Ịjọọnụ 9:34 - IWE ỌNỊNỊ

³⁴ Dị ẹnịnị tụ́ ọọ ohi, dị ẹ ka, “Ẹwụ ana a ma, da a rẹ sị enyi ịvị kà, ee sì ka wa zụ̀ yị ịsa nịị? Dị ẹ dụ ọọ kwooze nị.”

Ịjọọnụ 9:34 Referans Kwoze

Ịjọọnụ 9:22

Aza ana ma ọnọrụ ọnọọ, ệ vavọọ kà, agụvị ka eyee hí angwa Aniju nịnị. Aniju nịnị ệ vịdị sị eyi gẹ ka àa nyị ọza ana dọ ka Ijeesu ọ vị Ikirisiti ọnọọ nị, à dụ ọọ jịnẹ hụụnị irehi Ohomorihi.

Ịjọọnụ 9:2

Dị ezirẹma anị họ̀ ọ ka, “Ọga, ẹnẹ vị ana mẹ ịvị, ana mẹ ka à ma ọnọrụ ọnọnị ogweyi? Ọnị ụvọta wáá yọ nị, à vị aza ana ma a?”

Ayịsaya 66:5

Batọ ịrẹyị Ẹnẹyịmavara ẹwụ nịnị ene hí angwa anị: Aza awụ nịnị ana nyị ịhyẹrẹ awụ di e yi wụ tịtẹ agụvị anị vaa sị wụ nịnị mẹ enyi ini. Dị ẹ ka, Ẹnẹyịmavara ọ́ sị ụkata anị zụ dị ẹnị e re kẹ. Ama ẹnị a vaa mẹ̀ ụhị nyị nị.

Iruuku 18:17

Ịzẹyịza, m maa kà a wụ nịnị nị, ọza tụra ọza ẹnẹ ẹ̀ yị dọ ịjọva Ohomorihi, anka ózi oweyi mẹ̀ẹ̄ dọ, ọ yị zụ ngụ ịzọọ.”

Ahẹ Ụgama 51:5

A mẹ̀ hụrẹ ma mị, mị hụrẹ vị ọnịvị nị Ọnyị amị mẹ̀ hụrẹ ee zyẹẹ amị kẹnẹ mị hụrẹ vọ ọnịvị nị.

Ijoovu 25:4

Ọzarẹyịrẹsụ mẹmẹ nyẹngụ ka a ka ọnị ọ nị ọvịdị Ohomorihi? Áá nyị ọza ana hụ́ ọ ka avọọ?

Oyinyima 19:9

Dị ẹ ka: O jesi hụrẹ oze, ẹnẹ vị ọnị ọzọga ana va ra ịzẹnị ana aa vaa kà a yị ẹnị ịsị a vọrọ ka ẹnị ẹ̀ mẹ. Ẹ rẹ ka ọ̀ yị mẹ hẹẹ, ọnị ọnị vaa mẹ̀ ẹ o vee divii hu azọga ẹnẹẹ ajịnị nị. Dị ẹ yaa tụ́ Ịrọọtị ụvọ, di e yee sì ka ẹnị ẹ̀ na chaka oze nị.

Ẹtore 13:17

Ẹ yị nyị ọza ana zụ hị́, à vị ka dị ọ̀ ná, ẹ̀ yị vị ọ nyị apọtẹrẹwa uye ọnọọ, ọnọọ vị ka ịrẹha uye ọnọọ, àa vị ịnọmba ana jẹẹ yị ịrẹha anị.

3 Ịjọọnụ 1:9

Mâ vịdị chẹrẹ iwe tụ́ hi ịragụ Ohomorihi ana yà ịdị awụ nịnị ịzọọ, ama Ịdịyọtịrẹhwẹsị ọ yị zẹẹ ka ọnị ọ̀ wụ́ ịrẹyị amị, agụvị ka ee sì ka ọnị ọ̀ọ sị ẹngụ anịị tụ́ ọvịdị.

