Ịjọọnụ 9:16 - IWE ỌNỊNỊ

¹⁶ Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.

Ịjọọnụ 9:16 Referans Kwoze

Ịjọọnụ 10:19

Aniju nịnị ẹ rẹ kụ́ gà hi agụvị ịrẹyị ẹnẹẹ.

Ịjọọnụ 7:43

Agụvị avọọ aza ẹnẹẹ ẹ kụ́ gà hi agụvị Ijeesu.

Ịjọọnụ 7:12

Dị aza tangwa aa kà ịrẹyị Ijeesu nyamaa nị. Aza ẹnyị ka ọza ọyịza ọ vị nị; aza ẹnyị ka eyiye, vi ee vene aza nị.

Ịjọọnụ 3:2

Ịrahụ ẹkụhị ọnya dị ọ vẹ ịdị Ijeesu nị. Dị ọ va kà a yị Ijeesu ka, “Ọga, yâ yẹ ka ọzwọzịsa oni Ohomorihi tụ́ vẹ ẹhẹ ọnọnị ụ vị nị. Ẹ yị nyị ọza ịnya ana zụ mẹ ẹngụ apọtẹrẹwa ọnị ụ waa mẹ aanị, ẹ̀ yị vị ka vị Ohomorihi yà beri ọ nị.”

Imatiwu 12:2

Ịjị Anihwarisi nịnị vavọọ re e, dị ẹ kà a yị Ijeesu ka, “Re! Wée re ézirẹma awụ màa mẹ̀ ịsa ọnị ọda ọ̀yị zẹẹ ka à mẹ ịnị ẹkụhị ụhwọtụ!”

Ịjọọnụ 15:24

Ụkọrọ ẹbanyị-ẹbanyị ọnị mị mẹ ịnị akakana ẹnịnị, ẹ̀ yị nyị ọza ana vavọọ mẹẹ da; mẹ̀ yị yaanị mẹ ẹngụ ụkọrọ ẹnẹẹ, ẹ yị yaanị rị ịvị. Ama ẹ sị ụkọrọ ẹnẹẹ re, ẹ nyị nyị ịhyẹrẹ amị ọnịrị Ada amị bẹẹ.

Ịjọọnụ 14:11

Dọ mị wụ́ ka ẹmịrị Ada amị vị ọnya, dị ị vabẹ nị; ẹ̀ yị vị avọọ, ụ dọ mị wụ́ agụvị ụkọrọ ọnị mị hyakụ aa mẹ!

Ịjọọnụ 9:24

Dị Aniju nịnị re tenyi ọza ene vịdị gu eyi aanị hị́ nị. Dị ẹ kà a yọ ka, “Ẹwà kà ịrẹyị ịzẹyịza Ohomorihi; ẹyị â yẹ ka ọnọrụ ọnọọ vị ọnịvị.”

Ịjọọnụ 6:52

Ọsọnị ộ mẹ̀ ka Aniju nịnị è nyima ee pe ẹngụụ nyị ahankata ẹtẹẹtẹrẹ. Ẹnịnị ka, “Ọ́nọrụ ọnọnị mẹmẹ nyẹngụ sị ọchẹngụ anịị yị ka ya rị ọọ?”

Ịjọọnụ 5:36

 hyakụ nyị ivenu ọsa ini oze amị ene huna ivenu Ịjọọnụ ẹtẹẹtẹrẹ. Ụkọrọ ẹbanyị ana Ada amị sị mị ka ma mẹ, ọnị mị raa mẹ, ệ sị zụ̀ ka Ada amị ọ tụ́ mị vẹ ẹhẹ nị.

Odeyi 14:4

Ọkọnị aza ene hi ịnị ẹkụra ọnọọ ẹ sị gà hi. Aza ẹnyị ệ và ká Aniju nịnị na, dị aza ẹnyị rẹ và ká odeyi nịnị na nị.

Imatiwu 12:10

 nyị ọza ịnya aanị ana yà ịzọọ ene sú ụvọ. A rẹ nyị aza ẹnyị ịzọọ ene ee sì ka ẹnị ẹ̀ sị ịrẹyị za Ijeesu, dị ẹ họ̀ ọ ka, “Ọda ayị ọ́ọ́ zẹẹ ka à mẹ ọza ụkụ ịnị ẹkụhị ụhwọtụ?”

Iruuku 13:14

Ọdọvịdị irehi Ohomorihi ọnọọ aa kụ́ ayị ka Ijeesu ộ mẹ̀ ọza ụkụ ịnị ẹkụhị ụhwọtụ. Dị ọdọvịdị ọnọọ kà a yị aza ka, “Yâ nyị ẹkụhị ịhịnọnyị ana a vọrọ ka ọza ọ̀ sị mẹ̀ ụkọrọ. Vẹ nịnị ịnị akakana ẹkụhị ịhịnọnyị ẹnẹẹ, dị à mẹ wụ nịnị ụkụ, asị ụ rẹ̀ vẹ ịnị ẹkụhị ụhwọtụ nịnị!”

Ịjọọnụ 2:11

Apọtẹrẹwa ọnọnị oni Ijeesu mẹ Íkana ịnị ẹtẹ Igariri ọ vị apọtẹrẹwa ịpaapa ọnọọ mẹ nị. Ọnị ọ sị sị igirima anị zụ̀, dị ezirẹma anị dọ ọ wụ́ nị.

Ịjọọnụ 5:10

Dị Aniju nịnị kà a yị ọza ana a mẹ ụkụ aanị ka, “Ajịnị vị ẹkụhị ụhwọtụ, ọ! Ẹ yị vọrọ ka waa za odooro zị ajịnị.”

Ịjọọnụ 7:23

Waa jị ozi ewu nịnị ụvẹvẹnẹ ịnị ẹkụhị ụhwọtụ, agụvị asị ụ jịnẹ ọda Imosiisi nịnị. Sị ẹ vavẹ dị ụ waa kụ́ ayịị hi mi nịnị, agụvị ka mâ mẹ ọza ụkụ saka-saka ịnị ẹkụhị ụhwọtụ?