Ịjọọnụ 8:46 - IWE ỌNỊNỊ

⁴⁶ Ẹnẹ zụ sị zụ̀ ịnị awụ nịnị ka mâ mẹ ịvị da? Ịrẹyị ẹnẹ ẹmị aa kà vị ịzẹyịza, sị ẹ vavẹ dị ụ wẹ̀ yị dọ mị wụ́ nịnị?

Ịjọọnụ 8:46 Referans Kwoze

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Ịjọọnụ 14:30

Me yi kuku sì ka ma kà ịrẹyịị wụ nịnị gọdọ hu aanị, agụvị ka ohinọyị ẹhẹ ọnọnị aa vẹ. Ama ọ yị nyị ụkata ị́rẹsụ amị.

Ịjọọnụ 8:7

Ẹ màa yịị họ̀ ọ use, dị Ijeesu kwẹẹtẹ jẹẹ nị, dị ọ ka, “Ọza ana àa yẹ ka ọnị ọọ̀ yị mẹ ịvị ịnị ẹngụ awụ nịnị da, ọ̀ vịdị sị ịrẹta, di ò nee nya a.”

Ịmaakị 11:31

Di eyee pe ẹngụ nyị ahankata nị, dị ẹ ka, “Yàa kà a ka ‘Ohomorihi ọ sị yọ nị’, dị ọ ka sị ẹ vẹ dị ẹyị ẹ̀ yị dọ ọ wụ́?

Imatiwu 21:25

Ọyịhwọzenyi ọnị Ịjọọnụ aa mẹ avọọ, ịzị o re e hụrẹ? Ohomorihi ọ́ọ́ sị ọda anịị yọ nị, à vị ọza?” Dị eyee pe ẹngụụ nyị ahankata nị, dị ẹ ka, “Yàa kà a ka Ohomorihi ọ sị yọ nị, dị ọ ka sị ẹ vẹ dị ẹyị ẹ̀ yị dọ ọ wụ́?

1Ipita 2:22

Ẹ́ yị nyị ụmẹ ọnị ọ sị mẹ ịvị, ọza ộ yị rẹ wụ́ ịrẹyị ireche ini irenu ani da.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

2 Anịkọrịntị 5:21

Ikirisiti ọ yị mẹ ịvị vụrụ-vụrụ. Ama Ohomorihi ọ́ hụ agụvị ayị vara ọnị ụvọta ịvị, agụvị ẹyịrị ọọ ọ̀ zụ vị ọnya, dị ya zụ nyị tụ́ ịnị ịzẹyịza Ohomorihi.

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Ịjọọnụ 16:8

Ịjị Ohunẹnọzayị ọnọọ ọ̀ọ vẹ, ọ vaa sị zụ̀ anẹhẹ ka ệ rị ịvị, dị ọ rẹ mẹ ka ẹ̀ yẹ ịrẹyịzẹyịza beri ọkarẹyị Ohomorihi.

Ịjọọnụ 15:10

Wàa sị eyi pe ọda amị nịnị, wẹ yị vaa vàa hụụnị ịrẹyị awụ nịnị oni mi sì. Avọọ émi mè re sị eyi pe ọda Ada amị, dị mẹ̀ yị và hụụnị ịrẹyị amị oni o sì nị.

Ịjọọnụ 8:47

Ọza ana àa vị ozi Ohomorihi vị anaā wụ́ ịrẹyị Ohomorihi; ama ẹwụ nịnị ọ mā wụ́ ịrẹyị Ohomorihi, agụvị ka ẹ yị vị ezi Ohomorihi ụ vị nịnị.”