1Ipita 5:5

Ẹwụ nịnị ezweyi bẹẹ, re ka waa ka ịrẹsụ hi yị azọkụ nịnị. Avaba awụ nịnị ọ̀ọ sị ụbanyị yị ẹngụ nịnị, dị ụ waa sị ịrẹsụ ọkahii mẹ awuru chire nịnị, agụvị ka Iwe Ohomorihi ộ kà a ka: Ohomorihi ó yi sì aza anaā sịị ẹngụụ tụ́ ẹba, ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

Anẹhwẹsọsị 2:3

Ịyẹẹyẹ avaba ẹyịrị ụhwẹ echu ẹnẹẹ vị anaā vịdịị kụ́ ogu, dị ahịka oyisì ẹngụ ẹyị ọza kẹnẹ, ị yaa mẹ nị. Dị yaa mẹ̀ ịsa ọnị ọchẹngụ ọnịrị ayị ayị òo sì kẹnẹ; anka aza ana vọ, ẹyị vị ana rẹ vịdị aa mẹ̀ ebira anaa vọrọ ka Ohomorihi ọ̀ sị kụ́ ayị hi yị.

Anigaratiya 2:15

Ịzẹyịza, Aniju obooro ị vị nị, yẹ yị vị anarịmadọwụ nịnị anaā mẹ ịvịị hi Ohomorihi.

1 Anịkọrịntị 5:13

Aza ẹnẹ ẹ̀ yị dọ wụ́, Ohomorihi ọ vaa mẹ̀ ọkarẹyị ẹnịnị nị. Agụvị avọọ dụ ẹngụ ọza odivi ọnọọ hụụnị akakana awụ nịnị.

Ịjọọnụ 9:40

Anihwarisi ẹnyị ene hi ịzọọ ệ wụ́, Íjeesu mẹ̀ vavọọ kà. Dị ẹ họ̀ ọ use ka, “Aanịka ogweyi ẹ́yị rẹ vị bẹẹ nị?”

Ịjọọnụ 9:35

Ijeesu ộ wụ́ ka ẹ sị ọnọrụ ọnọọ dụ kwooze. Ịjị o re e, ộ họ̀ ọ use ka, “Wáá sị ayị tụra Ozi Ohomorihi?”

Ịjọọnụ 8:41

Ịsị ada awụ nịnịị̄ mẹ, ụ waa mẹ nịnị nị.” Dị ẹnịnị rẹ ka, “Yẹ yị vị ozi ọta, Ohomorihi ọnịnya ọ vị Ada ọnị ị nyị nị.”

Ịjọọnụ 6:37

Avaba aza ana Ada amị ọ̀ọ raà sị chire mi ụvọ, ẹ vaa ká mịị vẹ. Avaba aza ana àa ká mị vẹ, mẹ yị vaa dị waa varẹma;

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

Iruuku 11:45

Dị ọzwọzọda ọnya tụ́ ohi, dị ọ ka, “nda, wàa maanị aa kà, ụ waa kụ̀ yị ụhụ bẹẹ avọọ nọ!”

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Ụhịrẹyị 29:1

Ọza anaa ka ọnị ọ mā dọ ohuvọ ọza, vị ana jị obo nee vu.

Ụhịrẹyị 26:12

Ọnụra ọ dahi huu ọza ẹnẹẹ yị yẹ ịrẹyị ene ro ka ọnị ọ yẹ ịrẹyị nị.

Ụhịrẹyị 22:10

Dụ ọza anaa ka chire ọza kwooze, ịraazị ẹ yị na vẹ, dị a vaa kụ ẹngụ ụhụ.

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

2 Ịtọpa 25:16

Ọ maa kà ụtụ yọ, Amaziya da jị ọ, dị ọ kà ọ yịị mẹ hẹẹ ọnị a wụ́ ọ nị. Ọnị wáá mẹ̀ ẹ anajuwe anị nị?

Ọyịkụra 2:14

Dị ọnọọ ka: ẹnị ẹ nyị ọ mẹ ohinọyị ka ọ vị ọmọkarẹyị ẹnịnị. Ọ kà vị ọọ̄ raa vaa wụ̀ ọnị anka ọ mẹ̀ wụ Anijipiti ịhyọọ nị? Di angwa ee hi Imosiisi, dị ọ ka, “Wáá yẹ ka a sị yẹ aanị.”

3 Ịjọọnụ 1:10

Ịhị màa vẹ ịzọọ, mị vaa kà ịsa ọnị ọ mẹ zụ̀ avaba aza. Ee du mi ịrẹma. A yị vị ọnọọ kẹnẹ, ọ́ yị hyakụ rẹ zẹẹ ka ọdọwụ anda ayị ana àa vẹ ịzọọ, ẹ̀ yà ịdị anị. Aza ene èe sì ka eni è sì wa ọzọga, ọ́ yị hyakụ zẹẹ, dị aā dụ wa hụụnị ịragụ Ohomorihi.