Ịjọọnụ 8:39 - IWE ỌNỊNỊ

³⁹ Dị ẹnịnị tụ́ ohi, dị ẹ ka, “Abụrahamị ọ vị ada ayị nị.” Dị Ijeesu kà a yị wa ka, “Àa vị ezi Abụrahamị ụ yaanị vị nịnị obooro nị, ụ yaanị aa mẹ̀ ịsa ana Abụrahamị mẹ nịnị.

Ịjọọnụ 8:39 Referans Kwoze

Anigaratiya 3:7

Agụvị avọọ, yẹ nịnị ka ọdọwụ nịnị ẹ vị ezi Abụrahamị booro nị.

Aniroomi 9:7

Ẹ yị rẹ vị avaba ezi Abụrahamị ẹ vị ezi anị obooro, agụvị ka erima ezi Ayiziiki kẹnẹ, a vaa za ịrịkaa tụ́ ịnị ezi Abụrahamị nị.

Ịjọọnụ 8:37

Mâ yẹ ka ezi Abụrahamị ụ vị nịnị nị; ama wee yii sì ka wa wụ̀ mị nịnị, agụvị ka ịrẹyị amị o yi re aha yà ịnị ayị awụ nịnị.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Imatiwu 3:9

Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị

Anigaratiya 3:29

Agụvị ka avaba ayị kụkụ vị Íikirisiti, ọnị ọ vị ka ezi Abụrahamị i kụkụ vị nị. Ẹyị rẹ vaa dọ avaba ẹyịza oni Ohomorihi kà a ka ayị zụ nyị ka ọnị ọyị vaa sị yị Abụrahamị.

Aniroomi 4:16

Ye si oo re ka oto oni Ohomorihi wo, vị ana jẹẹ tụ́ ịrẹsụ ka ọza ộ sị ayị tụra Ohomorihi. Ọnọọ vaa mẹ ka ịsị Ohomorihi wo oto anị vị ọọhẹ, dị avaba ezi Abụrahamị re re oze dọ ọ nị. Ẹ yị vị ịrẹyị aza ana aa saasa ọda Aniju kẹnẹ, ama yị avaba aza ana aa sị ayị tụra Ohomorihi, anka Abụrahamị ọnị mẹ̀ rẹ mẹ. Yâ yẹ ka avaba ayị Ábụrahamị vị ada anị nị.

Aniroomi 4:12

Abụrahamị ọ rẹ vị ada Aniju nịnị nị, aza ana ahịka ẹ yị vị ụvẹvẹnẹ kẹnẹ ẹ jị, ama ệ sị ayị tụra Ohomorihi, anka Ábụrahamị ada ayị mẹẹ̄ mẹ, dị ọ hyakụ va jị ụvẹvẹnẹ.

Ịjọọnụ 8:33

Dị ẹnịnị tụ́ Ijeesu ohi, dị ẹ ka, “Ezi Abụrahamị ị vị nọ! Yẹẹ̀ yị vị ọrịhị ọzọnyị-ọzọnyị da. Sị ẹ vẹ dị ụ waa kà a ka: ị vaa hụụnị ọrịhị?”

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

Ịjọọnụ 8:56

Abụrahamị ada awụ nịnị ọnị ộ jẹ ịrajẹ ka oni vee re ụmẹ amị. Ịzẹyịza ô re e, ịnẹ anị ô hine.”