Ịjọọnụ 8:42 - IWE ỌNỊNỊ

⁴² Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Ịjọọnụ 8:42 Referans Kwoze

Ịjọọnụ 12:49

Mẹ yị dà ịrẹyị ẹngụ amị kà, Ada amị ana tụ́ mị vẹ ẹhẹ aa kà a mị ịsa a vọrọ ka ma kà nị.

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịjọọnụ 17:25

Ọga, wâ nyị ịzẹyịza, anẹhẹ ẹ̀ yị yẹ wụ. Ama ẹmị â yẹ ẹwụ, ẹnẹnị ẹnị ẹ rẹ sị yẹ ka ẹwa tụ́ mị vẹ ẹhẹ nị.

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

1 Ịjọọnụ 4:14

Ẹyị nyẹmba ô sị eyi ayị ree, ya rẹ dọ ivenu tụ́ ọ ka Ohomorihi Ada ayị ộ tụ́ Ozi anị vẹ ẹhẹ ka ọ̀ va dọ anẹhẹ há hụụnị ịvị ẹnịnị.

Ịjọọnụ 5:43

Mâ vẹ ẹhẹ ịnị ịrẹha Ada amị, ama wẹ yị dọ mị nịnị; ama ọza ẹnẹsa ọ̀ọ vẹ ẹhẹ ịnị ịrẹha ẹngụ anị, vị ụ waa dọ ọ nịnị nị.

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

Ịjọọnụ 3:17

Ẹ yị vị Ohomorihi tụ́ Ozi anị vẹ ẹhẹ ka ọ̀ va jị ịvị yị anẹhẹ. Vị ọ ka ọ̀ va dọ anẹhẹ há nị.

Ịjọọnụ 5:23

agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Ẹtore 22:1

Anggẹẹrị ọnọọ mẹ raà sị ẹkụra ọwọọwa ọnọọ zụ mị, ộ sị irehu ene enyi anịị mẹ ka ọza ọ̀ yàra zịna-zịna, zụ̀ mị; ô nyeeyi, aa noko-noko aanị. Di ee sìi hụụnị aga Ohomorihi ohinọyị ọnịrị aga Ozi Atẹmẹ nị.

Anigaratiya 4:4

Ama ịjị ụmẹ Ohomorihi vavẹ, Ohomorihi ộ tụ́ Ozi anị vẹ ịnị ẹhẹ ọnọnị. Ọnyẹnẹẹ ọnya aanị ọ ma a nị. Ọnị ọ rẹ saasa ọda Aniju nịnị,

Ịjọọnụ 8:14

Dị Ijeesu va kà a yị wa ka, “Ịrẹyị ọnị maa kà vị ịzẹyịza, màa daka aa dọ ivenu ẹngụ amị, agụvị ka mâ yẹ ịzị mị hụrẹ vẹ, ma rẹ yẹ ịzị maa nọ. Ama ẹwụ nịnị ọ yị yẹ ịzị mị hụrẹ vẹ, wẹ yị rẹ yẹ ịzị maa nọ nịnị.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 16:30

Ya sị yẹ booro aanị ka wâ yẹ avaba ịsa, ẹ yị kụkụ nyị ka ọza ọ̀ọ họ̀ wụ use ịrẹyị. Ọsọnị ộ mẹ̀ ka ya dọ wụ́ ka ịdị Ohomorihi ụ hụrẹ vẹ nị.”

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.