Ịjọọnụ 4:20 - IWE ỌNỊNỊ

²⁰ Ohiku ẹyị Anịsamarịya vị anaā hẹkẹ Ohomorihi ị́rẹsụ ataba ọnọnị. Ama ẹwụ nịnị Aniju ka Ijerusarẹmị a vọrọ ka à yàa hẹkẹ Ohomorihi nị.”

Ịjọọnụ 4:20 Referans Kwoze

Iwe Ọhụhị Imosiisi ana aa hị́ Ọyịvatụrọda 27:12

ẹ̀ẹ sị jịnẹ Okuha Ịjọdanị tụ akẹnẹ, ịrẹsụ ẹnẹnị ẹ jẹẹ ịrẹsụ ataba Igerizimi ịnị ụmẹ ana aa sị mẹ̀ aduwa yị aza. Ịrẹsụ ẹnẹẹ ẹ vị ịrẹsụ Isimiyọnị, Ireevi, Ijuda, Iisaka, Ijosẹẹhụ ọnịrị Ịbẹnjamịnị.

Iwe Ọhụhị Imosiisi ana aa hị́ Ọyịvatụrọda 11:29

Ịjị Ẹnẹyịmavara ọ̀ọ raa sị wa na ngụ ẹtẹ ọnị ẹ yaa ngụ ịnị anị na ra aanị, ẹ vaa mẹ̀ aduwa ọyịza ịrẹsụ ataba Igerizimi, dị ẹ tụ ozirenu ịrẹsụ ataba Ẹba.

2 Ịtọpa 7:12

Ịrahụ ịhị ọnọọ, Ẹnẹyịmavara sị ẹngụ zụ Isoromọnị, dị ọ kà yọ ka, ọnị ọ raà wù aduwa anị nị. Ọnị ọ raà nyị irehi anị ọnọnị ka ọ vị aha ịzị a vaa yaa mẹ̀ ịsọvọ yị ọnị.

Iruuku 9:53

Ama Anịsamarịya nịnị ẹ yị dọ ọ ọzọga, agụvị ka ệ yẹ ka vị aa nọ Ijerusarẹmị nị.

Ahẹ Ụgama 132:13

Ẹnẹyịmavara ọ sị nyị, ọ ka ịzọọ ọnị vaa sị mẹ eehi anị nị.

Ahẹ Ụgama 78:68

Dị ọ kụkụ na nyị anovwoovu Ijuda ọnịrị ataba Ịzayọnị ịzị o sì ịrẹyị anị nị.

2 Ịtọpa 7:16

agụvị ka irehi ọnọọ vị anị. Ịzọọ ọ vị aha ịzị a vaa hẹkẹ ọnị pooro nị. Ọnị vee sere e pooro nị.

2 Ịtọpa 6:6

Ama booro aanị, ọnị ọ raà nyị Ijerusarẹmị ka ọ vị ịzị a vaa yaa hẹkẹ ọnị. Avọọ ọnị mẹ rẹẹ̀ nyị Idevidi ka ọ vị ohinọyị Anisirẹrị nị.

1 Ịtọpa 22:1

Dị Idevidi ka, ịzọọ a vaa dà Irehi Ẹnẹyịmavara Ohomorihi tụ́ nị. Ọ kà ụta ana Anisirẹrị nịnị vaa mẹ̀ ịsọvọ ana aā rị ịra ọ vị ọnọọ nị.

1 Ịtọpa 21:26

Idevidi ô hí ụta ọ̀ yị mẹ̀ ịsọvọ hi Ẹnẹyịmavara tụ́ ịzọọ. Dị ọ mẹ̀ ịsọvọ ana aā rị ịra ọnịrị ịsọvọ ọ̀ yị mẹ uzee ịzọọ hi Ẹnẹyịmavara nị. Ộ mẹ̀ aduwa, dị Ẹnẹyịmavara tu ọ ohi nị. Ộ mẹ ka ịra ọ̀ hụrẹ ẹbẹẹba va rị ịsa ịsọvọ anị ịrẹsụ ụta nị.

1 Ohinọyị 9:3

Dị Ẹnẹyịmavara kà a yọ dị ọ ka, “Ma raà wụ́ aduwa ọnịrị ịpẹ ọnị ụ dá mị. Irehi ọnọnị ọnị ụ dà ka ma yà ịzọọ pooro aanị, ma raà sị irehi ọnọọ yị ẹngụ amị. Eyi amị vị ana vaa yà ini irehi ọnọọ dị mị rẹ sị ayị tụ́ ịzọọ pooro.

Ayịsaya 66:1

Ẹnẹyịmavara kà a, ẹbẹẹba vị aha ọyị yaatụ ohinọyị anị, dị ẹhẹ vị ịrẹhụ ọnị ọnị aa kụ́ ahụ hi nị. Ẹngụ irehi si è ro ka ẹnị ẹ zụ da yị ọnị kẹ? Ịzị ẹ vị aha ẹnẹ zụ da ka ọnị ọ ra kẹ?

Ịjọọnụ 4:12

Ijekọvụ ohiku ayị ọ chị ịkangga ọnọnị tụ́ ịzẹnịị yị nị. Ezi anị ọnịrị ịsụpa anịị̄ hú enyi ịnị anị. U wéé ro ka ewee kuku huna Ijekọvụ nị?”