ka o si tụ́ ka ọnị ọ rẹ kụkụụ tẹsị aza anị booro anị.

Ahẹ Ụgama 80:12

Àa yẹ déè, asị ụ chaka ọvọ ana kara a, aza ana aa parahu vị ana kụkụ aa ha ẹtụtụ anị kẹnẹ.

Ahẹ Ụgama 5:12

Ẹnẹyịmavara, mâ yẹ kaakara ka ụ vaa mẹ ka ò zee yị aza ana aa mẹ̀ ebira oni u sì. Wâ mẹ ka ò zee yị wa eyi ụvọnị-ụvọnị wẹ yị zẹẹ ka à nyị ịsa odivi ana kanyị wa.

Ijoovu 29:6

Dị ịrẹva imaaru ọnịrị ẹvụ anị aa va hyọrọ-hyọrọ, dị ọchị orivi anị ene hi ini ataba aa mẹ ẹtẹẹrẹ nị.

Iwe Ọhụhị Imosiisi ana aa hị́ Ọyịvatụrọda 33:11

Ẹnẹyịmavara navọ wa sị ụkata yị wa. Ayị awụ o hine tụ ịnị ịsị ẹ yaa mẹ. Vú ọnịvị ẹnịnị ẹtẹ, asị ẹ vana zụ kwẹẹtẹ tu wa pooro.

Oyinyima 39:5

Hụrẹ ụmẹ ọnị Ipotihwa maanị sị sị irehi anị chire Ijosẹẹhụ ụvọ aanị, dị Ẹnẹyịmavara mẹ ka ò kukuu zee yị Anijipiti ọnọọ agụvị Ijosẹẹhụ nị. Aarẹ ọnịrị irehi anị ne beri avaba ogu anị vi ẹnẹ Ẹnẹyịmavara vana aa mẹ ka èe zoza ẹtẹẹtẹrẹ.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

Ijoovu 29:2

Aa yẹ Ohomorihi ọ va ọnị na udi anị ịyẹẹyẹ ịnị ọnị ọ sị tẹsị anị.