Ịjọọnụ 6:57 - IWE ỌNỊNỊ

⁵⁷ Ada amị ana yàra pooro zịna-zịna ọ tụ́ mị vẹ ẹhẹ nị. Ini oze anị ẹ́mị rẹ zị yàra pooro zịna-zịna nị. Avọọ gẹdẹ-gẹdẹ, ọza ana àa rị ọchẹngụ amị, ọnị rẹ vaa yàra pooro zịna-zịna ini oze amị.

Ịjọọnụ 6:57 Referans Kwoze

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

Ịjọọnụ 5:26

Ada amị ọnị ụvọta ọ zụ mẹ ka avaba aza ẹ̀ yàra nị. Avọọ ọ mẹ̀ rẹ mẹ ka Ozi anị ọnị ọ̀ rẹ zụ mẹ ka avaba aza ẹ̀ yàra nị.

Ịjọọnụ 17:21

Maa mẹ̀ aduwa ka avaba ẹnịnị ẹ̀ zụ vị ọnya, anka ẹ́mịrị ẹwụ ana vị Ada amị mẹ̀ vị ọnya, dị ị vabẹ. Ẹnịnị ẹ̀ rẹ vavọọ zụ vabẹ beri yi, agụvị dị anẹhẹ ẹ̀ zụ dọ wụ́ ka ẹwa tụ́ mị vẹ ẹhẹ nị.

1 Ịjọọnụ 4:9

Aanị Ohomorihi mẹmẹ sị zụ̀ yị gedebee ka oni ô sì ịrẹyị ayị nị: Ọ́ tụ́ Ozi anị ikonya gene-gene vẹ ẹhẹ agụvị dị ya nyẹngụ yara ịnị oze anị.

Ịjọọnụ 3:17

Ẹ yị vị Ohomorihi tụ́ Ozi anị vẹ ẹhẹ ka ọ̀ va jị ịvị yị anẹhẹ. Vị ọ ka ọ̀ va dọ anẹhẹ há nị.

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

2 Anịkọrịntị 13:4

Ịzẹyịza ọ́ dọ ka ọnị vị ọkụmị dị à kanyị ọnị za ọchị apavahị; ama ini oze ụkata Ohomorihi ọ kụkụ yára nị. Ẹyị ọnị ọnịrịị sị vị ọnya rẹ vị ọkụmị ịzẹyịza, ama ịnị uze ọnị ẹyịrị ẹwụ nịnị aà mẹ, u vee re ka ẹyịrị Ikirisiti ộ yàra ini oze ụkata Ohomorihi.

1 Anịkọrịntị 15:22

Avaba aza vị ene ee sú agụvị ka Adamị ọ vị ohiku ayị nị. Avọọ gẹdẹ-gẹdẹ Ikirisiti mẹ̀ rẹ vaa mẹ ka aza ọnị ọnịrịị sị vị ọnya, ẹ̀ yàra nị.

Ịjọọnụ 14:19

Òo nee kù chee, anẹhẹ e yi kuku vee re mi. Ẹwụ nịnị vee re mi. Mị yàra, ẹwụ nịnị rẹ vaa yàra bẹẹ.

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Imatiwu 16:16

Dị Ịsayịmọnị Ipita tụ́ ohi, dị ọ ka, “Ẹwa vị Ikirisiti, Ozi Ohomorihi ana yára nị.”

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ahẹ Ụgama 18:46

Ẹnẹyịmavara vị ana yara pooro Ọnị aa dọ mịị tụ́ nị, mâ kụ́ ọ avọ o! Ohomorihi aa dọ mịị tụ́ ọnị ọ nyị ụbanyị hu keekere nị.

Anihiburu 9:14

Anya uye ẹnẹ ẹ̀ẹ zụ mẹ ka aza ẹ̀ nị, ọnọọ ọ́ọ sị zụ̀ ka anya Ikirisiti ọ́ọ nyị ụkata hu avọọ ẹtẹẹtẹrẹ. Ẹngụ anị ụvọta ẹnẹ ẹ̀ yị nyị ịvị ọ sị mẹ ịsọvọọ yị nị ini oze Ụhwẹ Ọnịnị ana yàra pooro zịna-zịna. Agụvị avọọ ộ nyịna ayị ayị nị, ka asị ị kụkụ na mẹ ịvị, anaā sịị ọza nee sú; ama dị ya kụkụụ hẹkẹ Ohomorihi ana yára.

Ịjọọnụ 6:29

Dị Ijeesu kà a yị wa ka, “Ịsa oni Ohomorihi ee sì ka wa mẹ nịnị, yị: Sị ayị tụra ọza ọnị ọ tụ́ vẹ ẹhẹ nịnị!”

Ịjọọnụ 6:38

agụvị ka mị hụrẹ ẹbẹẹba vẹ ẹhẹ ka ma va mẹ̀ ịsa ọnị ọza ana tụ́ mị vẹ ẹhẹ sì nị. Mẹ yị vẹ ka ma va mẹ̀ ịsa ene zé mi eyi.

1 Anịkọrịntị 15:45

 vịdị chẹrẹ ẹ tụ́ ini Iwe Ohomorihi ka; Ohomorihi ộ mẹ̀ Adamị ana vị ọza ịpaapa ka ọ̀ vị ọza ana yára. Ama Adamị ọdịrẹma vị ana hụụ ịdị Ohomorihi vẹ, ọnị ọọ̄ mẹ̀ ka ọza ọ̀ yàra nị.