Ịjọọnụ 4:18 - IWE ỌNỊNỊ

¹⁸ Ọnọrụ ẹẹhị ụ va da nị. Ọza ọnị ụ yà ịdị anị booro aanị, ẹ yị vị ọva awụ ọ vị. Wâ kà ịzẹyịza ịnị ọsọnị.”

Ịjọọnụ 4:18 Referans Kwoze

Ijeremaya 3:20

Ẹnẹyịmavara kà, ama ẹwụ nịnị Anisirẹrị, anka ọnẹẹ ẹnẹẹ yị nyị ịzẹyịza ana para ọva anị hu avọọ, avọọ ụ wẹ yị mẹ mẹ ịzẹyịza hi ọnị nịnị nị.

Ịmaakị 10:12

Ọnẹẹ ene èe re yi ọva anị, dị ọ na va ọsa nị, ọnị ọ rẹ sẹ̀ ịrẹka.”

Aniroomi 7:3

Ini oze avọọ, ọva anị ọ̀ọ yị yà ẹhẹ, dị ọ nọ ịda ọnọrụ ọsa nị, ọsẹrẹka a vaa hị́ ọọ nị. Ama ọva anị òo wusu, ọda ọnọọ ọ yị kụkụ zaa. Agụvị avọọ ọ̀ọ na nyị ọnọrụ ọsa, ọza ọyị kụkụ zụ hị́ ọọ ọsẹrẹka.

Ezikẹẹrị 16:32

Vị́ ụ sị mẹẹ anka ọnyẹnẹẹ ana vọrọ ka ò sì ịrẹyị ọva anị ama dị ọ́ naa sẹ̀ ịrẹka ịdị ọza ẹnẹsa nị.

Iruutu 4:10

Ẹma kụkụ nyị Iruutu ana vị Animowabi ana vịdị vị ose Imahironi nị. Ose emi ọ kụkụ vị nị. Ozi ọnị ọ̀ọ na ma ọnị ọ vaa sịị hị́ ịrẹha ada anị ene sú nị. Ọsọnị ọ vaa mẹ ka asị anda ẹnịnị ọnịrị anẹkụra amị hi ayị ada anị ịzị ọvịdị ra nị. Ẹwụ nịnị ọ vị onivenu amị ajịnị nị o!”

Ịrịka 5:29

Ido ọnọnị vị anaā za agụvị ịrẹyị ụhị ọyị kụ̀. Ọnẹẹ ọ̀ọ va jịnẹ ọva na ẹhẹ na sẹ̀ ịrẹka.

Oyinyima 34:31

Dị ẹnịnị ka: Vị ọyịnyara ẹnịnị wáá vị ọsẹrẹka dị ọ vavọọ na mẹ̀ ẹ nị.

Oyinyima 34:2

 nyị ọza ịnya aanị ana aā hị́ Ihamori. Ọnị ọ vị ohinọyị ẹkụra ọnọọ nị, dị ahịka Anihivi ọ vị nị. Ộ nyị ozi ọnya ana aā hi Ịsẹkẹmị, Ịsẹkẹmị mè re Idina,

Oyinyima 20:3

Ama ịnị ịrahụ ịhị ọnọọ gẹdẹ-gẹdẹ, dị Abimẹrẹkị ra ụra re Ohomorihi nị. Di Ohomorihi kà a yọ dị ọ ka, “Wéē wusu, ẹwụ ọnọnị, agụvị ọnẹẹ ọnị ẹ na sị avọọ. Ọ̀ ka ọ́ọ́ yẹ ka ose onose yọ nị?”

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Ịjọọnụ 4:17

Dị ọnẹẹ ọnọọ ka, “Mẹ yị nyị ọnọrụ, ọ.” Dị Ijeesu ka, “Wâ kà a ẹtẹẹrẹ ka wẹ yị nyị ọnọrụ.

Ịjọọnụ 4:19

Dị ọnẹẹ ọnọọ kụkụ ka, “Ọga, mee ro ka ọnịsẹ ụ vị nị.

Ezikẹẹrị 16:35

Avọọ, ẹwụ Ijerusarẹmị, ọsẹrẹka odivi ọnọnị, wụ́ ịrẹyị ọnị Ẹnẹyịmavara aa ka.

Ịjọọnụ 4:16

Dị Ijeesu kà a yọ ka, “Na hị́ ọva awụ vẹ ịzẹnị!”