Ịjọọnụ 5:6 - IWE ỌNỊNỊ

⁶ Ijeesu ô re e ka ọ hụtụ ịzọọ, ọ rẹ yẹ ka o si kù ẹnẹ ẹngụ hụrẹ aa zị ọọ. Dị Ijeesu kà a yọ ka, “Wéé sì ka ẹngụ awụ ọ̀ ta?”

Ịjọọnụ 5:6 Referans Kwoze

Anihiburu 4:15

Ohirẹsụ ọbanyị irehi Ohomorihi ayị o zụ pe yi roo ini oze ahịmị ayị, agụvị ka oze tụra oze a zị zama a re, anka a mẹ̀ raa zama ẹyịị re nị, ama ọnị ẹ yị mẹ ịvị.

Iruuku 18:41

“Si u wee sì ka ma mẹ yị wụ?” Dị ọ ka, “Ananyị yị, aarịhịnị mị ka mee re ẹtẹ nọ.”

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ayịsaya 65:1

Ẹnẹyịmavara kà: Mê tenyi ẹngụ ọyịtụ ohi aduwa aza amị, ama ẹnịnị ẹ yị mẹ̀ aduwa. Mê tenyi ka ẹnịnị è re mi, ama ẹnịnị ẹ yị hyakụ si mi. Mê tenyi ẹngụ ọyịtụ anẹkụra ọnọnị ohi ka, “Ẹmị yọ; mị vaa gụ wụ nịnị ụvọ, ama ẹnịnị ẹ yị hị́ mị.”

Ahẹ Ụgama 142:3

Ịjị o kú du mị eyi, Ẹnẹyịmavara ộ yẹ ịsị avọrọ ka ma mẹ. Aza vị ana và ịrẹpa ee zi mi ózee ọnị maa zị.

Ijeremaya 13:27

Ó ree re wụ ụ maa mẹ̀ ịsa anaā nyị ọ ịhyẹrẹ nịnị. Oo re wụ ụ maa hẹkẹ ori nịnị ngụ ịnị ataba ọnịrị ịnị aarẹ zịịzị. Ụ sị mẹ nịnị anka ọnọrụ enee sì ose ọnọhụva anị avọọ nị, avị umaata araka anaa dụ ọnẹẹ zị. Ẹwụ nịnị Anijerusarẹmị, wa sị da nịnị. Ịhị ụ vaa hụụnị ẹvahụra ọ yị mẹ nịnị da?

Ịjọọnụ 5:5

 nyị ọnọrụ ọnya aanị ịzọọ, ọnị ụkụ hụrẹ za hụrẹ ịrayị ohurẹẹwụ tụra ịhịnta.

Ịjọọnụ 5:7

Dị ọnịkụ ọnọọ tụ́ ọ ọ ohi, dị ọ ka, “Ọga, mẹ yị nyị ọza ana a vọrọ ka ọ̀ sị mị na ngụ ini enyi ọnọnị, àa sị ọọ vara. Màaa vụrị ka ma na, dị ọza ẹnẹsa wụsẹ sị dọ ọvịdị amị na ngụ ọ.”