Ịjọọnụ 5:41 - IWE ỌNỊNỊ

⁴¹ “Mẹ yị dụ ka aza ẹ̀ẹ ga mị.

Ịjọọnụ 5:41 Referans Kwoze

Ịjọọnụ 7:18

Ọza ana àaa dà ẹngụ anịị kà, vị ene ee sì ụbanyị yị ẹngụ anị. Ama ọza ene èee sì ụbanyịị yị ọza ana tụ́ ọọ, ọnị ọ vị ọnịzẹyịza nị, o mē vene ọza.

1 Anịtẹsaronika 2:6

Yẹ yị kà ka ọzọnyị-ọzọnyị ọ̀ ga yị, ọ̀ọ vị ẹwụ nịnị, ọ̀ọ vị aza ẹnẹsa. Anka odeyi Ikirisiti, ya yaanị re oze kà a ka wa sị ịsa ana vọrọ yị nịnị.

Ịjọọnụ 8:50

Ẹ yị vị ụbanyị ẹngụ amị m mee sì. Â nyị ọza enee si ụbanyịị yị mị, ọnị ọ rẹ vị ọmọkarẹyị nị.

Ịjọọnụ 5:34

Ẹ yị vị ka vị ẹmị vị ene ee sì ivenu aza nị; ọsọnị vị ọnị maa kà kẹnẹ, agụvị dị ụ wa nyẹngụ há nịnị.

Ịjọọnụ 8:54

Dị Ijeesu ka, “Àa vị ẹmị ụvọta aa sị ụbanyịị yị ẹngụ amị nị, ẹngụ ụbanyị ọnọọ vị ịyẹyẹ. Ada amị aa sị ụbanyịị yị mị nị. Ada amị ọnọọ ụ ka ộ vị Ohomorihi awụ nịnị nị.

Ịjọọnụ 6:15

Ijeesu ọ sị yẹ ka ẹyaa vaa sị ụkataa za ọnị ka ọnị ọ̀ vị ohinọyị ẹnịnị; dị ọ hụụ ịzọọ, dị ọnị ịnyara raa nọ ịnị ataba nị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

2Ipita 1:17

Óhomorihi Ada anị mẹ̀ sị igirima ọnịrị ụbanyị yọ, yáa wụ́, Óhomorihi ana nyị avaba ụbanyị mẹ̀ kà ịrẹyị, dị ọ ka: Ozi emi yị, mee sì ịrẹyị anị ẹtẹẹtẹrẹ, ịnẹ amị óo hine tù ọ.

1Ipita 2:21

Oze oni Ohomorihi hị́ wụ nịnị tụ́ ọ vị ọnọọ nị, agụvị ka Ikirisiti nyẹmba ộ rị ụya yị wụ nịnị. Ộ tụ́ oze tịtẹ yị wụ nịnị ka wa vavọọ sị ahụ anịị hi ẹtẹ nịnị.

Ịjọọnụ 5:40

Ama wẹ yị zẹẹ ka wa vẹ ịdị amị nịnị, dị ma mẹ ka wa yàra nịnị pooro zịna-zịna.

Ịjọọnụ 5:42

Mâ yẹ wụ nịnị, mâ yẹ ka we yi sì ịrẹyị Ohomorihi ịnị ayị awụ nịnị.

Ịjọọnụ 12:43

Ẹnịnị ê sì ka aza ẹ̀ẹ kà ọdaa yị ẹnị huna e mè sì ka Ohomorihi ọ̀ kà ọda yị ẹnị.