Ịjọọnụ 5:23 - IWE ỌNỊNỊ

²³ agụvị avaba aza ẹ̀ zụ sị ụbanyị yị ẹmị Ozi anị, anka ẹ mẹ̀ẹ̄ sị ụbanyị yị Ada amị. Ọza ẹnẹ ẹ̀ yị sị ụbanyị yị ẹmị Ozi anị, ọ yị rẹ sị ụbanyị yị Ada amị, ana tụ́ mị vẹ ẹhẹ.

Ịjọọnụ 5:23 Referans Kwoze

1 Ịjọọnụ 2:23

Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị.

Iruuku 10:16

Dị Ijeesu kà a yị ezirẹma anị ka, “Ọza ana àa wụ́ ịrẹyị awụ nịnị, ẹmị ọ rẹ wụ́ ịrẹyị anị avọọ nị. Ọza ana àa sị eyi wụ wụ nịnị, ẹmị ọ rẹ sị eyi wụ avọọ nị. Ọza ana àa sị eyi wụ̀ mị, Ohomorihi ana tụ́ mị, ọ sị eyi wụ avọọ nị.”

2 Ịjọọnụ 1:9

Ọza ẹnẹ ẹ̀ yị jẹẹ pe ịrẹyị ọnị Ikirisiti sị zụ̀ yị, ama di ee benee hi ọ nị, ọ yị yẹ Ohomorihi. Ama ọza ana àa jẹẹ pe ịrẹyị ọnị Ikirisiti sị zụ̀ yị, ọza ọnọọ ọ́ọ yẹ Ohomorihi Ada ayị ọnịrị Ozi Ohomorihi nị.

Imatiwu 11:27

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Anihiburu 1:6

Óhomorihi màa vaa tụ́ Ozi anị ọnị ọ nyị mẹ ọọnyị vẹ ẹhẹ, ọ rẹ kà a ka, “Avaba anggẹẹrị Ohomorihi nịnị ẹẹ hẹkẹ ẹ.”

Anẹhwẹsọsị 6:24

Ohomorihi ọ̀ mẹ ọyịza yị avaba aza ene sì ịrẹyị Ijeesu Ikirisiti Ananyị yị pooro zịna-zịna.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

Aniroomi 8:9

Ama Ụhwẹ Ohomorihi ọ̀ọ yà ịnị ayị ẹwụ nịnị, wẹ yị kụkụ sị ayị tụ́ ịnị ịsa ọnị ọchẹngụ awụ nịnị sì kẹnẹ. Ịsa ene zé Ụhwẹ Ohomorihi eyi, ụ sị ayị tụ́ ịnị anị nịnị nị. Aza ọnị Ụhwẹ Ikirisiti ọ̀ yị yà ịnị ayị anị, ẹ yị vị aza anị ẹ vị.

1 Anịkọrịntị 10:31

Ịzẹyịza yọ, tamayị kẹnẹ ka wàaa rị, wèee hụ́, ịsa tụra ịsa ọnị ụ wàa mẹ, re ka ộ sị ụbanyị yị Ohomorihi!

Aniroomi 6:22

Booro aanị, Ohomorihi ọ sị wụ nịnị dọ tịtẹ hụụnị ụvọ ịvị, wa sị vara ozi ahụ Ohomorihi nịnị. Ọgụ ọnị ụ rị nịnị ọ vị ka wa kụkụ zụ aa mẹ̀ ebira ọnịnị nịnị. Ọdịrẹma anị ọ vị ka ụ vaa yàra nịnị pooro zịna-zịna ị́da Ohomorihi.

Ịjọọnụ 16:14

Ọ vaa sị igirimaa yị mị, agụvị ka ịrẹyị amị ọ vaa kà a wụ nịnị nị.

1 Anịkọrịntị 6:19

Aanị ka wẹ yị yẹ nịnị ka ẹngụ awụ nịnị ọ vị irehi Ohomorihi ịzị Ụhwẹ Ọnịnị yà nị? Ụhwẹ Ọnịnị ọnọọ vị ana ra ịnịnẹ awụ nịnị; ịdị Ohomorihi ọ hụrẹ vẹ nị. Ẹ yị vị ẹwụ nịnị ọ nyị ẹngụ awụ.

Imatiwu 12:21

Avaba anẹhẹ vị ana vaa sị eyii tụra a.”

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

2 Anịkọrịntị 13:14

Ẹyịza ọọhẹ Ananyị yị Ijeesu Ikirisiti ọnịrị oyisì Ohomorihi ọnịrị uze Ụhwẹ Ọnịnị ọ̀ yà pe avaba awụ nịnị.

2 Anịkọrịntị 5:19

Ini oze Ikirisiti, Ohomorihi ọ raà vara anẹhẹ ọta anị. Ohomorihi ọ yị kụkụ za ịvị ẹnịnị tụ́ wa ọrọkọ. Ô si enube chire yi ụvọ ka yaa kà a ka ọnị ọ raà vara aza ọta anị.

2 Anịkọrịntị 1:9

Ye si o ro ka a sị ọkarẹyị isu mẹẹ yị da. Ama ọsọnị vị ana mẹ ka à sị kụkụ sị ayị tụra ẹngụ ayị, ama ya sị ayị tụra Ohomorihi anaā ha okuu hụụnị isu.

1 Anịkọrịntị 1:3

Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ nịnị, dị ẹ̀ sị ẹngwọọrọ yị wụ nịnị!

