Ịjọọnụ 3:5 - IWE ỌNỊNỊ

⁵ Dị Ijeesu rẹ ka, “Dị ma kà ịrẹyị ịzẹyịza yị wụ, ẹ yị nyị ọza ana zụ ngụ ịzị Ohomorihi yà aa mẹ ịjọva, ẹ̀ yị vị a sị enyi ọnịrị Ụhwẹ Ọnịnị tenyi ọọ ma.

Ịjọọnụ 3:5 Referans Kwoze

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Anẹhwẹsọsị 5:26

Ộ sị enyi ọnịrị ịrẹyị Ohomorihi, dị ọ sị vara a ọnịnị, dị ọ sị ọọ tụ́ irenyi yị Ohomorihi nị.

1Ipita 3:21

A zụ sị ịsa ọnọọ juwe ọyịhwenyi, ana dọ yị há ọyaanị, agụvị ka Ijeesu Ikirisiti ộ ha kwẹẹtẹ hụụnị isu. Ọyịhwọzenyi ọ yị vị ọyịhụ ịdọtị ẹngụ ayị và ha. Ama yaa sịị dá ịpẹẹ yị Ohomorihi ka ọ̀ nyịna ayị ayị hụụnị ịvị.

1 Anịkọrịntị 6:11

Ẹngụ ebira ẹnẹẹ aza ẹnyị awụ nịnịị̄ vịdịị mẹ nị. Ama Ohomorihi ọ sị ịvị awụ nịnị nyịna kwooze, ọ sị wụ nịnị nyị ka wa vị aza ọnịnị anị. Ini oze ịrẹha Ijeesu Ikirisiti Ananyị yị ọnịrị Ụhwẹ Ọnịnị, ọ raà jị ịhị yị wụ nịnị.

Imatiwu 3:11

Ịzẹyịza, ẹmị aa sị enyi hụ́ wụ nịnị enyi ana sị zụ ka we reè ro ịnẹ varẹma nịnị. Ama áa nyị ọza anaa vẹ ịrẹma amị. Ọza ọnọọ ọ nyị ụkata huna amị nị. Mẹ yị hyakụ yà ọza ana á vọrọ ka ọ̀ kụ́ adava anị. Ọza ọnọọ vị ana vaa sị Ụhwẹ Ọnịnị beri ịraa hụ́ wụ nịnị enyi.

Ịjọọnụ 3:3

Dị Ijeesu tụ́ ọ ohi, dị ọ ka, “Dị ma kà ịrẹyị ịzẹyịza wụ: ẹ yị nyị ọza ana nyẹngụ ngụ ịzị Ohomorihi yà aa mẹ ịjọva, ẹ̀ yị vị e tenyi ọọ ma.”

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

1 Anịkọrịntị 2:12

Ụ́hwẹ Ọnịnị oni Ohomorihi sị tụ́ ịnị ayị ayị, ayị vị ẹ́ẹhẹ ọnọnị ọ vị. Ọnị ọọ̄ mẹ̀ ka ya yẹ avaba ịsa oni Ohomorihi sị yị ọọhẹ kẹnẹ nị.

Ịjọọnụ 1:13

Ka aza ẹnẹẹ ẹ sị vị ezi Ohomorihi o yi véné, aza mẹ̀ẹ̄ ma ezi ana ahịka ọnọrụ ọnịrị ọnẹẹ ẹ tụra ụsụ anị nị. Ama Ohomorihi ọnị ụvọta ọ ma wa nị.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

1 Ịjọọnụ 2:29

Wáa yẹ nịnị ka Ijeesu Ikirisiti vị ọnịrẹyịzẹyịza; agụvị avọọ wa rẹ yẹ ka ọza ana àa mẹ̀ ịsa ana vọrọ, ozi Ohomorihi ọ vị nị.

Anigaratiya 6:15

Ọza ọ̀ọ jị ụvẹvẹnẹ oo, ọza ọ̀yị jị ụvẹvẹnẹ oo, ẹ yị nyị ọ mẹ̀ kà, avaba ẹnịnị vị ọnya. Ịsị ẹ vị ịrẹyị ẹtẹẹtẹrẹ ọ vị ka Ohomorihi ọ sị yị vara ọza ọwọọwa.

Aniroomi 14:17

Ohomorihi àaa mẹ ịjọvaa tụra ọza, ayị vị ịrẹyị ịsọyịrị ọnịrị oyihú kẹnẹ, ẹẹ̄ sị ayịị tụ́ ịnị anị. Ama ẹnịnị vị eneē sì ka ẹnị ẹ̀ẹ mẹ̀ ịsa ana vọrọ, dị ẹ̀ nyị ẹngwọọrọ beri ịrajẹ ọyịjẹ. Ụhwẹ Ọnịnị ọọ̄ sị ịsa ẹnẹnịị yị aza nị.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.

Imatiwu 18:3

dị ọ ka, “Ịzẹyịza m maa kà a wụ nịnị, ẹ̀ yị vị ụ vara ebira awụ nịnị dị ụ wa yà anka ozweyi avọọ, wẹ yị vaa ngụ ịzị Ada ayị ẹbẹẹba yà aa mẹ ịjọva nịnị vụrụ-vụrụ.

