Ịjọọnụ 4:23 - IWE ỌNỊNỊ

²³ Ama ụmẹ aa vẹ, ộ hyakụ si tù booro aanị, ana aza ana aa mẹ ahẹkẹ obooro, vaa hẹkẹ Ohomorihi Ada ayị ịnị ayị ọnya ọnịrị ịnị ịzẹyịza. Ẹngụ aza ẹnẹẹ Óhomorihi Ada ayị sì ka ẹ̀ẹ hẹkẹ ọnị nị.

Ịjọọnụ 4:23 Referans Kwoze

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Anigaratiya 4:6

Dị à zụ yẹ ka ezi Ohomorihi ụ vị nịnị nị, Ohomorihi ộ sị Ụhwẹ Ọnịnị Ozi anị tụ́ ịnị ayị awụ nịnị, di ee nowu ka: Ada amị!

Aniroomi 8:26

Ụhwẹ Ohomorihi raa gụ ẹyị ẹnẹ ẹ̀ yị nyị ụkata ụvọ. Yẹ yị yara mẹ̀ aduwa, a mẹ̀ vọrọ; agụvị avọọ Ụ́hwẹ Ohomorihi ọnị ụvọta aa dá ịpẹẹ yị Ohomorihi yị nị. Ee tì ana ahịka irenu ọ yị zụ kà.

Ịjọọnụ 12:23

Dị Ijeesu ka, “Ụmẹ o si tù ana a vọrọ ka à sị sị igirima yị ẹmị Ozi ọza onigirima.

Anẹhwẹsọsị 6:18

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

Ịjọọnụ 4:21

Dị Ijeesu kà a yọ ka, “Ọnẹẹ ọnọnị, ịzẹyịza m maa kà a wụ nị, ụmẹ aa vẹ ana aza ẹ̀ yị kụkụ vaa hẹkẹ Ohomorihi Ada ayị ịnị ataba ọnọnị, à vị Íjerusarẹmị.

Ịjọọnụ 1:17

Ohomorihi ộ sị ọda zị oze ịnị ụvọ Imosiisi yị aza; ama ayamva ọnịrị ịzẹyịza vị oni Ohomorihi zị oze ịnị ụvọ Ijeesu Ikirisiti sị yị aza.

Ayịsaya 29:13

Agụvị avọọ Ẹnẹyịmavara kà, “Aza ẹnẹnị vị ana aa kú irenu kẹnẹ ka ẹnị vị amị. Irenu kẹnẹ ẹ yaa sịị sị ụbanyị mị nị ama ayị ẹnịnị ọ yị gụrị mị vụrụ-vụrụ. Ọda ana aza kẹnẹ mẹ̀ ẹ sị ụvọ za, dị ẹ ka vị ẹnị aa hẹkẹ mị nị.

Ayịsaya 58:2

Ẹ yaa hẹkẹ ọnị eyinị-eyinị. Ẹnịnị ẹ yaa mẹ̀ ọ sị mẹ̀ẹ anka e yee si ka ẹnị ẹ yẹ oze ọnị dị ẹnị ẹ saasa ọda anị nị. Ẹ kà ọnị ọ sị ọda kẹnẹ yị ẹnị, ayị ẹnịnị vee hine ọyị hẹkẹ ọnị.”

Ayịsaya 43:21

Ẹnịnị ẹ vị aza ẹnị mị mẹ yị ẹngụ amị nị, agụvị ẹnịnị ẹ̀ vaa jị ahẹ kụ́ mị avọọ.

Aniroomi 8:15

Ụhwẹ Ohomorihi ọnị ọ sị wụ nịnị ọ yị za wụ nịnị ọrịhị, ana zụ mẹ ka we kukuu hí angwa nịnị. Ama Ụhwẹ ọnọọ ộ sị ụkata yị ka ye zuu nowuu hị́ Ohomorihi ka; Ada ayị!

Ijosuwa 24:14

Dị Ijosuwa ka yị wa ka ẹnịnị e hí angwahi Ẹnẹyịmavara dị ẹ sị ịzẹyịza saasa a ịnị ụmẹ tụra ụmẹ. Dị asị ẹnịnị kụkụ mẹ ori ọnị ohiku ẹnịnị vịdị mẹ̀ akẹnẹ Okuha Ịjọdanị ọnịrị Ijipiti.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Ahẹ Ụgama 51:6

Wê sì ka ọza ọ̀ọ kà ịzẹyịza obooro Navọ kwogwo wa sị ịrẹyọyẹ tụ́ ịnị ayị amịị mị.

