Ịjọọnụ 4:19 - IWE ỌNỊNỊ

¹⁹ Dị ọnẹẹ ọnọọ kụkụ ka, “Ọga, mee ro ka ọnịsẹ ụ vị nị.

Ịjọọnụ 4:19 Referans Kwoze

Ịjọọnụ 6:14

Ịjị aza ẹnẹẹ re ụkọrọ apọtẹrẹwa oni Ijeesu mẹ, dị ẹ ka, “Ịzẹyịza, ọza ọnọnị ọ vị Ọnịsẹ ọnọọ ana a vịdị kà a ka ọ vaa vẹ ẹhẹ nị.”

Iruuku 7:39

Ịjị Anihwarisi ana hị́ Ijeesu nọ ini eehi anị aanị maanị re e, dị aa kà a ịnị ayị anị ka, “Àa vị ọnịsẹ ọnọrụ ọnọnị vị nị, ọ yaanị yẹ ẹngụ ọnẹẹ ana aa kanyị ọọ aanị, ka ọsẹrẹka ọ vị nị.”

Ịjọọnụ 9:17

Dị ẹnịnị rẹ va họ̀ ọza ene vịdị gu eyi aanị ka, “Ọza ana há wụ eyi aanị, sị ụ zụ kà ini oze anị?” Dị ọnọrụ ọnọọ ka ọnịsẹ ọ vị nị.

Iruuku 7:16

Angwa ô hí avaba ẹnịnị, dị ẹyaa ga Ohomorihi nị, dị ẹ ka, “Ọnịsẹ ọbanyị ọ sị kwẹẹtẹ ịnị akakana ayị o, Ohomorihi ọ zị vẹ ka ọnị ọ̀ va gụ aza anị ụvọ”.

Ịjọọnụ 7:40

Aza mẹ̀ wụ́, Íjeesu mẹ̀ maanị kà, dị aza ẹnyị ẹnịnị ka, “Ịzẹyịza, ọnọrụ ọnọnị ọ vị Ọnịsẹ ọnọọ nị.”

Imatiwu 21:11

Dị ọkọnị aza ka Ijeesu, ọnịsẹ Ịnazarẹtị ana yà Igariri yọ.

Iruuku 24:19

Dị Ijeesu họ̀ ọ ka, “Sẹ mẹ?” Dị ẹnịnị kà a yọ ka, “Ịrẹyị Ijeesu Anịnazarẹtị ana vị ọnịsẹ. Ohomorihi ọnịrị avaba aza ệ yẹ ka ịrẹyị anị ọnịrị ụkọrọ anị ộ banyị.

2 Ohinọyị 6:12

Dị ọnyara ịnị ẹnịnị ka, taarụ ohinọyị, ẹ yị nyị ọ. Ọ kà, Erisa, ana vị ọnịsẹ Anisirẹrị ọọ̄ kà a yị ohinọyị ẹnịnị ịrẹyị ọnị ụ ka ịnị aku awụ ụvọta nị.

2 Ohinọyị 5:26

Ama Erisa ộ kà a yọ ka, ụhwẹ anị ộ saasa a na ngụ ịzọọ ịjị ọnọrụ ọnọọ chí hụụ ịnị ịkẹkẹ ịrẹkụ anị ve tu ọ. Ụmẹ ọnọnị áa vọrọ ka à sị dọ ọza ẹkẹhị nị? Ụmẹ aanị áa vọrọ ka a sị dọ ịta nị? Ụmẹ aanị áa vọrọ ka à sị dọ aarẹ ana a kụ́ orivi ọnịrị ịvayịnị tụ nị? Ụmẹ aanị áa vọrọ ka à sị dọ ọkọnị atẹmẹ ọnịrị ọkọnị imaaru beri ezida ọnọrụ ọnịrị anẹẹ nị?

Ịjọọnụ 4:29

“Vẹ nịnị, ve re ọnọrụ ọnya, ana kà a yị mị bemi, avaba ịsị mị vịdị mẹ da. Ẹwáá ka ọnị ọ vị Ikirisiti ọnọọ nị?”

Iwe Ọhụhị Imosiisi ana aa hị́ Ọyịvatụrọda 18:15

Imosiisi ka, Ẹnẹyịmavara Ohomorihi awụ nịnị vaa nyị ọnịsẹ ọnya yị wụ nịnị ana vaa yà anka ẹmị. Ịnị ẹngụ awụ nịnị ọ vaa nyị ọ hụrẹ nị. Re ka waa saasa ịrẹyị ọnịsẹ ọnọọ nịnị.

Ịjọọnụ 4:18

Ọnọrụ ẹẹhị ụ va da nị. Ọza ọnị ụ yà ịdị anị booro aanị, ẹ yị vị ọva awụ ọ vị. Wâ kà ịzẹyịza ịnị ọsọnị.”