Ịjọọnụ 4:21 - IWE ỌNỊNỊ

²¹ Dị Ijeesu kà a yọ ka, “Ọnẹẹ ọnọnị, ịzẹyịza m maa kà a wụ nị, ụmẹ aa vẹ ana aza ẹ̀ yị kụkụ vaa hẹkẹ Ohomorihi Ada ayị ịnị ataba ọnọnị, à vị Íjerusarẹmị.

Ịjọọnụ 4:21 Referans Kwoze

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

Ịmarakayị 1:11

Ọ kà aza vị ana aa hụrẹ avaba ẹhẹ vẹ, dị ẹyaa sị ụbanyị yị ọnị, dị ẹyaa rị eturare ịra yị ọnị, dị ẹyaa sị ịsa ana vọrọ vaa yị ọnị. Ọ kà aza ẹnẹẹ vavọọ aa mẹ agụvị ka ẹ yẹ ụbanyị anị.

Anẹhwẹsọsị 2:18

Ijeesu ọ mẹ ka ẹyị ẹyịva ọ̀ nyẹngụ vẹ ọvịdị Ada ayị ini oze Ụhwẹ Ọnịnị ọnyọọnya nị.

Ịjọọnụ 4:23

Ama ụmẹ aa vẹ, ộ hyakụ si tù booro aanị, ana aza ana aa mẹ ahẹkẹ obooro, vaa hẹkẹ Ohomorihi Ada ayị ịnị ayị ọnya ọnịrị ịnị ịzẹyịza. Ẹngụ aza ẹnẹẹ Óhomorihi Ada ayị sì ka ẹ̀ẹ hẹkẹ ọnị nị.

Imatiwu 18:20

Agụvị ka ịzị aza ẹnị ẹẹva, àa vị ẹẹta kụ́ ẹngụ gụ ịnị ịrẹha amị, mị vaa yà ịnị akakana ẹnịnị.”

Anẹhwẹsọsị 3:14

Agụvị avọọ, mê ku ẹtẹ yị Ohomorihi Ada ayị.

Ịjọọnụ 16:32

Ụmẹ aa vẹ, ộ hyakụ si tù booro aanị, ana a vaa gara wụ nịnịị hi, dị ọzọza zị nọ eehi anị, dị ụ kụkụ navọ ẹmị ịnya nịnị. Ama mẹ yị vị ẹmị ịnya, agụvị ka Ada amị ộ yà pe mi.

Ịjọọnụ 16:2

Ẹ vaa dụ wụ nịnịị jịnẹẹ hụụnị irehi Ohomorihi. Mị ka ụmẹ hyakụ aa vẹ, dị aza ana aa wụ wụ nịnị, ro o ka vị ẹnị aa mẹ̀ ịsa ozozaa yị Ohomorihi nị.

Ịjọọnụ 5:28

Asị ọnọnị hí wu nịnị irenu, oo! Ụmẹ aa vẹ ana avaba oku nịnị vaa wụ́ ọngwẹ anị.

Ezikẹẹrị 14:3

Ozi-ọza, aza ẹnẹnị vị ana kụ ịrẹyị ori ẹnịnị hi ịnị ayị, dị ọ mẹ ka ẹnịnị ẹẹ mẹ̀ ebira odivi nị. Vị́ ẹnịnị wéé roo ka ọnị vee tu ẹnị ohi ịrẹyị nị?

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.

Odeyi 6:14

Yâ wụ́ ka ộ kà a ka Ijeesu Anịnazarẹtị ọnọnị vee wú irehi Ohomorihi ọnọnị, dị ọ rẹ vara ịsa ohiku oni Imosiisi si chire yi ụvọ.”

Ịjọọnụ 14:6

Dị Ijeesu tụ́ ọọ ohi, dị ọ ka, “Ẹma vị oze ọnọọ nị, ẹma vị ịzẹyịza nị, ẹma rẹẹ̄ mẹ ka ọza ọ̀ yàra nị. Ẹ yị nyị ọza ana nyẹngụ nọ ịdị Ada amị, ẹ̀ yị vị oze amị ọ zị.

Ịjọọnụ 5:25

Ịzẹyịza m maa kà a wụ nịnị nị, ụmẹ aa vẹ, ộ hyakụ si tù booro aanị, ana ahịka oku nịnị vaa wụ́ ọngwẹ ẹmị Ozi Ohomorihi. Aza ana àa wụ́, ẹ vaa yàra.

Iruuku 21:24

A vaa sị ụhwọọ wụ̀ aza ẹnyị, dị a rẹ za aza ẹnyị ọrịhị ne hi ẹkụra irenyi-renyi. Dị anarịmadọwụ nịnị du Ijerusarẹmị ha saka-saka, pooro dị ụmẹ ẹnịnị ọ̀ va ta.”

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Ezikẹẹrị 20:3

Ozi-ọza, ọnị kà a yị aza ẹnẹnị, ịsị ọnị Ẹnẹyịmavara Ananyị ụkata hu aa kà ka: Vị́ wáá vẹ ka wa va họ̀ ọnị use ịrẹyị nịnị nị? Aa vị ọnị ọ yị vị Ohomorihi ana yara nị, ọnị ẹyaa zẹẹ ka wa họ̀ ọnị use ịsọnyị-ịsọnyị nịnị.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ẹtore 21:22

Me yi re irehi Ohomorihi ikonya ịnị ẹkụra ọnọọ, agụvị ka Ohomorihi Ananyị yị Ochẹtẹngụ ọnịrị Ozi Atẹmẹ ọnọọ ẹ vị irehi Ohomorihi ịzọọ nị.