Ịjọọnụ 5:14 - IWE ỌNỊNỊ

¹⁴ Ộ kù chee, dị Ijeesu re ọnọrụ ọnọọ ini irehi Ohomorihi nị. Dị Ijeesu kà a yọ ka, “Wee re, a sị wụ mẹ ụkụ; ama asị ụ rẹ̀ kụkụ mẹ ịvị, ka ẹ̀ yị vị avọọ, ịsa ene divi hu ọsọnị ve tù wu!”

Ịjọọnụ 5:14 Referans Kwoze

Ịjọọnụ 8:11

Dị ọnẹẹ ọnọọ ka, “Ọga, ẹ yị nyị, ọ!” Dị Ijeesu kà a yọ ka, “Ẹmị ẹ yị rẹ jị ịvị wụ; waa na, asị ụ kụkụ vana mẹ ịvị!”

Ahẹ Ụgama 118:18

Ẹnẹyịmavara ộ tana ụvọ za mị ẹtẹẹtẹrẹ, ama ọ rẹ vaa zẹẹ ka me sú.

Inehemaya 9:28

Ama ịjị ẹ̀ẹ nyị ẹngwọọrọ, dị ẹ mẹ̀ ebira odivi, dị ụ rẹ navọ ka ọnịvị ẹnịnị ẹ nyị ẹbẹẹba ẹnịnị. Èe ro ịnẹ, dị ẹ họ̀ use ẹdọha hụụnị ụvọ awụ nị, dị ụ wụ ịpọda ẹnịnị ẹbẹẹba. Ụmẹ tụra ụmẹ ụ sị dọ wa ha agụvị ayamva awụ ana banyị nị.

Imatiwu 12:45

dị ọ varẹma, dị ọ na kụ́ ụhwẹ echu ịhịmba ọsa ana hyakụ divi hu ọnị nyẹmba, dị ẹ vẹ, dị ẹ va ra ịzọọ. Dị ọdịrẹma ọza ọnọọ kuku si divi huna ọ mẹẹ̄ vịdịị yà. Avọọ ọ mẹ̀ vaa yàa yị anụmẹ odivi ọnọnị nị.”

Ireevi 26:27

Ọ kà ọnị ọ̀ọ maanị ị raa sị avaba ụya ọnọnị rị wa, dị ẹnịnị ẹ̀ẹ yị wụ́ ịrẹyị anị, ama dị ẹyaa yịị mẹ̀ ịsa ọnị ọnị è yi sì nị.

Ịmaakị 2:5

Ịjị Ijeesu re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi, ma raà vagu wu ịnị ịvị awụ.”

Ayịsaya 38:20

Ẹnẹyịmavara vaa dọ mị tụ̀. Ị vaa jị ahẹ di yee hụ́ ịsa ga a ịnị avaba ẹhẹ ayị ịnị irehi Ẹnẹyịmavara.

Ahẹ Ụgama 27:6

Ọ̀ọ vavọọ raà dọ mị tụ́, mi vee huna avaba ọnịvị amị ana kara mị Di mi nọ ini eehi anị, dị maa sị ịrajẹẹ jị ahẹ ga a. Màa jị ahẹ ọnọọ di mee hú ịsaa tụ́ ọ.

Ịjọọnụ 5:5

 nyị ọnọrụ ọnya aanị ịzọọ, ọnị ụkụ hụrẹ za hụrẹ ịrayị ohurẹẹwụ tụra ịhịnta.

2 Ịtọpa 28:22

Ịrẹma odivi-odivi ana maanị tu ọ aanị, ọ vana da ngụ ịnị ebira aa mẹ hi Ẹnẹyịmavara hu avọọ nị.

Ahẹ Ụgama 9:13

Ẹnẹyịmavara, wéē re ọnịvị amị màa sị ụyaa rị mị! Navọ wa vayị amị asị ụ zẹẹ ka me sú!

1Ipita 4:3

Ụmẹ ọnị vịdị sị mẹ̀ ịsa ọnị anarịmadọwụ nịnịị̄ mẹ avọọ, óo ze. Ịsị ụ vịdịị mẹ nịnị yị: Ebira kẹnẹ-kẹnẹ, ịsa edivi ọnị ọchẹngụ ọzaā sì, di u wee hú eche dị aa mẹrị wụ nịnị; dị ụ raa rị ịsa di u wee hú eche chavaa nịnị kẹnẹ. Ụ rẹẹ̄ hẹkẹ ori nịnị ana vị ịsa Ohomorihi ò yi sì vụrụ-vụrụ nịnị.

Ireevi 7:12

Àa vị ọza aa mẹ̀ ịsọvọ ọnọnị ọ̀yị ku Ohomorihi avọ nị, ọ vaa sị ịbụrẹdị ọnị ọza ẹ̀ yị sị owu tụụ vaka ịsụpa ana a sị va mẹ̀ ịsọvọ ọnọnị. Ọ zụ vị ịbụrẹdị ọrata ana a sị angwẹ orivi po ayị ana a sị mẹ̀ ẹ, ọ zụ vị Ịbụrẹẹdị hẹvẹ-hẹvẹ aanị ana a dá angwẹ orivi sisi, ọ rẹ zụ vị Ịbụrẹẹdị ana a sị angwẹ orivi po ayị anị ẹtẹẹtẹrẹ.

Ayịsaya 38:22

Ihezekaya ô họ̀ use ka ịsị ẹ vaa apọtẹrẹwa ka ọnị vaa zụ hịrẹ nọ ịnị irehi Ohomorihi?

Ịjọọnụ 5:13

Ama ọza ana a mẹ ụkụ aanị, ọ yị yẹ ọza ana mẹ̀ ọnị ụkụ, agụvị ka Ijeesu ộ tangwa sị hụụ ịzọọ, agụvị ka aza ẹ sị rụrụ baaba.

Ireevi 13:20

Ọ vaa zama a re, ịtahụ ọnọọ ọ̀ọ nyịnẹ huni ụpẹngụ anị ana vọ, dị ẹyị ana ya ịzọọ sị vara ọvwọọvụ nị, ohirẹsụ irehi Ohomorihi vaa kà a ka ọza ọnọọ ẹ́ yị kụkụ nị, ụkụ ọbanyị ọ zaa ana da tụ ẹhẹ ịnị ịtahụ ọnọọ avọọ nị.

Ahẹ Ụgama 18:22

Ẹ yị nyị ọda Ohomorihi ikonya ọnị mị jịnẹ Avaba ọda ọnị ọ mẹ mị sị ụvọ za nị.