Ịjọọnụ 6:44 - IWE ỌNỊNỊ

⁴⁴ Ẹ yị nyị ọza ana nyẹngụ ká mị vẹ, ẹ̀ yị vị Ada amị ana tụ́ mị vẹ ẹhẹ tura a vẹ. Ọ̀ọ vẹ, dị mị haa hụụnị isu ịnị ẹkụhị ọdịrẹma.

Ịjọọnụ 6:44 Referans Kwoze

Ịjọọnụ 6:65

Dị Ijeesu rẹ kà a yị wa ka, “Agụvị avọọ mị vịdị kà a wụ nịnị ka ẹ yị nyị ọza ana zụ ká mị vẹ, ẹ̀ yị vị Ada amị o si oze yọ.”

Ịjọọnụ 12:32

Ẹmị ọnọnị, àa raà sị mị tụ́ ẹba, mi vee tura avaba azaa pe ẹngụ.”

Imatiwu 16:17

Dị Ijeesu ka, “Wâ da jẹ, Ịsayịmọnị ozi Ijona, agụvị ka ẹ yị vị ọzarẹyịrẹsụ ọ sị zụ̀ wụ, Ada amị ana yà ẹbẹẹba yọ nị.

Ịjọọnụ 6:45

Ọnịsẹ nịnị ệ chẹrẹ ẹ tịtẹ ịyẹẹyẹ ka: ‘Ohomorihi ọ vaa zụ̀ avaba aza ịsa nị.’ Avaba ọza ana àa wụ́ ịrẹyị Ada amị, dị ẹ rẹ kọsẹ ị́dị anị nị, ẹ vaa ká mịị vẹ.

Ijeremaya 31:3

Ẹnẹyịmavara kà ọnị ộ hụrẹ aha ẹnẹẹnẹ ve tu wa, dị ọnị ka, ẹwụ nịnị Anisirẹrị, vị ọnịị sì ịrẹyị awụ nịnị pooro kẹnẹ nị ọ. Avọọ ọnị maanị aa yịị sị zụ wụ nịnị ka ọnị oo sì ịrẹyị awụ nịnị pooro nị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Ihoseya 11:4

Ọnị ọ sị ayamva ọnịrị oyisì anị tura wa pe ẹngụ anị, dị ọ za wa kú ayị anka ozi anyavava avọọ nị. Ọnị o nyima na yị wa ịsa.

Anikorasi 2:12

A mẹ mẹ̀ ọyịhwọzenyi yị wụ nịnị, vị ọ sị mẹẹ ka vị e ne wu nịnị beri Ikirisiti nị; dị ụ rẹ ha kwẹẹtẹ hụụnị isu beri ọọ nịnị nị, agụvị ka wáa sị ayị tụra ụkata Ohomorihi ana ha Ijeesu hụụnị isu.

Anihwiripi 1:29

Ohomorihi ộ sị oze wụ nịnị ka wa sị ayị tụra Ikirisiti nịnị. Ẹ yị vị ọnọọ kẹnẹ, ama ọ rẹ mẹ ka we re oze rị ụya nịnị agụvị anị nịnị.

Ahẹ Isoromọnị 1:4

Navọ wa sị mị za, di ye zwe. Vị ohinọyị amị, dị wa sị́ mị na ngụ aha ọyị sụ̀ awụ de. I vee duduu jẹ, dị yaa mẹrị ẹngụụ huni ọza ene hú eche. Vị́ a vọrọ ka avaba anyẹnẹẹ è sì ịrẹyị awụ nị.

Ịjọọnụ 8:43

Wáá yẹ ịsị ẹ vẹ dị ụ wẹ̀ yị yẹ ịrẹyị amị nịnị? Ịsị ẹ vẹ ọ vị ka wẹ yị dọ ka wa wụ́ ịrẹyị amị nịnị.

Ijeremaya 13:23

Anetiyopiya nịnị ẹ́ẹ́ zụ vara ụpẹngụ ẹnịnị àvị ẹzụ ọ zụ vara achẹrẹ anị nị? Ẹnịnị ẹẹ zụ vara a, ẹẹhẹ, ẹwụ nịnị ana ahịka udivi kẹnẹ ụụ mẹ nịnị aanị nị, ẹwụ nịnị rẹ va zụụ kọsẹ ọyịza ọyị mẹ kẹ.

Imatiwu 12:34

Ẹwụ nịnị ezi ibe, wẹ yị nyẹngụ kà ịrẹyị ozoza nịnị, agụvị ka ọza odivi ụ vị nịnị nị. Ịsa ene hi ịnị ayị ọza, írenu anịị̄ kà a jịnẹẹ vẹ nị.

Ịjọọnụ 6:43

Dị Ijeesu kà a yị wa ka, “Asị ụ rẹ̀ rị ihuhu ịnị akakana ẹngụ awụ nịnị!