Ịjọọnụ 6:9 - IWE ỌNỊNỊ

⁹ “Â nyị ozi ọnọrụ ọnya ịzẹnị ana nyị Ịbụrẹẹdị ẹẹhị beri ivovo ẹẹva. Ama ịzị ẹsẹnị daka tù ịnị ọkọnị aza ẹnẹnị?”

Ịjọọnụ 6:9 Referans Kwoze

Iruuku 9:13

Dị Ijeesu ka, “Sị ẹ vẹ, ẹwụ nịnị ụvọta ọ̀ sị ịsọyịrị yị wa!” Di ezirẹma anị ka, “Akara ẹẹhị beri ivovo ẹẹva kẹnẹ, ị nyị nọ! Ụ wáá vana ka ya na hị́ ịsọyịrị va yị ọkọnị aza ẹnẹnị nị?”

Ịmaakị 6:38

Dị Ijeesu ka, “Na gara ẹtẹ nịnị daa re, ákara yà ụ nyị nịnị!” Ịjị ẹ na gara ẹtẹ re, ệ vavẹ va kà a yọ ka ẹnị ệ nyị Ịbụrẹẹdị ẹẹhị beri ivovo ẹẹva.

Imatiwu 14:17

Dị ezirẹma anị ka, “Akara ẹẹhị beri ivovo ẹẹva kẹnẹ ị nyị tụ́ ịzẹnị nọ.”

Ahẹ Ụgama 78:19

Ẹ yaa kà a chire Ohomorihi, ẹ ka aanị ka Ohomorihi ọ zụ sị ịsọyịrị yị ọza ịnị ụnọmị ịzẹnị?

Imatiwu 16:9

Aanịka wẹ́ẹ́ yị yẹ nịnị? Wẹ yị tamayị Ịbụrẹẹdị ẹẹhị ana aza ẹnị akahị-akahị oze ẹẹhị rị nịnị? Wáá yẹ, uji yà ụ sị kụ́ ana vọ nịnị?

Ịmaakị 8:19

m mẹ̀ gà Ịbụrẹẹdị ẹẹhị yị aza akahị-akahị oze ẹẹhị (5,000)? Óhihii uji yà ana vẹtẹ, ọnị ụ kụ́ nịnị?” Ẹnịnị ka, “Uji ẹwụrẹva.”

2 Anịkọrịntị 8:9

Wâ yẹ nịnị, Íjeesu Ananyị yị oni Ohomorihi nyị mẹ ohinọyị ka ọ̀ dọ yị há, ịzị ọ vayị ọza na zá. Ọzọbanyị ọ vị nị, ộ hụvị awụ nịnị bàrà onosiye, ka ẹwụ nịnị ọ̀ zụ vara ọzọbanyị ini oze osiye anị.

Ahẹ Ụgama 147:14

Ọ yị zẹẹ ka aza ana kara wụ nịnị ẹ̀ kú ịrẹkụ re tù wu nịnị, di aa sị ịsọyịrị ana aā hị́ ihwiti ene zozaa wụ nịnị nị.

Ahẹ Ụgama 81:16

Ohomorihi ka ama ọnị vaa sị ịsọyịrị ene zoza hu anaaa hị́ ihwiti dị ọnị sị yị ẹwụ. Dị ahịka ẹhụ ịnị akakana ịda ọnị sị wụ ka wa rị ọ nị.

Iwe Ọhụhị Imosiisi ana aa hị́ Ọyịvatụrọda 8:8

Ẹtẹ anaā mẹ̀ ihwiti, ibaari, ịvayịnị ọnịrị Ipomegiraneti, ọchị orivi ne beri ẹhụ.

Ẹtore 6:6

Dị mị wụ́ ịrẹyị ẹnyị aanị anka ọngwẹ avọọ ịnị akakana ịsa ẹẹna ẹnẹẹ ana nyị ụhwẹ nị. Dị ọ ka: Akụ ẹnya ọnya vị Ịnayịra ẹẹva, apaapa ẹnya ẹẹta rẹ vị Ịnayịra ẹẹva. Asị ụ zẹẹ ka angwẹ ọnịrị eche ẹ̀ zwọ!