1Ipita 1:2

Ohomorihi Ada ayị ô vịdị si o ro tịtẹ, dị ọ va nyị wụ nịnị nị. Ộ sị Ụhwẹ Ọnịnị anị nyị wụ nịnị tịtẹ yị ẹngụ anị, ka wa wụ́ ịrẹyị Ijeesu Ikirisiti nịnị, dị e che anya anị sẹ́ wụ nịnị. Ohomorihi ọ̀ mẹ ọyịza ọnịrị ẹngwọọrọ anị yị wụ nịnị hu avọọ hu avọọ!

Odeyi 3:19

Agụvị avọọ ro ịnẹ varẹma, dị ụ wa và ká Ohomorihi vẹ nịnị, agụvị ò du ịvị awụ nịnị kwooze!

Iruuku 13:3

Jẹẹ ma kà a wụ nịnị ka ẹ yị vị avọọ. Ama ẹ̀ yị vị ụ ro ịnẹ varẹma nịnị, avọọ ẹwụ nịnị mè re vee vu ẹtẹ nị.

Imatiwu 5:20

Maa kà a wụ nịnị ka ẹ̀ yị vị ịzẹyịza awụ nịnị huna ọ́ọzwọzọda nịnị ọnịrị Áanihwarisi nịnị, wẹ yị va nyẹngụ ngụ ịzị Ada ayị ẹbẹẹba yà aa mẹ ịjọva nịnị.”

Aniroomi 8:2

Ị mẹ̀ kụkụ yà ịnị ụvọ Ụhwẹ Ohomorihi aanị, ọ raà mẹ ka ẹyịrị Ikirisiti ọ̀ vị ọnya, dị ya yàra obooro. Ụhwẹ Ohomorihi ọnọọ ọ sị mị dọ hụụnị ụvọ ọda anaā sịị ọzaa mẹ ịvị, di o sú.

Iruuku 13:24

“Sị vụrị dị ụ wa zị oze dẹẹrẹ ngụ eehi nịnị! Dị ma kà a wụ nịnị ka aza ọrụrụ vee sì ka ẹnị ẹ̀ ngụ eehi, dị ẹ̀ yị zụ ngụ ọọ.

Iruuku 13:5

Jẹẹ ma kà a wụ ka ẹ yị vị avọọ. Ẹ̀ yị vị ụ ro ịnẹ varẹma nịnị, avọọ ẹwụ nịnị mè ree vu ẹtẹ nị.”

Imatiwu 19:24

Dị ma rẹ kà a wụ nịnị ka: Ộ tụ́ akanya yị opisa ka ọ̀ zụ ngụ ịzị Ohomorihi yà aa mẹ ịjọva huna ọ mẹ̀ tụ́ akanya ka ịnyaakụmị ọ̀ ngụ ịnị uhwohwo ọrịhị na para hu.”

Imatiwu 21:31

Ye re ana mẹ̀ ịsa ana ada anị sì ịnị ẹnị ẹyịva avọọ?” Dị ẹ kà a yọ ka, “Ọnịpaapa yọ nị.” Dị Ijeesu kà a yị wa ka, “Ịzẹyịza m maa kà a wụ nị: Aza edivi ọnịrị ọsẹrẹka nịnị vaa vịdịị ngụ ịzị Ohomorihi yà aa mẹ ịjọvaa tụ́ wụ nịnị.

Ịmaakị 9:47

Àa vị eyi awụ ọ mẹ ka wa mẹ ịvị nị, tụ̀ ọọ ne ta! Ộ dahi ka wa sị eyi ọnya ngụ ịzị Ohomorihi yà aa mẹ ịjọva, hu ka wa nyị eyi ẹyịva, dị ụ wa ngụ ini ẹkụra,

Ịmaakị 10:14

Íjeesu mè re wa, ayị ọ sị kụ́ ọọ. Dị ọ ka, “Navọ ezi eweyi nịnị ẹ̀ vẹ ịda amị! Asị ụ dọ wa oro, agụvị ka ẹngụ ẹnẹnị ẹ nyị ịzị Ohomorihi yà aa mẹ ịjọva nị.

Ịjọọnụ 3:4

Di Inikodemọsị tụ́ ohi, dị ọ ka, “Ọza ọ̀ọ sị vị ọzọkụ, a mẹmẹ re kuku zụ tenyi ọọ ma? Vị ọ́ọ́ vị ana zụ ngụ ịnị ịnẹ ọnyị anị, di è re tenyi ọ ma nị?”

1 Anịkọrịntị 15:50

Ẹwụ nịnị ẹyịnyara amị ịsị maa kà yị ka, ọzarẹyịrẹsụ kẹnẹ ọ yị zụ ngụ ịzị Ohomorihi yà aa mẹ ịjọva. Ịsa eneē du, ọ yị zụ nyị ịsa ene è yi me du pooro zịna-zịna.