Ịjọọnụ 8:14 - IWE ỌNỊNỊ

¹⁴ Dị Ijeesu va kà a yị wa ka, “Ịrẹyị ọnị maa kà vị ịzẹyịza, màa daka aa dọ ivenu ẹngụ amị, agụvị ka mâ yẹ ịzị mị hụrẹ vẹ, ma rẹ yẹ ịzị maa nọ. Ama ẹwụ nịnị ọ yị yẹ ịzị mị hụrẹ vẹ, wẹ yị rẹ yẹ ịzị maa nọ nịnị.

Ịjọọnụ 8:14 Referans Kwoze

Ịjọọnụ 16:28

Ịzẹyịza, ịdị Ada amị mị hụrẹ dị mị vẹ ịnị ẹhẹ nị. Mị raa hụụnị ẹhẹ, dị ma nọ ịdị Ada amị.”

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

Ịjọọnụ 14:10

Aanịka wẹ yị dọ wụ́ ka ẹmịrị Ada amị vị ọnya, ka ẹmị rị ọọ vị ana vabẹ? Ịrẹyị ọnị maa kà a wụ nịnị avọọ, ẹ yị vị ẹmị ụvọta aa dà a kà. Ada amị ẹnẹ ẹmịrịị vị ọnya aa mẹ̀ ụkọrọ anị nị.

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Ịjọọnụ 17:8

Ịrẹyị ọnị ụ kà yị mị, ma raà kà a yị wa. Ẹ sị ịrẹyị ọnọọ dọ, ẹ rẹ yẹ ka ịzẹyịza, ịdị awụ mị hụrẹ vẹ nị. Ẹ rẹ sị dọ wụ́ ka ẹwa tụ́ mị vẹ ẹhẹ nị.

Ịrịka 12:3

Ama Imosiisi ọnị vị ọza ana ka ẹngụ chi huu kere-kere ịnị ẹhẹ nị. Ọ mā sị ẹngụ tụ ẹba.

Ẹtore 3:14

Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:

2 Anịkọrịntị 12:19

Vi u wéé ro nịnị ka i yee sì ka ya dọ ẹngụ ayị tụ́ ịnị ụvọ awụ nịnị nị? Vụrụ-vụrụ. Yâ jẹẹ ọvịdị Ohomorihi aa kà ịrẹyị anka ọza ọnị ọnịrị Ikirisiti sị vị ọnya. Ẹwụ nịnị ẹyịnyara amị, avaba ịsị ị yaa mẹ vị ọnị yaa mẹ ka ya sị gụ wụ nịnị ụvọ.

2 Anịkọrịntị 12:11

Maa kà ịrẹyị anka ọnụra avọọ, ama ẹwụ nịnị ọ mẹ ka ma maanị wo oto, di maa ga ẹngụ amị nị. Ẹwụ nịnị a vọrọ ka ọ̀ọ ga ẹmị nị, ẹ̀ yị daka nyị ịsị mị vị, aza ọnị ụ sị mẹ ọga ezirẹma Ijeesu nịnị avọọ, e yi huna mị ini oze ọnyọọnyị.

2 Anịkọrịntị 11:31

Ohomorihi ana vị Ada Ijeesu Ananyị yị, ộ yẹ ka me yi cheeche. Ọnị ọ nyị avaba ụbanyị pooro zịna-zịna nị.

Ịjọọnụ 10:36

Àa vị ẹmịị yọ, Ada amị ọ nyị mị, dị ọ tụ́ mị vẹ ẹhẹ nị. Màa va kà a ka Ozi Ohomorihi mị vị nị, dị ụ ka m maa kà ịrẹyị odivii hi Ohomorihi nịnị nịị?

Ịjọọnụ 10:15

anka Áda amị mẹ̀ yẹ mị, dị ẹmị rẹ yẹ Ada amị. Mị vaa sị ụhwẹ amịị tịtẹẹ yị atẹmẹ amị.

Ụhịrẹyị 8:7

Ịzẹyịza ọnị vaa kà nị, agụvị ka ịsa eenyisi ọ vị ka ọnị o cheeche nị.

Ịjọọnụ 5:31

Àa vị ẹmị ụvọta aa dọ ivenu ịrẹyị ẹngụ amị nị, aza ẹ zụ kà a ka ivenu amị vị ireche.

Ịjọọnụ 18:37

Dị Ipayireti va họ̀ ọ ka, “Ohinọyị ẹwụ wáá vị ana vị nị?” Dị Ijeesu tụ́ ọọ ohi ka, “Ụ mẹ̀ yị kà a, avọọ yọ, ohinọyị mị vị nị. Â ma mị, mâ vẹ ịnị ẹhẹ, ka ma va sị ịzẹyịza zụ̀ aza. Ọza ene èe sì ịzẹyịza, vaa wụ́ ịrẹyị amị.”

Ẹtore 1:5

Ijeesu Ikirisiti, ana a zụ sị ayị tụra, ọ̀ rẹ mẹ ọyịza wụ nịnị. Ọnị ọ vị ọnịpaapa ana ha hụụnị isu nị, ọnị ọ rẹ vị ohirẹsụ ohinọyị anẹhẹ nị. Ô sì ịrẹyị ayị. Ini oze anya oni o che sẹ́ ẹtẹ o mè sú, ộ nyịna ịvị ayị kwooze.