Ịjọọnụ 7:23 - IWE ỌNỊNỊ

²³ Waa jị ozi ewu nịnị ụvẹvẹnẹ ịnị ẹkụhị ụhwọtụ, agụvị asị ụ jịnẹ ọda Imosiisi nịnị. Sị ẹ vavẹ dị ụ waa kụ́ ayịị hi mi nịnị, agụvị ka mâ mẹ ọza ụkụ saka-saka ịnị ẹkụhị ụhwọtụ?

Ịjọọnụ 7:23 Referans Kwoze

Imatiwu 12:5

À vị wẹ yị kà a ịnị ọda oni Imosiisi mẹ nịnị ka ịnị ẹkụhị ụhwọtụ ohirẹsụ irehi Ohomorihiī mẹ̀ ụkọrọ ini irehi Ohomorihi, ama dị ẹ yị rị ịvị?

Imatiwu 12:2

Ịjị Anihwarisi nịnị vavọọ re e, dị ẹ kà a yị Ijeesu ka, “Re! Wée re ézirẹma awụ màa mẹ̀ ịsa ọnị ọda ọ̀yị zẹẹ ka à mẹ ịnị ẹkụhị ụhwọtụ!”

Ọyịkụra 31:14

Waa za ido ẹkụhị ụhwọtụ nịnị dị ụ wa yẹ nịnị ka ẹkụhị amịị yọ nị. Ọza ene èe du ẹkụhị ọnọọ ẹngụ vị a vaa wụ̀ ọ nị. Ọza ana àa mẹ̀ ụkọrọ ọnyọọnyị ịhị ọnọọ à wụ̀ ọ.

Imatiwu 12:10

 nyị ọza ịnya aanị ana yà ịzọọ ene sú ụvọ. A rẹ nyị aza ẹnyị ịzọọ ene ee sì ka ẹnị ẹ̀ sị ịrẹyị za Ijeesu, dị ẹ họ̀ ọ ka, “Ọda ayị ọ́ọ́ zẹẹ ka à mẹ ọza ụkụ ịnị ẹkụhị ụhwọtụ?”

Ịjọọnụ 5:10

Dị Aniju nịnị kà a yị ọza ana a mẹ ụkụ aanị ka, “Ajịnị vị ẹkụhị ụhwọtụ, ọ! Ẹ yị vọrọ ka waa za odooro zị ajịnị.”

Ịjọọnụ 7:21

Dị Ijeesu kà a yị wa ka, “Mâ mẹ̀ ụkọrọ ọbanyị ọnya, o si hí avaba awụ nịnị irenu.

Ịjọọnụ 9:16

Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.