Ịjọọnụ 8:6 - IWE ỌNỊNỊ

⁶ Ịrẹyị ọnọnị vị ene eyee sii be Ijeesu, agụvị di è zụ re ịrẹyị ẹnẹ ẹnị vaa sị za a. Ama di Ijeesu nyima nẹtẹ, dị aa sị igegee chẹrẹ ịsa tụ́ ini eteesu nị.

Ịjọọnụ 8:6 Referans Kwoze

Ijeremaya 17:13

Ọ kà, Ẹnẹyịmavara, ẹwụ Anisirẹrị nịnị aa tụra eyi nị ọ. Avaba aza ene yi wu tịtẹ vị ọnị ụhị vaa nyị; ka ẹnịnị ee yi ẹwụ Ẹnẹyịmavara, ana vị oswe ọnị enyi anịị na ọza onyi tịtẹ ẹnịnị vene vee vú anka ịrẹha ana chẹrẹ tụ ịnị ezi avọọ.

Iruuku 10:25

Ẹkụhị ọnya, ọzwọzọda ọnya ộ kwẹẹtẹ, di ee sì ka ọnị ọ̀ zama Ijeesu re nị. Dị ọ ka, “Ọga, si a vọrọ ka ma mẹ, dị ma zụ yàra pooro zịna-zịna ị́dị Ohomorihi?”

Imatiwu 19:3

Anihwarisi ẹnyị ệ ká Ijeesu vẹ ka ẹnị ẹ̀ va zama a re. Dị ẹ kà a yọ ka, “Ọ́ọ́ vọrọ ka ọza ọ̀ hụ agụvị ịsị òo re kẹnẹ yi ose anị tịtẹ?”

Emọsị 5:10

Anisirẹrị nịnị vi ana nyị ịhyẹrẹ aza ana sị ịzẹyịza mẹ̀ ọkarẹyị, dị ê sị ẹyị wụ̀ aza ana ka ịzẹyịza.

Ịrẹyị Ọzwọzịsa 3:7

Aa nyị ụmẹ ana a sịị na ịsa, dị a nyị ụmẹ ana a sịị gẹ ịsa nị. Aa nyị ụmẹ ana a sịị sị irenu kwoku, dị a nyị ụmẹ ana sịị kà ịrẹyị nị.

1 Anịkọrịntị 10:9

Asị ị rẹ na zama Ananyị yị re, anka aza ẹnyị ịnị ẹnịnị mẹ̀ rẹ mẹ! Dị Ohomorihi tụ́ ẹwụ na jị wa ịrẹrụ, di e sú va ha nị.

Ịmaakị 10:2

Dị Anihwarisi ẹnyị ká a vẹ ka ẹnị ẹ̀ sị ịrẹyị ve be e nị. Dị ẹ họ̀ ọ use ka, “Ọ́ọ́ vọrọ ka ọnọrụ ò yi ose anị?”

Ịmaakị 8:11

Anihwarisi ẹnyị ệ ká Ijeesu vẹ, di eyee pee nyị ahankata nị. Eyee sì ka ẹnị ẹ̀ sị ịrẹyị zama a re. Dị ẹ ka Ijeesu ọ̀ sị ụkọrọ ohyozirenu hụụnị ihinẹba zụ̀ ẹnị nị.

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Imatiwu 22:35

Ọza ịnyara ẹnịnị ana vị ọzwọzọda, ọ na họ̀ Ijeesu use ịrẹyị ka ọnị ọ̀ sị zama a re. Dị ọ ka:

Imatiwu 22:18

Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ?

Imatiwu 16:1

Anihwarisi nịnị ẹnịrị Anisadusi nịnị ệ ká Ijeesu vẹ ka ẹnị ẹ̀ va zama a re. Dị ẹ ka ọ̀ sị ụkọrọ ohyozirenu hụụnị ihinẹba zụ̀ ẹnị nị.

Imatiwu 15:23

Ama Ijeesu o yi tụ́ ọọ ohi vụrụ-vụrụ. Dị ezirẹma anị ve tù ọọ, dị ẹ ka ọ̀ dụ ọọ kwooze, ka ee nowuu dụ ẹnị ịrẹma nị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Emọsị 5:13

Aza ana yẹ ịrẹyị vị ana sị irenu ẹnịnị za agụvị ka ụmẹ odivi yọ nị.

Ịdanịyẹrị 5:5

Kẹnẹ, dị ohinọyị vene re ụvọ ọza ka aa chẹrẹ ịsa tụ ịnị ugene irehi anị nị. Ugene ọnọọ vị ana gụrị ịzị aā sị ozotupaa gẹ.

Ụhịrẹyị 26:17

Ọza ene ji na ngụ ịrẹyị ọnịrẹyị sị mẹ anka ọza ene ne tụra irezi ọzọga ụtọ avọọ nị.

Ịrịka 14:22

ẹ yị nyị ọza ịnị aza ẹnẹnị ana vaa ngụ ịnị ẹtẹ ọnọọ. Ẹnịnị è re ụbanyị anị ọnịrị ịvọpa irenyi-irenyi ọnị ọnị mẹ̀ ịnị ẹtẹ Ijipiti ọnịrị ịnị ụnọmị, ama dị ẹ̀ yaa sị akamawụ zama ọnị re nị.

Oyinyima 49:9

Idu ọ vị nị. Idu ọ̀ọ sị uye wụ rị, dị ọ rẹ varẹma aa nọ ịnị ụsị anị, dị ọ na tana tịtẹ anka ohinọyị. Ẹ yị nyị ọza ana nyayịnẹ mẹ ka ọ̀ kwẹẹtẹ.

Ịjọọnụ 8:2

Ẹnẹnẹ viri-viri eyinẹhẹ anị, dị ọ rẹ vavẹ ini irehi Ohomorihi nị. Dị aza rẹ wara ve tù ọọ nị. Dị Ijeesu yaayịtẹ, dị aa zụ̀ wa ịsa nị.

Iruuku 11:16

Dị aza ẹnyị eni ee sì ka ẹnị ẹ̀ zama a re nị. Dị ẹ ka Ijeesu ọ̀ sị apọtẹrẹwa hụụnị ihinẹba zụ̀ ẹnị nị.

Ịmaakị 12:15

Yáá tụ́ ọọ, à vị asị ị rẹ̀ tụ́ ọọ?” Ama Ijeesu ộ yẹ ka ọbọ ẹyaa mẹ nị. Dị ọ kà a yị wa ka, “Sị ẹ vẹ dị ụ waa zama mịị re nịnị? Sị ẹkẹhị enyusẹ ọnyaa mị di a re di me re e!”

Ahẹ Ụgama 39:1

Mị ka maa si eyii pè ẹngụ amị, mẹ yị vaa sị irenu amịị mẹ ịvị Mẹ yị vaa kà ịrẹyị ịzị aza edivi èe hi.

Ịmaakị 3:2

Aza ẹnyị ệ sị eyi pe Ijeesu gegege ka ahịka ọ vaa mẹ osuvọ ọnọọ ụkụ anị ịnị ẹkụhị ụhwọtụ, agụvị dị ẹ̀ nyẹngụ re ịrẹyị ẹnẹ ẹ vaa sị za Ijeesu.