Ịjọọnụ 4:3 - IWE ỌNỊNỊ

³ Agụvị avọọ dị ọ hụrẹ Ijudiya dị aa nọ Igariri nị.

Ịjọọnụ 4:3 Referans Kwoze

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Ịjọọnụ 11:54

Agụvị avọọ Ijeesu ọ yị kụkụ zị ụsẹ chapaa ịnị akakana Aniju nịnị. Dị ọ hụụ ịzọọ, dị ọ nọ ẹkụra ọnya aanị ana gụrị ịnị avị, ana aā hị́ Ehwireemi nị. Dị ọnịrị ezirẹma anị na yà ịzọọ nị.

Ịjọọnụ 10:40

Dị Ijeesu rẹ varẹma nọ akẹnẹ Okuha Ịjọdanị, ịzị Ịjọọnụ vịdị yà aa mẹ ọyịhwenyii yị aza, dị ọ na yà ịzọọ nị.

Ịjọọnụ 3:22

Ẹkụhị ọnya Ijeesu ọnịrị ezirẹma anị ệ zị nọ ịnị ẹtẹ Ijudiya. Ijeesu ộ yà ịzọọ dị aa mẹ ọyịhwenyii yị aza nị.

Ịjọọnụ 2:11

Apọtẹrẹwa ọnọnị oni Ijeesu mẹ Íkana ịnị ẹtẹ Igariri ọ vị apọtẹrẹwa ịpaapa ọnọọ mẹ nị. Ọnị ọ sị sị igirima anị zụ̀, dị ezirẹma anị dọ ọ wụ́ nị.

Ịjọọnụ 1:43

Eyinẹhẹ anị, dị Ijeesu ka ọnị aa nọ Igariri nị. Ô re ọza ịnya aanị ana aā hị́ Ihwiripi. Dị Ijeesu kà a yọ ka, “Waa dụ mị ịrẹma!”

Ịmaakị 3:7

Ijeesu ọnịrị ezirẹma anị ệ hụụ ịzọọ, dị ẹ nọ ụtọ irehu nị. Dị ọkọnị aza wara hụrẹ ẹtẹ Igariri ọnịrị Ijudiya saasa wa na nị.

Ịjọọnụ 3:32

Ịrẹyị ọnị ọza ọnọọ re, dị ọ rẹ wụ́, ọ va dọ ivenu tụ́ nị, ama ẹ yị nyị ọza ana va dọ ịrẹyị anị.

Iruuku 17:11

Íjeesu màa nọ Ijerusarẹmị, dị ọ zị oze ana yà ịnị akakana Ịsamarịya ọnịrị Igariri nị.

Ịjọọnụ 4:47

Ọ́nọrụ ọnọọ mẹ̀ wụ́ ka Ijeesu ọ sị hụrẹ Ijudiya va ngụ Igariri, di o ne tù ọ nị. Dị ọ dá ịpẹ yị Ijeesu ka ò chí vẹ, dị ọ̀ va mẹ ozi ọnọrụ anị ụkụ, agụvị ka ee vee sú nị.

Ịjọọnụ 7:1

Ịrẹma ẹnẹẹ, di Ijeesu aa ngụ Igariri zịịzị nị. O yi sì ka ọnị ọ̀ varẹma nọ Ijudiya, agụvị ka Aniju nịnị ene hi ịzọọ, ee sì ka ẹnị ẹ̀ wụ ọ.