Ịjọọnụ 6:26 - IWE ỌNỊNỊ

²⁶ Dị Ijeesu kà a yị wa ka, “Ịzẹyịza m maa kà nị, mâ yẹ ịsị ẹ vẹ di u wee sì mi nịnị. Wee sì mi nịnị agụvị ịsa ọnị ụ rị dị ịnẹ há wụ nịnị; ama ẹ yị vị, agụvị ka wâ yẹ ụkọrọ apọtẹrẹwa ọnị mị mẹ nịnị.

Ịjọọnụ 6:26 Referans Kwoze

Anihwiripi 3:19

Oyivu ẹtẹ ọ vaa za ịrẹyị ẹnịnị ịrẹsụ nị. Izinẹ ẹnịnị ẹ́ sị mẹ Ohomorihi ẹnịnị nị; ịrẹyị ana a vọrọ ka ụhị ọ̀ sịị nyị wa, dị ẹyaa sịị mẹ ụbanyị. Ịsa ẹhẹ kẹnẹ ẹ sị ayị tụ́ ịnị anị nị.

Anihwiripi 2:21

Ọzọza vị ene ee sì ẹ́ẹngụ anị kẹnẹ. Ẹnịnị ẹ yị tẹsị ịrẹyị Ikirisiti.

Ezikẹẹrị 33:31

Ịzẹyịza dị aza hàrà gụ ka ẹnị ẹẹ wụ́ ịrẹyị ọnị waa kà. Ama ẹnịnị ẹ́ yị mẹ ịsị ọnị ụ ka ẹ̀ mẹ. Wàa wụ́ ịrẹyị irenu ẹnịnị, ụ ka ẹẹ da sì ịrẹyị aza, ama ọhọha vị ọnị ẹyaa yịị mẹẹ zị.

1 Itimoti 6:5

dị ẹyaa nyị ahankata pooro kẹnẹ. Ẹngụ aza ẹnẹẹ, eyi kuku zụ ro ịrẹyị ana vọrọ, ẹyị zụ kà ịzẹyịza. Ẹngụ aza ẹnẹẹ ee ro ka ahẹkẹ Ikirisiti vị oze ọnị ọza zụ hụra zị rị ọgụ.

Aniroomi 16:18

Ẹngụ aza ana aa mẹ̀ ebira ẹnẹẹ, ẹyị vị Ikirisiti Ananyị yị ẹyaa hẹkẹ. Ịsa ọyịrị kẹnẹ ẹ sị ayị tụ́ ịnị anị nị. Dị ẹyaa sị ịrẹyị ohine ọnịrị ọza oyigonoo vene aza ẹnẹ ẹ̀ yị nyị ịsị ẹ yẹ.

Ịjọọnụ 6:2

Ọkọnị aza ệ saasa a na, agụvị ka ẹnịnị ê vịdị re ụkọrọ apọtẹrẹwa ọnị ọ mẹ ịnị ẹngụ ọnịkụ nịnị.

Ahẹ Ụgama 78:37

Ẹnịnị ẹ yị sị ịnẹ zụ̀ Ohomorihi, ẹ yị rẹ jẹẹ pè ịrẹyị ọnị ẹnịrị Ohomorihi kà tịtẹ.

Ịjọọnụ 6:24

Ịjị ọkọnị aza ẹnẹẹ re ka Ijeesu ọnịrị ezirẹma anị ẹ yị kụkụ yà ịzọọ, dị ẹ ngụ ẹpa, dị ẹ nọ Ikapanawumi ne ee sì Ijeesu nị.

Ịjọọnụ 3:5

Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịjọọnụ 6:64

Ama â nyị aza ẹnyị awụ nịnị, ẹnẹ ẹ̀ yị dọ wụ́.” Ijeesu ộ vịdị sị yẹ hụrẹ ụmọrụmọ aza ẹnẹ ẹ̀ yị dọ ọnị wụ́ ọnịrị ọza ana vaa sị ọnịị chire ọnịvị anị ụvọ.

Ịjọọnụ 6:53

Dị Ijeesu va kà a yị wa ka, “Ịzẹyịza m maa kà a wụ nị, wẹ̀ yị rị ọchẹngụ ẹmị Ozi ọza onigirima, di u we re hú anya amị nịnị, wẹ yị va zụụ yara obooro nịnị.

Ịjọọnụ 6:47

“Ịzẹyịza m maa kà a wụ nị, ọza ana àa sị ayị tụra mị, Ohomorihi ọ raà mẹ ka ọ̀ yàra pooro zịna-zịna da.

Ịjọọnụ 6:30

Dị ẹnịnị tụ́ ohi, dị ẹ ka, “Sị ẹ vị apọtẹrẹwa ọnị ụ nyẹngụ sị zụ̀ yị, di ye re e, dị ya rẹ dọ wụ wụ́? Sị ụ vaa mẹ?

Ịjọọnụ 6:15

Ijeesu ọ sị yẹ ka ẹyaa vaa sị ụkataa za ọnị ka ọnị ọ̀ vị ohinọyị ẹnịnị; dị ọ hụụ ịzọọ, dị ọnị ịnyara raa nọ ịnị ataba nị.

Ịjọọnụ 6:14

Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”

Ịjọọnụ 6:36

“Wâ yẹ ka mâ vịdị sị ọọ kà wụ nịnị ka we si mi re nịnị, ama wẹ yị yị sị ayị tụra mị nịnị.