Biblia Todo Logo
Bib sou entènèt

- Piblisite -




Ịjọọnụ 6:19 - IWE ỌNỊNỊ

19 Ezirẹma Ijeesu ệ họ̀ ẹpa, ẹ́ zị ụsẹ ẹhụụ ịmẹẹrị ẹẹta na ngụ ẹhụụ ẹẹna avọọ, di e vene re ka Ijeesu aa zị ụsẹ ị́rẹsụ enyi, dị aa ká ẹpa ẹnịnị vẹ nị. Angwa ô hí wa ẹtẹẹtẹrẹ.

Gade chapit la Kopi




Ịjọọnụ 6:19
16 Referans Kwoze  

Mẹ yị vaa navọ wụ nịnị kẹnẹ anka ozi oku avọọ. Mị vaa vaavẹ ịdị awụ nịnị.


Ẹnẹyịmavara ọ vị ohinọyị ene hu keekere tụ́ ẹbẹẹba nị, Ộ nyị ụkata huna avaba òkū ana aa dà vụụ-vụụ.


Nyị ọza ana gụ ọ ụvọ gana ihinẹba ku. Ọnị ọọ̄ za oku ana jị ayị dị aa da ẹgangguu jẹẹ nị.


Agụvị ka ẹnịnị e yi si ka ẹnị e nee e ngụ enyi, dị ẹ yaa sị vụrị ka ẹnị ẹ họ̀ ẹpa na ngụ ụtọ irehu nị. Ama dị opomi ọnọọ chi ẹtẹ ẹngụ huu avọọ, dị enyi sị da wa ụvọ, dị ẹnịnị ẹ yị zụ hụrị ịzị ẹ ya nị.


Ịjị aza anaa sị ẹpa awụ nịnịị zị raà sị wụ nịnị na ngụ ịnị akakana oku, dị ahị tụ́ hụrị eyi ọnị ọyị zịị hụrẹẹ vẹ, dị ọ va gara wụ nịnị và ha ịzọọ nị.


Ẹnẹyịmavara vị ana yaayịtẹ tụra ịrẹsụ ọhaara enyi Ọnị ọ vị ohinọyị pooro zịna-zịna nị.


Ẹkụra ọnọọ vị ana nyị akaha ẹẹna ẹbẹẹbẹ; ọ mẹ̀ gana, avọọ ọ mẹ̀ rẹ gọdọ nị. Dị anggẹẹrị ọnọọ sị ịkẹ anị ngọ ẹkụra ọnọọ nị. Ụgọdọ anị vị ịmẹẹrị akahị tụra akava rị ẹchẹhị (1,500). Ọ mẹ̀ gọdọ avọọ gẹdẹ-gẹdẹ ọ mẹ̀ rẹ gana, dị ọ rẹ vavọọ nẹba nị.


Dị a kwọrọ ẹtụtụ ẹnẹẹ ị́rẹma ẹkụra nị. Dị anya ee sìi hụụnị ụkọ ọnọọ ẹtẹẹtẹrẹ nị. Óo sì gọdọ gụ ahụ akahịnta (1,600). Ọ́ọ nẹba tù irenu umaata.


Ịbẹtanị ộ gụrị Ijerusarẹmị, ẹhụụ ịmẹẹrị ẹẹva avọọ ọ vị nị.


Ịnị ịhị ọnọọ gẹdẹ-gẹdẹ, â nyị aza ẹnị ẹẹva ana aa nọ ẹkụra ọnya aanị ana aā hị́ Emawusi. Ẹkụra ọnọọ vị ịmẹẹrị ịhịmba rịrị Ijerusarẹmị.


Ózi ọnọọ màa yịị na kẹnẹ, dị ụhwẹ echu ọnọọ rẹ za a nya ẹtẹ, dị ọ mẹ ka ọ̀ọ dà evutu nị. Ijeesu ộ tụ́ ụhwẹ echu ọnọọ ohuvọ, dị ọ mẹ ozi ọnọọ ụkụ, dị ọ rẹ sị ọọ chire ada anị ụvọ nị.


Ô tù ụpẹ ọnya, dị ahị ọbanyị ọnyara aa tụ́, dị aa dà enyi nị.


Dị Ijeesu kà a yị wa ka, “Ẹmịị yọ nị, asị u rè hí angwa nịnị!”


Swiv nou:

Piblisite


Piblisite