Ịjọọnụ 6:71 - IWE ỌNỊNỊ

⁷¹ Ịjọnọọ, Ijeesu aa kà ịrẹyị Ijudasi Isikarịyọtị, ana vị ozi Ịsayịmọnị; agụvị ka ịzẹyịza, Ijudasi vị ọnya ini ezirẹma ẹwụrẹva, ama ọnị ọ vaa sị Ijeesu chire ọnịvị anị ụvọ nị.

Ịjọọnụ 6:71 Referans Kwoze

Ijudi 1:4

Agụvị ka aza ẹnyị ẹnẹ ẹ̀ yị yẹ Ohomorihi ệ tangwa sị ngụ ịnị akakana ịragụ awụ nịnị. Aza ẹnẹnị ẹ́ raà vara ayamva Ohomorihi tụ́ ịnị ịsị e sị eyi ka, dị ẹyaa mẹ ịsị e ze wa eyi nị. Ẹnịnị ê yi Ijeesu Ikirisiti tịtẹ, ana ahịka ọyịnyara ọ vị ọga ayị, dị ọ vị Ananyị yị nị. Á sị ọ chẹrẹ tịtẹ hụrị ụmọrụmọ ka ọza ana àa maanị mẹ, vị́ Ohomorihi vaa jị ịvịị yọ nị.

Odeyi 2:23

Ohomorihi ana yẹ avaba ịsa, ộ vịdị mẹ eto anị tịtẹ ka à sị ọọ chire wu nịnị ụvọ, dị ụ mẹ ka aza edivi ẹ̀ kanyị ọọ za ọchị apavahị, dị ụ vavọọ wụ ọọ nịnị nị.

Ịjọọnụ 13:26

Dị Ijeesu ka, “Ọza ọnị màa dà ịsa vá ẹpẹ, dị mị sị yị nị, ọnịị yọ.” Dị ọ dà ịsa vá ẹpẹ, dị ọ sị yị Ijudasi Isikarịyọtị ozi Ịsayịmọnị nị.

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Imatiwu 10:2

Ịrẹha ezirẹma ẹwụrẹva ẹnẹẹ yị: Ọnịpaapa vị Ịsayịmọnị ana a rẹẹ̄ hị́ Ipita, beri Andụrụ ọyịnyara anị; Ijemiisi ọnịrị Ịjọọnụ ọyịnyara anị; ana vị ezi Izebedi;

Imatiwu 10:4

Ịsayịmọnị Anikenaani beri Ijudasi Isikarịyọtị, ọza ana vana sị Ijeesu chire ọnịvị anị ụvọ.

Ịmaakị 14:10

Ijudasi Isikarịyọtị ana vị ọnya ini ezirẹma ẹwụrẹva, ộ nọ ịdị ohirẹsụ ẹbanyị irehi Ohomorihi. Ee sì ka ọnị ọ̀ sị Ijeesu chire wa ụvọ.

Ịjọọnụ 2:2

 hị́ Ijeesu ọnịrị ezirẹma anị nọ ịzị a yà aa nyị ọnẹẹ aanị.

Ịjọọnụ 6:64

Ama â nyị aza ẹnyị awụ nịnị, ẹnẹ ẹ̀ yị dọ wụ́.” Ijeesu ộ vịdị sị yẹ hụrẹ ụmọrụmọ aza ẹnẹ ẹ̀ yị dọ ọnị wụ́ ọnịrị ọza ana vaa sị ọnịị chire ọnịvị anị ụvọ.

Ịjọọnụ 6:70

Dị Ijeesu tụ́ ohi, dị ọ ka, “Wâ yẹ ka ẹma nyị ẹwụ nịnị ẹwụrẹva nị. Ama ọza ịnyara awụ nịnị vị echu.”

Ịjọọnụ 12:4

 nyị ozirẹma Ijeesu ọnya aanị, aā hị́ ọọ Ijudasi Isikarịyọtị. Ozi Ịsayịmọnị ọ vị nị. Ọnị ọ rẹ vaa sị Ijeesu chire ọnịvị anị ụvọ nị. Dị ọ ka:

Ịjọọnụ 13:2

Ijeesu ọnịrị ezirẹma anị vị ana aa rị ịsa oruva. Echu ọ raà sị tụ́ ịnị ayị Ijudasi Isikarịyọtị ozi Ịsayịmọnị ka ọ̀ sị Ijeesu chire ọnịvị anị ụvọ.

Ịjọọnụ 20:24

 nyị ọnya ini ezirẹma Ijeesu ẹwụrẹva ana aā hị́ Ịtọmọsị Ejima. Ọnị ọ yị yà ịzị ezirẹma ana vọ yà dị Ijeesu ve tù wa.