Ịjọọnụ 8:24 - IWE ỌNỊNỊ

²⁴ Agụvị avọọ, mị kà a wụ nịnị ka u vee súu tụ́ ịnị ịvị awụ nịnị. Wẹ̀ yị dọ mị wụ́ nịnị ka ‘Ẹma vị Ẹmị’ nị, vi u vee súu tụ́ ịnị ịvị awụ nịnị nị.”

Ịjọọnụ 8:24 Referans Kwoze

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Ịjọọnụ 3:18

Ọza ana àa sị ayị tụra Ozi anị ọnọọ, Ohomorihi ọ yị kụkụ vaa jị ịvịị yọ; ama ọza ẹnẹ ẹ̀ yị sị ayị tụra a, ọ sị ịvị jịị yọ da, agụvị ka ọ yị sị ayị tụra Ozi Ohomorihi ikonya gene-gene.

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Ụhịrẹyị 8:36

Ọza ẹnẹ ẹ yị nyị ịrẹyọyẹ vị anaa tọ̀ ẹngụ anị ụnava. Ọza anaa nyị ịhyẹrẹ ịrẹyọyẹ vị anaa hị́ isu tu ẹngụ anị.

Ịjọọnụ 13:19

Mi jintu aa kà ịrẹyị ẹnẹnịị wụ nịnị dị ẹ̀ va mẹ, agụvị ịhị ẹ̀ẹ sị mẹ, dị ụ wa zụ dọ wụ́ nịnị ka ‘Ẹma vị Ẹmị’ nị.

Ịjọọnụ 4:26

Dị Ijeesu ka, “Ẹmị ene ee pe wuu kà ịrẹyị aanị, ẹma vị Ikirisiti ọnọọ nị.”

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

Ịjọọnụ 8:21

Dị Ijeesu rẹ kà a yị wa ka, “Maa vaa na nịnị, u vee sì mi nịnị, ama di u sú tụ́ ịnị ịvị awụ nịnị. Ịzị maa nọ, wẹ yị va zụụ vẹ ịzọọ nịnị.”

Odeyi 4:12

Ẹ yị nyị ọza ẹnẹsa ana zụ dọ ọza há, Ẹ yị nyị ọza ẹnẹsa íruvo ihinẹba ọnọnị oni Ohomorihi sị ịrẹha anị yị aza ka ọ̀ọ dọ waa há.”

Ịmaakị 13:6

Aza ẹnyị vaa rị ịrẹha amị, dị ẹ vẹ dị ẹ ka ẹnị ẹ vị Ọdọzaha nị, dị ẹ sị aza ọrụrụ-ọrụrụ vene.

Iruuku 21:8

Dị Ijeesu ka, “Sị eyi pe ẹngụ awụ nịnị, oo! Asị ụ zẹẹ ka è vene wu nịnị! Aza ọrụrụ-ọrụrụ vaa rị ịrẹha amị, dị ẹ vẹ, dị ẹ ka ẹnị ẹ vị Ọdọzaha nị. Dị ẹ rẹ ka ụmẹ aa gụrị ẹtẹ. Asị ụ saasa wa nịnị!

Ọyịkụra 3:14

Di Ohomorihi kà a yi Imosiisi dị ọ ka Ọnị ọ rị Ẹmị ana vị Ẹmị Di Ohomorihi rẹ kà a yọ dị ọ ka: Ọ̀ kà a yị Anisirẹrị ka Ẹma vị Ẹmị ọ tụ́ ọ vẹ nị.

Imatiwu 24:5

Aza ẹnyị vaa rị ịrẹha amị, dị ẹ vẹ dị ẹ ka ẹnị ẹ vị Ikirisiti nị, dị ẹnịnị vene aza ọrụrụ-ọrụrụ.

Ịjọọnụ 8:25

Dị ẹnịnị rẹ họ̀ ọ ka, “Ẹwụ ẹnẹ ọ vị?” Dị Ijeesu ka, “M mẹ̀ yị kà a wụ nịnị hụrẹ ụmọrụmọ avọọ, mị vị nị.

Ịjọọnụ 8:28

Dị Ijeesu rẹ kà a yị wa ka, “Ịhị wàa raà sị ẹmị Ozi ọza onigirima tụ́ ẹba, ụ vaa yẹ nịnị ịhị ọnọọ ka ‘Ẹma vị Ẹmị’ nị. Ụ rẹ vaa yẹ nịnị ka mẹ yị dà ịsọnyị-ịsọnyị mẹ yị ẹngụ amị, ama ka ịrẹyị ana Ada amị sị zụ̀ mị, m maa kà nị.

Ịjọọnụ 8:58

Dị Ijeesu kà a yị wa ka, “Ịzẹyịza m maa kà a wụ nịnị nị, dị a va yẹ ka aa ma Abụrahamị, mị hụrẹ yà ịzọọ nị.”