Ịjọọnụ 11:32

Ịjị Imeri tù ịzị Ijeesu yà, di o re e, dị ọ và ku ẹtẹ ágada anị nị, dị ọ ka, “Ananyị yị, wàa yaanị yà ịzẹnị, ẹnẹbẹnị amị ọ yị yaanị sú, ọ.”

Ịjọọnụ 11:21

Dị Ịmata kà a yị Ijeesu ka, “Ananyị yị wàa yaanị yà ịzẹnị, ẹnẹbẹnị amị ọ yị yaanị sú, ọ!

Ịjọọnụ 6:7

Dị Ihwiripi tụ́ o ohi, dị ọ ka, “Yàa daka hị́ Ịbụrẹẹdị achuchu ẹẹva, dị a ka ọzọza ọ̀ dà rị kiiki nị, ẹ yị hyakụ nyị ịzị o tù wa.”

Ezikẹẹrị 27:17

Anijuda ẹnịrị Anisirẹrị nịnị ee pe wu nịnị sẹ ohu. Ịsọyịrị, ẹhụ, angwẹ orivi, ọnịrị ahọ̀nọ ẹ sị vaa hị́ ịsa ịdị awụ nịnị nị.

Ahẹ Ụgama 78:41

Ẹnịnị ệ zama Ohomorihi re ụpẹ akawụ ẹkẹhị, dị ẹ yaa kụ́ ẹngụkataa tù ọ.

2 Ohinọyị 7:1

Ama, Erisa ô tụ́ ohi ka: Ẹnẹyịmavara ộ tụ́ ọnị hi wu; ọ ka ụmẹ aanị ụhwọọ, a vaa hị́ ihwiiti ene zoza hu ikirogirami ẹẹta Ịnayịra ọnya, dị a raa hị́ ibaari ikirogirami ịhịnọnyị Ịnayịra ọnya Ị́samarịya ịzẹnị.

1 Ohinọyị 4:28

Ẹnịnị vị ana rẹẹ̄ kụ́ ibaari ọnịrị avị vaa yị umaata ohinọyị ịzị aā kụ́ wa hi. Ụmẹ ọzọza òo si tù, dị ẹ vavọọ kụ́ ọ vẹ.

Iwe Ọhụhị Imosiisi ana aa hị́ Ọyịvatụrọda 32:14

Dị Ẹnẹyịmavara ộ mẹ̀ ka ịrẹva Imaaru ọnịrị ẹvụ ẹnịnị ọ nyị enyi ẹtẹẹtẹrẹ. Dị ụ nyị atẹmẹ ọnịrị ẹvụ beri imaaru ene zoza hu nị. Avọọ ọ mẹ rẹ sị Ihwiti ozoza ọnịrị eche ene hu yị wụ nịnị nị.

Ịjọọnụ 6:11

Dị Ijeesu sị Ịbụrẹẹdị ẹnẹẹ, dị ọ kụ́ Ohomorihi avọ tụ́ ọọ, dị ọ ka à gà ẹ yị aza ana yaayịtẹ ịzọọ nị. Dị ọ ka à rẹ vavọọ gà ivovo ẹnẹ yị wa nị. Ọzọza ộ nyị, o mè sì.

Ịjọọnụ 21:9

Ẹ mẹ̀ yị va sị ngụ ụtọ abobo kẹnẹ, di e re akịna ịra ịzọọ nị. Di e re ivovo ị́rẹsụ ịra ọnọọ, di re Ịbụrẹẹdị ịzọọ nị.

Ịjọọnụ 21:10

Di Ijeesu kà a yị wa ka, “Sị ini ivovo ọnị ụ za nịnị ịsọọnị vẹ!”

Ịjọọnụ 21:13

Dị Ijeesu na sị Ịbụrẹẹdị, dị ọ sị yị wa nị. Dị ọ rẹ sị ivovo yị wa nị.