Ịjọọnụ 7:24 - IWE ỌNỊNỊ

²⁴ Asị ụ rẹ̀ mẹ̀ ọkarẹyị eyi-eyi nịnị, waa sị ịzẹyịzaa mẹ̀ ọkarẹyị nịnị.”

Ịjọọnụ 7:24 Referans Kwoze

Ijemiisi 2:9

Ama wàaa nyị ọzaa remeyi nịnị, wa sị ịvị mẹ nịnị; ọda ọ sị wụ nịnị za, agụvị ka wa sị jịnẹ ọda nịnị.

Ịjọọnụ 8:15

Ẹwụ nịnị vị ana aa mẹ̀ ọkarẹyị anka ọza kẹnẹ. Ama ẹmị ẹ yị mẹ̀ ọkarẹyị yị ọzọnyị-ọzọnyị.

Ijemiisi 2:1

Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o!

Ụhịrẹyị 24:23

Ọyẹrẹyị ộ kà ịrẹyị ẹnẹnị nị: Ẹ yị zoza ka ọza ọọ̄ mẹ̀ ọkarẹyị irikiti.

Ụhịrẹyị 17:15

Ẹnẹyịmavara ọ nyị ịhyẹrẹ aza anaā jị ịvị yị ọnị ịzẹyịza, dị ọ̀ jị ịhị yị ọza ana rị ịvị.

Ijemiisi 2:4

Wàa vavọọ aa mẹ, wee re ka we si nyima ee re aza ẹnyị eyii hu ọsa ịnị ẹngụ awụ nịnị avọọ? Yẹ ka ịsa oni u wee ro nịnị o yi zoza oo!

Ireevi 19:15

Ẹnẹyịmavara kà ẹnịnị ẹ̀ẹ sị ịzẹyịzaa mẹ̀ ọkarẹyị; à sị ẹ nyị ọza remeyi agụvị ka ọọ vị onosiye, dị à sị e re hí angwa ọzọbanyị.

Ayịsaya 5:23

Ọza ọ̀ọ rị ịvị ịrẹyị di o ve chire wụ nịnị irenu, dị ụ jị ịvị yọ nịnị, dị ahịka ọza ana yaanị rị ịhị ọ kụkụ rị vị nị.

Ahẹ Ụgama 82:2

Ẹwụ nịnị ana nyị ụkata, sị ẹ vẹ dị waa sị ịrẹyịị gụ ọza ana aa mẹ̀ ebira odivi nịnị? Sị ẹ vẹ dị wee sima ọkarẹyị mẹ ka wa sị gụ aza edivi nịnị?

Ịzakaraya 7:9

Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva.

Ịjọọnụ 7:25

Dị Anijerusarẹmị ẹnyị ka, “Aanịka ẹ yị vị ọza ene eyee sì ka ẹnị ẹ̀ wụ yị?

2 Anịkọrịntị 10:7

Wáá yẹ nịnị ka ịzẹyịza ọ yị kà a ka asị ọza kà ọnị? Àa nyị aza ana dọ ka hịịn Óohinọyị oni Ohomorihi nyị ka ọ̀ dọ yị há ẹnị vị nị, aza ẹnẹẹ ẹ̀ tamayị ka, ẹnị mẹ̀ vị Óohinọyị oni Ohomorihi nyị ka ọ̀ dọ yị há avọọ, avọọ ẹyị mẹ̀ rẹ vị aanị nị.