Ịjọọnụ 5:42 - IWE ỌNỊNỊ

⁴² Mâ yẹ wụ nịnị, mâ yẹ ka we yi sì ịrẹyị Ohomorihi ịnị ayị awụ nịnị.

Ịjọọnụ 5:42 Referans Kwoze

1 Ịjọọnụ 4:20

Ọza ọ̀ọ kà a ka oni óo sì ịrẹyị Ohomorihi, dị aa yịị kụ́ ayị ọnọhụva anị nị, onireche ọza ọnọọ vị nị. Ọza è yi sì ịrẹyị ọnọhụva anị ene ee re, ọ mẹmẹ zụ sì ịrẹyị Ohomorihi ene è yi re?

1 Ịjọọnụ 3:17

À kà a ka ọza ọ́ọ nyị ịsa rị ụvọ, dị o re ọdọwụ ọsa mee re osiye, ama dị ọ sị ụvọ anị kwoku yọ nị, ọza ọnọọ ọ́ọ́ zụ kà a ka oni o sì ịrẹyị Ohomorihi?

1 Ịjọọnụ 2:15

Asị ụ sị eyi tụ́ ịnị ịsa ẹhẹ ọnịrị ịsa ene hi ini ẹhẹ. Ọza ana àa sị eyi tụ́ ịnị ịsa ẹhẹ, o yi kuku zụ sì ịrẹyị Ohomorihi Ada ayị.

Ịjọọnụ 2:25

Ẹ yị nyị ka ọza ọ̀ naa kà ịrẹyị azaa yị Ijeesu, agụvị ka ộ yẹ ịsị ẹ yà ịnị ayị aza.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Aniroomi 8:7

Ọza ana àa sị ayị tụ́ ịnị ịsa ọnị ọchẹngụ anị òo sị kẹnẹ, ọnịvị Ohomorihi aa vị nị. Iruvo ọ vị ka ọ yị vaa mẹ̀ ịsa oni Ohomorihi ọ̀ọ mẹ ọda anịị yọ; ọ yị hyakụ aa zụụ mẹẹ bẹẹ.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

Ịjọọnụ 8:47

Ọza ana àa vị ozi Ohomorihi vị anaā wụ́ ịrẹyị Ohomorihi; ama ẹwụ nịnị ọ mā wụ́ ịrẹyị Ohomorihi, agụvị ka ẹ yị vị ezi Ohomorihi ụ vị nịnị.”

Ịjọọnụ 8:42

Dị Ijeesu kà a yị wa ka, “Àa vị Ohomorihi ọ yaanị vị Ada awụ nịnị nị, ụ yaanị sì ịrẹyị amị nịnị, agụvị ka ịdị Ohomorihi mị hụrẹ vẹ ịzẹnị nị. Ẹ yị vị ẹmị ụvọta ọ tụ́ ẹngụ amị vẹ; ọnị ọ tụ́ mị vẹ ẹhẹ nị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Iruuku 16:15

Dị Ijeesu kà a yị wa ka, “Ẹwụ nịnị ọọ̄ jị ịhị yị ẹngụ awụ nịnị éyi ọza nị. Ama Ohomorihi ộ yẹ ayị awụ nịnị. Ịsị aza ro ka ịsa ẹtẹẹtẹrẹ ọ vị nị, ịsa kẹnẹ-kẹnẹ ọ vị ini eyi Ohomorihi nị.

Ịjọọnụ 5:41

“Mẹ yị dụ ka aza ẹ̀ẹ ga mị.

Ịjọọnụ 5:43

Mâ vẹ ẹhẹ ịnị ịrẹha Ada amị, ama wẹ yị dọ mị nịnị; ama ọza ẹnẹsa ọ̀ọ vẹ ẹhẹ ịnị ịrẹha ẹngụ anị, vị ụ waa dọ ọ nịnị nị.