Ịjọọnụ 4:15 - IWE ỌNỊNỊ

¹⁵ Dị ọnẹẹ ọnọọ ka, “Ọga, aarịhịnị, ká enyi ọnọọ mị me hú de, dị ‘asị’ enyi kụkụ kụ̀ mị paa, dị asị mị rẹ̀ rẹ kụkụ vẹ ịzẹnị va dà enyi!”

Ịjọọnụ 4:15 Referans Kwoze

Ịjọọnụ 6:34

Dị ẹnịnị ka, “Ọga, aarịhịnị, waa sị ịsọyịrị ọnọọ yị pooro de!”

Aniroomi 8:5

Aza ana aa mẹ̀ ebira anka ọchẹngụ ẹnịnị mè sì, vị ana sị ayị tụ́ nị ịsa ọnị ọchẹngụ ẹnịnị òo sì kẹnẹ. Ama aza ana raa mẹ̀ ebira anka Ụhwẹ Ohomorihi mè sì, vị ana rẹ sị ayị tụ́ ịnị ịsa ọnị Ụhwẹ Ohomorihi sì kẹnẹ.

Aniroomi 6:23

Isu ọ vị ụta eneē si ọza ana mẹ ịvị nị. Ịsa oni Ohomorihiī sị yị ọọhẹ kẹnẹ ọnị vị ka ọza vaa yàra ị́da anị pooro zịna-zịna ịnị ka ẹyịrị Ijeesu Ikirisiti Ananyị yị ọ sị vị ọnya.

Ịjọọnụ 6:26

Dị Ijeesu kà a yị wa ka, “Ịzẹyịza m maa kà nị, mâ yẹ ịsị ẹ vẹ di u wee sì mi nịnị. Wee sì mi nịnị agụvị ịsa ọnị ụ rị dị ịnẹ há wụ nịnị; ama ẹ yị vị, agụvị ka wâ yẹ ụkọrọ apọtẹrẹwa ọnị mị mẹ nịnị.

Ahẹ Ụgama 4:6

Aza ọrụrụ-ọrụrụ aa kà a ka àa yẹ Ohomorihi ọ̀ mẹ ọyịza yị ẹnị. Ẹnẹyịmavara, navọ kwogwo wa vayị ayị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ijemiisi 4:3

Wàa hyakụ da ịpẹ, ọ yị sị, agụvị ka wẹ yị da ịpẹ a mẹ̀ vọrọ nịnị; agụvị ka ịsa ene zé ẹwụ ịnyara eyi nịnị kẹnẹ u wee sì nịnị nị.

1 Anịkọrịntị 2:14

Ama ọza ẹnẹ ẹ̀yị nyị Ụhwẹ Ọnịnị, ọyị zụ dọ ịsị Ụhwẹ Ọnịnị ị̄ sịị yị ọza. Ọyị zụ yẹ ịsa ẹnẹẹ, ịrẹyị kẹnẹ-kẹnẹ ọ vị yọ nị. Ụhwẹ Ọnịnị kẹnẹ ọ zụ mẹ ka aza ẹ̀ yẹ ụbanyị ịsa ẹnẹẹ nị.

Ịjọọnụ 4:16

Dị Ijeesu kà a yọ ka, “Na hị́ ọva awụ vẹ ịzẹnị!”

Ịjọọnụ 6:35

Dị Ijeesu ka, “Ẹma vị ịsọyịrị anaā mẹ ka ọza ọ̀ yàra booro nị. Ọza ana àa ká mị vẹ, ụngwẹ ọ mā vana kụ̀ ọ paa. Ọza ana àa sị ayị tụra mị, enyi ọ mā rẹ vana kụ̀ ọ paa.