Ịjọọnụ 14:1

Ijeesu ộ kà a yị ezirẹma anị ka, “Asị ụ zẹẹ ka ayị awụ nịnị ò du! Sị ayị tụra Ohomorihi, dị ụ wa rẹ sị ayị tụra mị nịnị bẹẹ!

Imatiwu 10:37

Ọza ene èe sì ịrẹyị ada anị, àa vị ọnyị anị huna mị, ọ yị hụ ọ vị áamị. Ọza ene èe re sì ịrẹyị ozi ọnọrụ anị, àa vị ozi ọnẹẹ anị huna mị, ọ yị rẹ hụ ọọ vị áamị.

Ịzakaraya 9:9

Aza ene hi Ịzayọnị ẹẹ jẹ, dị aza ene hi Ijerusarẹmị ee nowu ịrajẹ. Ree, ohinọyị awụ nịnị aa vẹ ịda awụ nịnị. Ọ nyị ịzẹyịza ọnịrị ẹdọha. Ọza hẹẹ ọ vị nị, ọ́ọ tụra ịkẹrịkẹtẹ, ozi ịkẹrịkẹtẹ araka ọ tura nị.

Ayịsaya 45:21

Ẹ kụ ịrẹsụ gẹ, dị ẹ ka ọgụvọ sị ori ọnị ẹ yaa hẹkẹ aa mẹ yị wa. Aanị ka ọnị ẹ yị vịdị ka yị wa hụrị ụmọrụmọ ịsa ana vaa mẹ? Á vị ọnị Ẹnẹyịmavara ọ vị Ohomorihi ọnịrẹyịzẹyịza ana dọ aza anị ha. Ẹ yị nyị Ohomorihi ọsa ịrẹma anị.

Ahẹ Ụgama 2:12

Waā sị ụbanyịị yị ozi anị nịnị ka ẹ̀ yị vavọọ ayị ọ̀ọ kụ́ ọ, vị aa wụ̀ wụ nịnị vaa ha nị. Yẹ nịnị ka ayị ọ zụ hụra kụ́ ọ. Aza ana sị ẹngụ ẹnịnị na tẹ̀ ịda anị ẹ̀ nyarị ịrẹsụ ọyịza.

2 Anịkọrịntị 5:14

Ịrẹyị ayị oni ọza oni Ohomorihi nyị mẹ̀ ohinọyị ka ọ̀ dọ yị há sì, aa sị oze zụ̀ yị nị. Ya sị yẹ ka ọza ịnya o sú yị avaba aza nị, ọnị ọ vị ka avaba ẹnị e ree wusu.

1 Anịkọrịntị 16:22

Ọza ene èe yi sì ịrẹyị Ananyị yị, o du oo kù. “Marana ta”, ọnị ọ vị ka, Ananyị yị, waa vẹ.

Aniroomi 15:12

Ayịsaya ọ rẹ vịdị kà a ka, “Ozi ọnya ana vaa chịị hụụnị ovwoovu Ijeesee vẹ, ọnị ọ vaa kwẹẹtẹ, dị ọ̀ rị ohinọyị tụ́ ịrẹsụ Anigiriki nị. Ọnị ẹ́nịnị vaa sị ayịị tụra nị.”

Aniroomi 1:7

Mâ kụ́ avaba awụ nịnị ene hi Iroomi oni Ohomorihi sì ịrẹyị anị, dị ọ hị́ wụ nịnị ka wa vị aza anị. Ohomorihi Ada ayị ọnịrị Ijeesu Ananyị yị ọnị ọ nyị ka ọ̀ dọ yị há ẹ̀ mẹ ọyịza wụ nịnị, dị ẹ̀ rẹ sị ẹngwọọrọ yị wụ nịnị!

Ịjọọnụ 17:10

Avaba ịsị mị nyị vị áawụ, ịsị ẹwụ rẹ nyị vị áamị. Ma raà sị ụbanyị amị zụ̀ ini oze ẹnịnị.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Ayịsaya 44:6

Ẹnẹyịmavara, Ohinọyị Ísirẹrị ana dọ wa ha, Ẹnẹyịmavara Ochẹtẹẹngụ ka: Ẹma vị ọnịpaapa nị, ẹma rẹ vị ọdịrẹma nị. Ẹmị ịnya ọ vị Ohomorihi nị. Ịrẹma amị, ẹ yị nyị Ohomorihi ọsa.

Ayịsaya 42:8

Ẹma vị Ẹnẹyịmavara nị, ịrẹha amị ọ rị avọọ nị; Mẹ yị vaa sị igirima amịị yị ọza ẹnẹsa, Mẹ yị vaa sị ụga amị yị ori ọnyọọnyị.

2Ipita 1:1

Ẹmị a vị Ipita ana vị ozi ahụ ọnịrị odeyi Ijeesu Ikirisiti nị. Maa chẹrẹ iwe ọnọnịị tụ́ụ hi wu avaba aza ana sị vị ọdọwụ. Agụvị ịzẹyịza Ijeesu Ikirisiti ana vị Ohomorihi ayị ọnịrị Ọdọzaha ayị, ọ̀ mẹ ka ẹ̀ nyị ẹdọwụ obooro, anka ẹyị mẹ̀ rẹ nyị nị.

Ayịsaya 45:15

Ohomorihi Anisirẹrị ana dọ wa ha vị Ohomorihi ana sị ẹngụ tẹ̀.

Imatiwu 15:8

‘Irenu kẹnẹ aza ẹnẹnị sị gụrị mị nị, irenu kẹnẹ ẹ sị sị ụbanyị yị mị nị. Ama ẹnịnị ẹ yị dọ ịrẹyị amị tụ́ ịnị ayị ẹnịnị.