Ahẹ Ụgama 17:1

Ẹnẹyịmavara, ayị ọnya m maa sịị dá ịpẹ nọ navọ we tụ́ mi ohi. Navọ m mèe nowu aanị wa ba mi owu M màa mẹ̀ aduwa ọnọnị aanị, mẹ yị mẹ apẹ Aarịhịnị navọ wa wụ́ aduwa amị.

1 Ịsamụwẹrị 12:24

Ama ẹwụ nịnị ò re ka wa nyị angwahi Ẹnẹyịmavara nịnị; dị waa sị avaba ayị awụ nịnị hẹkẹ ẹ. Tamayị ịsa ẹbanyị-ẹbanyị ọnị ọ mẹ̀ yị wụ nịnị.

Ịjọọnụ 16:32

Ụmẹ aa vẹ, ộ hyakụ si tù booro aanị, ana a vaa gara wụ nịnịị hi, dị ọzọza zị nọ eehi anị, dị ụ kụkụ navọ ẹmị ịnya nịnị. Ama mẹ yị vị ẹmị ịnya, agụvị ka Ada amị ộ yà pe mi.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ijeremaya 3:10

Ẹnẹyịmavara kà, dị ọ́ maanị yị mẹ avaba ẹsẹnị, onyeyiza anị, Ijuda ẹnẹẹ yị nyị ịzẹyịza ẹ yị sị ịzẹyịza và ka ọnị vẹ; vaa da ọbọ kẹnẹ nị.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

1 Ịtọpa 29:17

Máa yẹ ka ụụ̄ zama ayị avaba azaa re; ayị awụụ̄ hinee tù aza ene ebira ẹnịnị vọrọ. Ịzẹyịza mị sị avaba ịsa ẹnẹnị va wụ nị. Mê re avaba aza awụ ana wara gụ anị mee hine ayị ka ẹnị ệ sị ẹyịza va wụ.

Aniroomi 1:9

Mâ sị Ohomorihi ọnị maa sị ayị ọnyaa hẹkẹ, ịnị ka maa kà enube ọyịza Ozi anị tẹ̀ ivenu, ka ẹ yị nyị ka maa mẹ̀ aduwa dị mẹ̀ yị tamayị awụ nịnị.

Ahẹ Ụgama 147:11

Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị, agụvị ka ệ yẹ ka vi oō sì ịrẹyị ọza pooro nị.

Ezikẹẹrị 22:30

Ẹnẹyịmavara kà, ọnị ô si ọza-ịnya ịnị ẹngụ Anisirẹrị nịnị anaa kà a ka, à kụ́ ebira odivi ẹnẹnị kwooze, ama ọnị é yị re. Ọnị é yị re ọza ana hyakụ nyẹngụ hụvị ẹtẹ Isirẹrị va da ịpẹ ka asị ọnị vu ọ ẹtẹ.

Ahẹ Isoromọnị 2:14

Vị ụ sị mẹẹ anka arivadi ana tẹ ịnị anaha ịrẹta avọọ nị. Jẹẹ me re eyirẹsụ awụ ọyịza-ọyịza ọnọnị, dị ma wụ́ ọngwẹ awụ ana vavọọ hine avọọ.

Ahẹ Ụgama 32:2

Ọza ẹnẹ Ẹnẹyịmavara ọ̀ọ raà jị ịhị yị dị ọza ọnọọ ò yi me vene ọza nị vaa dàa jẹ kẹnẹ.

Ayịsaya 10:20

Ụmẹ aa vẹ ana ahịka Anisirẹrị ana vọ ẹ yị kụkụ vaa sị ayị tụra anẹkụra ana vịdị ka ẹnị aa wụ waa ha.

Ịjọọnụ 5:28

Asị ọnọnị hí wu nịnị irenu, oo! Ụmẹ aa vẹ ana avaba oku nịnị vaa wụ́ ọngwẹ anị.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.