Ịjọọnụ 7:22 - IWE ỌNỊNỊ

²² Imosiisi ộ vịdị kà a wụ nịnị ka waa jị ozi ewu nịnị ụvẹvẹnẹ, ama ẹ yị vị Imosiisi ọnị ụvọta ọ kà a, ohiku awụ nịnị o nyima anị nị. Ụụ̄ hyakụụ jị ozi ọnọrụ awụ nịnị ụvẹvẹnẹ ịnị ẹkụhị ụhwọtụ.

Ịjọọnụ 7:22 Referans Kwoze

Ireevi 12:3

Ọ kà ịhị ẹgwẹhịnta ọnị ọ́ ma ozi ọnọọ, a vaa jị ọ ụvẹvẹnẹ.

Anigaratiya 3:17

Ịsị maa kà yị: O si kù oni Ohomorihi wo oto yị Abụrahamị. Ịrayị akava tụra ohurẹẹwụ (430) ọ sị mẹ kwooze, dị Ohomorihi va sị ọda yị Aniju nịnị. Ọda ọnọọ ọ yị nyẹngụ du oto oni Ohomorihi vịdị reè wo, dị ọ̀ kụ́ ịsa oni o wo oto anị kwooze.

Oyinyima 21:4

Ịjị ozi anị ọnọọ sị gụ ẹkụhị ịhịnta ana a ma a, dị Abụrahamị jị ọ ụvẹvẹnẹ nị. Avọọ Ohomorihi mẹ̀ mẹ̀ ẹ ọdaa yọ nị.

Odeyi 7:8

Dị Ohomorihi ka Abụrahamị ọ̀ jị aza anị ụvẹvẹnẹ, ana jẹẹ yị apọtẹrẹwa oto ọnọọ nị. Dị Abụrahamị ma Ayiziiki, dị ọ jị ọọ ụvẹvẹnẹ, ịhị ẹ tụ́ ọọ ẹkụhị ịhịnta ọnị ọ ma a nị. Ayiziiki ộ ma Ijekọvụ, dị Ijekọvụ ọnị ma ezi ẹwụrẹva ana vị ada ayị nị.