Ịjọọnụ 7:1 - IWE ỌNỊNỊ

¹ Ịrẹma ẹnẹẹ, di Ijeesu aa ngụ Igariri zịịzị nị. O yi sì ka ọnị ọ̀ varẹma nọ Ijudiya, agụvị ka Aniju nịnị ene hi ịzọọ, ee sì ka ẹnị ẹ̀ wụ ọ.

Ịjọọnụ 7:1 Referans Kwoze

Ịjọọnụ 4:3

Agụvị avọọ dị ọ hụrẹ Ijudiya dị aa nọ Igariri nị.

Imatiwu 21:38

Aza ẹnẹẹ ana a dà ẹtẹ yị mè re ozi ọnọọ, dị ẹ kụkụ gẹ eyi, dị ẹ ka, ‘Ozi ọnọnị ọ vaa kụ́ ogu ada anị nị; à vẹ ya wụ ọọ, di ogu anị ọ̀ kụkụ vị áayị!’

Ịjọọnụ 7:19

Aanịka Imosiisi ọ yị vịdị sị ọdaa wụ nịnị? Áá nyị ọza awụ nịnị ana saasa ọda ọnọọ? Sị ẹ vẹ di u wee sì ka wa wụ̀ mị nịnị?”

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Odeyi 10:38

Wa rẹ yẹ Ijeesu Anịnazarẹtị nịnị. Ohomorihi ộ sị Ụhwẹ Ọnịnị ọnịrị ụkata yọ ẹtẹẹtẹrẹ. Aa ngụ ọọ zị, dị aa mẹ ọyịza, dị ọ raa mẹ aza ene Echu aa sị ụyaa rị ụkụ nị, agụvị ka Ohomorihi ộ yà pe e.

Ịjọọnụ 4:54

Ọnọọ ọ vị apọtẹrẹwa ọhụva oni Ijeesu mẹ, ọ mẹ̀ hụrẹ Ijudiya va ngụ Igariri nị.

Ịjọọnụ 1:19

Aniju nịnị ene hi Ijerusarẹmị ệ tụ́ ohirẹsụ irehi Ohomorihi ẹnyị ọnịrị Anireevi nịnị ne tù Ịjọọnụ. Ẹ ka ẹ̀ họ̀ Ịjọọnụ ka ẹnẹ ọ vị ana vị da.

Ịjọọnụ 8:40

Ẹmị vị anaā kà a wụ nịnị ịsa oni Ohomorihi kà mị; ama wee sì ka wa wụ̀ mị nịnị. Abụrahamị ọ yị vavọọ mẹ.

Ịjọọnụ 8:37

Mâ yẹ ka ezi Abụrahamị ụ vị nịnị nị; ama wee yii sì ka wa wụ̀ mị nịnị, agụvị ka ịrẹyị amị o yi re aha yà ịnị ayị awụ nịnị.

Ịjọọnụ 7:25

Dị Anijerusarẹmị ẹnyị ka, “Aanịka ẹ yị vị ọza ene eyee sì ka ẹnị ẹ̀ wụ yị?

Ịmaakị 11:18

Ịjị ohirẹsụ ẹbanyị irehi Ohomorihi beri ọzwọzọda nịnị wụ́ ọọ, ê sì oze ka ẹnị ẹ̀ wụ ọọ. Angwa Ijeesu ee hí wa, agụvị ka ịsa oni Ijeesu aa zụ̀ aza vị ene hí avaba aza irenu.

Ịjọọnụ 6:1

Ẹkụhị ọnya, Ijeesu ộ nọ akẹnẹ irehu Igariri, ana a rẹẹ̄ hị́ irehu Itiberiyasi.

Ịjọọnụ 7:11

Dị Aniju nịnị ee sì ọọ ịzị ẹ yà rị eche nị. Dị ẹ ka, “Ịzị ọ yà kẹ?”

Ịjọọnụ 7:13

Ama ẹ yị nyị ọza ana nyayịnẹ kà ịrẹyị anị tụ́ ẹhẹ, agụvị ka eyee hí angwa ọdọvịdị Aniju nịnị.

Ịjọọnụ 7:35

Dị Aniju nịnị aa kà a yị ẹngụ ka, “Ịzị ị yẹ ka ọ vaa nọ, di ye yi zụ re e? Ẹwáá ka vị ọ vaa nọ ịdị Anigiriki ịzị Aniju gara hi, dị ọ̀ naa zụ̀ Anigiriki nịnị ịsa ịzọọ nị?”