Ịjọọnụ 8:47 - IWE ỌNỊNỊ

⁴⁷ Ọza ana àa vị ozi Ohomorihi vị anaā wụ́ ịrẹyị Ohomorihi; ama ẹwụ nịnị ọ mā wụ́ ịrẹyị Ohomorihi, agụvị ka ẹ yị vị ezi Ohomorihi ụ vị nịnị.”

Ịjọọnụ 8:47 Referans Kwoze

2 Ịjọọnụ 1:9

Ọza ẹnẹ ẹ̀ yị jẹẹ pe ịrẹyị ọnị Ikirisiti sị zụ̀ yị, ama di ee benee hi ọ nị, ọ yị yẹ Ohomorihi. Ama ọza ana àa jẹẹ pe ịrẹyị ọnị Ikirisiti sị zụ̀ yị, ọza ọnọọ ọ́ọ yẹ Ohomorihi Ada ayị ọnịrị Ozi Ohomorihi nị.

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

1 Ịjọọnụ 3:10

Ịsị ẹẹ̄ sị ọza ana vị ozi Ohomorihi ọnịrị ọza ana vị ozi Echuu zụ̀ yị: Ọza ẹnẹ ẹ̀ yị mẹ ịzẹyịza ọnịrị ọza ene è yi sì ịrẹyị ọnọhụva anị ẹ́ yị vị ozi Ohomorihi.

Ịjọọnụ 8:45

Ẹmị vị anaā kà ịzẹyịza wụ nịnị, agụvị avọọ ụ wẹ̀ yị dọ mị wụ́ nị.

Ịjọọnụ 8:37

Mâ yẹ ka ezi Abụrahamị ụ vị nịnị nị; ama wee yii sì ka wa wụ̀ mị nịnị, agụvị ka ịrẹyị amị o yi re aha yà ịnị ayị awụ nịnị.

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

Ịjọọnụ 6:65

Dị Ijeesu rẹ kà a yị wa ka, “Agụvị avọọ mị vịdị kà a wụ nịnị ka ẹ yị nyị ọza ana zụ ká mị vẹ, ẹ̀ yị vị Ada amị o si oze yọ.”

3 Ịjọọnụ 1:11

Ọta amị, asị ụ sị eyi sì ọza na mẹ̀ ebira odivi; ama waa sị eyii sì ọzaa mẹ̀ ebira ozoza! Ọza ana àa mẹ̀ ịsa ozoza, ọ vị ozi Ohomorihi nị; ama ọza ana àa mẹ̀ ịsa odivi ẹ́ yị yẹ Ohomorihi vụrụ-vụrụ.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

Ịdanịyẹrị 12:10

Anggẹẹrị ọnọọ ka Ohomorihi vaa nyịna aza ọrụrụ-ọrụrụ hụụnị ịdọtị ẹnịnị, dị ẹ kụkụ vị ọnịnị. Aza anaa mẹ̀ ebira odivi ẹ yị vaa yẹ ịsị aa na, ama dị ẹ yaa yịị mẹ odivi ẹnịnị. Aza ana sị ụvọ za ịrẹyị Ohomorihi kẹnẹ ẹ vaa yẹ ịsị aa na nị.

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Ịjọọnụ 12:48

Ọza ene èe yi mi tịtẹ, dị ọ̀ yị dọ ịrẹyị amị nị, â nyị ịsị ẹ vaa mẹ̀ ọkarẹyị yọ. Ịrẹyị ọnị mị sị kà, ọnị gẹdẹ-gẹdẹ ọ vaa mẹ̀ ọkarẹyị yọ ịnị ẹkụhị ọdịrẹma nị.