Ịjọọnụ 8:48 - IWE ỌNỊNỊ

⁴⁸ Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Ịjọọnụ 8:48 Referans Kwoze

Ịjọọnụ 7:20

Dị ọkọnị aza ẹnẹẹ tụ́ Ijeesu ohi, dị ẹ ka, “Wáá yẹ ka ụhwẹ echu yà ịnị ẹngụ awụ? Ene ee sì ka ọnị ọ̀ wụ wụ?”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Ịjọọnụ 10:20

Aza ọrụrụ-ọrụrụ ẹnịnị aa kà a ka, “Ộ nyị ụhwẹ echu, vi ee che uvu nị! Sị ẹ vẹ di u wee batọ ịrẹyị anị nịnị?”

Ịjọọnụ 4:9

Dị ọnẹẹ Anịsamarịya ọnọọ tụ́ Ijeesu ohi, dị ọ ka, “Ho! Ẹ́wụ ana vị Aniju mẹmẹ nyẹngụ kà a yị ẹmị Anịsamarịya ka ma ká enyi wụ di u we hú ọọ?” Ẹ yị nyị ịsị ẹẹ̄ kụ́ Aniju ọnịrị Anịsamarịyaa gẹ.

Imatiwu 15:7

Ẹwụ nịnị ọmọzakụyẹ ẹnẹnị! Ịrẹyị ana Ayịsaya chẹrẹ ịyẹẹyẹ ộ da sẹrẹ wụ nịnị kẹnẹ. Ọ kà,

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Imatiwu 10:25

Ọza ana aa kọsẹ ịsa ọ̀ọ sị yà anka ọga anị, ô ze; ozi ahụ ọ̀ọ rẹ sị yà anka ọga anị, o re ze. Àa na aa hị́ adarehi ‘ohirẹsụ ụhwẹ echu’, yẹ ka ịrẹha ene divi hu avọọ a vaa hị́ anineehi anị nị.”

Imatiwu 10:5

Dị Ijeesu tụ́ wa nọ ẹhẹ, dị ọ kà a yị wa ka: Asị ẹ nọ ịdị Anigiriki u! Asị ẹ rẹ ngụ ẹkụra Anịsamarịya nịnị.

Ijemiisi 2:19

Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa.

Aniroomi 15:3

Ikirisiti ọyị hyakụ mẹ̀ ịsa ene ze eyi kẹnẹ. Ama ộ mẹ̀, anka a mẹ̀ vịdị chẹrẹẹ tụ́ ini Iwe Ohomorihi ka ụhụ ana aza aa kụ̀ Ohomorihi, ọ zị vẹ ịrẹsụ anị.

Ịjọọnụ 13:13

Ụụ̄ hị́ mị ọga ọnịrị Ananyị yị nịnị; wâ kà a ẹtẹẹrẹ nịnị, agụvị ka ịsị mị vị ọ vị ọnọọ nị.

Ayịsaya 53:3

Aza ana vọ ệ sị eyi wụ ọ, di e yi ọ tịtẹ nị. Ộ sị ẹngụ dọ ụya ọnịrị ayodu. Ọzọza vị anaa sị eyii tẹ̀ẹ yọ. Â sị eyi wụ ọ; ọza e yi ro o ka â nyị ịsị ọ vị.

Ayịsaya 49:7

Ẹnẹyịmavara kà a yị Isirẹrị ka ọnị ọ vị Ohomorihi ọnịnị ana dọ wa ha hụụnị ụvọ ohinọyị nịnị ana za wa ọrịhị ọnịrị anẹkụra ana sị eyi wụ̀ wa. Ama booro aanị ọnị o wo oto ka ohinọyị nịnị ọnịrị ọdọvịdị nịnị vaa sị ụbanyị yị wa, di e yee ku ẹtẹ yị wa agụvị ka ọnị vị ọnịrẹyịzẹyịza, ọza ọnịnị Anisirẹrị ana nyị wa.

Anihiburu 13:13

À vẹ vi ye ne tù ọ ịrẹma ẹkụra, dị ẹ yà rẹ gà ịnị ụhị anị!

Imatiwu 12:31

Agụvị avọọ dị ma kà a wụ nịnị, ịvị tụra ịvị ọnịrị ụhụ ọnị ọza ọ̀ọ kụ̀ Ohomorihi, a vaa vagu ọọ ịnị anị. Ama ọza ana àa kụ̀ Ụhwẹ Ọnịnị ụhụ, ọza ọyị vaa vagu ọọ.

Imatiwu 11:18

Ịjọọnụ mẹ̀ vẹ, ọ yị rị, o yi hú, dị ụ ka vị ọ nyị ụhwẹ echu nịnị nị.

Ịjọọnụ 1:19

Aniju nịnị ene hi Ijerusarẹmị ệ tụ́ ohirẹsụ irehi Ohomorihi ẹnyị ọnịrị Anireevi nịnị ne tù Ịjọọnụ. Ẹ ka ẹ̀ họ̀ Ịjọọnụ ka ẹnẹ ọ vị ana vị da.

Ịjọọnụ 8:22

Dị Aniju nịnị ka, “Vị ọ́ọ́ vana vaa wụ̀ ẹngụ anị nị, dị ọ maanị aa kà a ka ịzị ọnị aa nọ, ẹyị ẹ yị va zụụ nọ ịzọọ nị?”