Ịjọọnụ 8:43 - IWE ỌNỊNỊ

⁴³ Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

Ịjọọnụ 8:43 Referans Kwoze

Ịjọọnụ 5:43

Mâ vẹ ẹhẹ ịnị ịrẹha Ada amị, ama wẹ yị dọ mị nịnị; ama ọza ẹnẹsa ọ̀ọ vẹ ẹhẹ ịnị ịrẹha ẹngụ anị, vị ụ waa dọ ọ nịnị nị.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

Ịjọọnụ 6:60

Ezirẹma Ijeesu ọrụrụ-ọrụrụ ệ wụ́ ịrẹyị ẹnẹẹ, dị ẹ ka, “Ịrẹyị ẹnẹnị ẹ sị katẹngụ, ẹnẹ vana zụ wụ́ ẹngụ ịrẹyị ẹnẹnị da?”

Ịjọọnụ 8:27

Ẹnịnị ẹ yị yẹ ka ini oze Ohomorihi Ada ayị aa kà a yị ẹnị nị.

Ijeremaya 6:10

Dị ọnị tụ́ ohi ka, ọnị ọ̀ọ kà ịrẹyị yị wa, è naa wụ? Ayị ẹnịnị ọọ katẹngụ, ẹnịnị ee yi ka ẹnị ẹ yị wụ ụtụ ọnị ụ tụ. Ịrẹyị awụ vị ọnị ọnị ọ̀ọ sị ka, dị eyee sịị nyinyi.

Ụhịrẹyị 28:5

Aza ọhịmị ẹ yị yẹ ịsị ẹ vị ịzẹyịza, ama aza anaa yẹ Ẹnẹyịmavara ẹ yẹ tu ẹtẹ nị.

Ayịsaya 44:18

Ẹngụ aza ẹnẹẹ vị ọnụra. Ẹnịnị ẹ yị yẹ ịsị ẹyaa mẹ. Ẹnịnị ệ sị eyi ẹnịnị kú oku, agụvị asị ẹnị zụ re ẹtẹ. Ệ sị ịsa kú ayị ẹnịnị agụvị asị ẹnịnị yẹ ịsa a vọrọ ka ẹ yẹ.

Ayịsaya 6:9

Dị ọ ka ma na kà a yị aza ẹnẹẹ ka ẹ raa sị ụtọ pè ẹtẹ pooro dị ẹ yị wụ́, e re vee re ẹtẹ pooro dị ẹ yị yẹ ịsị eyee re.

Imika 4:12

Ama ẹnị ẹ yị va yẹ ịsị Ẹnẹyịmavara ee ro. Mị ka ẹnịnị ẹ yị yẹ ịsị ọnị ọ vaa mẹ. Ẹ yị yẹ ka vị ọ kụ́ Anisirẹrị gụ ka oni ò tụ́ wa kẹnẹ nị. Ọ kà ọnị ee tụ́ wa á mèe tụ́ ayị ịnị ịda avọọ.

Ihoseya 14:9

Aza ana àa yẹ ịrẹyị vaa yẹ avaba ịsa ẹnịnị. Aza ene eyi anị hweyi ẹẹ yẹ ẹ. Oze Ẹnẹyịmavara ọ vọrọ ọnị aza ana yẹ ịrẹyị aa sị mẹ ẹhẹ ẹnịnị nị. Ama ọnịvị nịnị vị ana vaa vanga, dị ẹ hyẹdụ agụvị ka ẹ sị eyi wụ̀ ịrẹyị anị.

Aniroomi 3:11

Ẹ yị nyị ọza ana yẹ ịsa ana vọrọ, ẹ yị nyị ọza ene ee sì ka ọnị ọ̀ saasa Ohomorihi.

Imatiwu 13:15

Agụvị ka ụmatẹsị yà ịnị ayị aza ẹnẹnị. Ẹnịnị ẹ raà sị ịsa kú ụtọ ẹnịnị, di e re kú eyi ẹnịnị oku nị. Agụvị ka ẹ̀ yị vị avọọ, ẹ va sị eyi ẹnịnị re ẹtẹ, dị ẹ sị ụtọ ẹnịnị wụ́ ịrẹyị, dị ẹ sị yẹ ịnị ayị ẹnịnị, ịjọnọọ dị ẹ sị và ká Ohomorihi vẹ, dị Ohomorihi sị wa mẹ ụkụ.’

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Ịjọọnụ 8:33

Dị ẹnịnị tụ́ Ijeesu ohi, dị ẹ ka, “Ezi Abụrahamị ị vị nọ! Yẹẹ̀ yị vị ọrịhị ọzọnyị-ọzọnyị da. Sị ẹ vẹ dị ụ waa kà a ka: ị vaa hụụnị ọrịhị?”

Ịjọọnụ 8:39

Dị ẹnịnị tụ́ ohi, dị ẹ ka, “Abụrahamị ọ vị ada ayị nị.” Dị Ijeesu kà a yị wa ka, “Àa vị ezi Abụrahamị ụ yaanị vị nịnị obooro nị, ụ yaanị aa mẹ̀ ịsa ana Abụrahamị mẹ nịnị.