Ịjọọnụ 3:29 - IWE ỌNỊNỊ

²⁹ Ọza ana aa nyị ọnẹẹ, ọ nyị ose anị nị. Ọta anị ana jẹẹ pe e dị aa wụ́ ọngwẹ anị, ọọ̄ jẹ ẹtẹẹtẹrẹ, ọ̀ọ wụ́ ọngwẹ ọva ọnẹẹ. Avọọ m mẹ̀ yà nị, ayị amị o si hine saka-saka.

Ịjọọnụ 3:29 Referans Kwoze

Ihoseya 2:19

Ẹnẹyịmavara kà ọnị vaa sị Isirẹrị mẹ̀ ose anị pooro zịna-zịna. Ọnị vaa mẹ̀ ịzẹyịza ka a na, dị ọnị nyayịnẹ sì ịrẹyị anị, dị ọnị vayị anị.

Imatiwu 9:15

Dị Ijeesu kà a yị wa ka, “Aza ọza anaa nyị ọnẹẹ ẹ́ẹ́ zụ jị òrèrè ịnị ụmẹ ọnị ọva ọnẹẹ yà pe wa? Ama ẹkụhị aa vẹ anaa vaa sị ọva ọnẹẹ hụụ ịzọọ, ịjọnọọ ẹ vaa ba awẹ.

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Ayịsaya 54:5

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Ẹtore 21:9

Ọnya ịnị anggẹẹrị ịhịmba ẹnẹẹ ana nyị ịchacha ịhịmba ana vị ohihi ụyọrị ọdịrẹma ịhịmba, o ve tù mi, dị ọ ka, “Vẹ dị ma sị ọnẹẹ ana vị ose Ozi Atẹmẹ ọnọọ zụ̀ wụ!”

Anihwiripi 2:2

Agụvị avọọ, navọ wa sị ayị yị ẹngụ, dị ụ wa rẹẹ sị ayị ọnyaa sì ịrẹyị ẹngụ nịnị, dị ụ wa rẹ nyị ariro ọnya nịnị. Ọnọọ vaa mẹ ka ịrajẹ amị ọ̀ gụ.

Ịjọọnụ 16:24

Pooro ve tù ọyaanị, ẹ̀ yị nyị ịsị u họ̀ use ịnị ịrẹha amị nịnị da. Huse ịsa nịnị, u vee ree dọ nịnị! Ọnọọ ọ vaa mẹ ka ịrajẹ awụ nịnị ọ̀ zụ gụ nị.”

1 Ịjọọnụ 1:4

Yaa chẹrẹ ịsa ẹnẹnịị tụ́ụ hi wu nịnị agụvị dị ịrajẹ avaba ayị ọ̀ zụ gụ.

2 Anịkọrịntị 11:2

Maa kụ̀ ụhị ịrẹsụ awụ nịnị anka Ohomorihi avọọ. Vị ụ sị mẹẹ nịnị anka ozwoorihi ẹnẹ ẹ̀ẹẹ̀ yị yẹ ọnọrụ ọnị mị raà kà a ka maa sịị gà ọza ịnyara kẹnẹ avọọ nị. Ọza ịnyara ọnọọ ọ vị Ikirisiti nị. Mee sì ka ma sị wụ nịnị naa yọ.

Iruuku 15:6

Ọ̀ọ va sị ngụ eehi, dị ọ hị́ ọta anị ọnịrị anẹkụra anị gụ, dị ọ kà a yị wa ka: ‘Wee pe mii jẹ nịnị, agụvị ka ma sị atẹmẹ amị ene vú hèe.’

Ahẹ Isoromọnị 5:1

Ma raà ngụ ịnị ụbazị amị, ose mi anaā sịị ayị amịị hine. Maa kụ avị irenyi-irenyi ana a sịị̄ mẹ̀ ịsaa hine ọnịrị ịmaya amị gụ. Maa rị ẹhụ amị ọnịrị ụpaha anị. Mee hú eche ọnịrị ịrẹva ụnọ amị. Ẹwụ nịnị ọnị mị sì ịrẹyị anị, rị ịsa, di wee hú nịnị; waa mẹrị nịnị kẹnẹ.

Imatiwu 25:1

Dị Ijeesu rẹ ka, “Ịhị ọnọọ, oze ana Ada ayị ẹbẹẹba aa zịị mẹ ịjọva vị ana va sị mẹẹ anka ezwoorihi ẹẹwụ ana sị ozotupa ẹnịnị, dị ẹyaa nọ ụgẹrị ọza ana aa nyị ọnẹẹ avọọ.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ayịsaya 66:11

Vee hine ayị ka aa ka tụ ọvịdị anka ozi ene hu ịrẹva ọnyị anị.

Ahẹ Isoromọnị 3:11

Ẹwụ nịnị anyẹnẹẹ Anịzayọnị, jịnẹ vẹ, dị we ve re ohinọyị Isoromọnị nịnị. Ve re o me ku amu ohinọyị ọnị ọnyị anị si ku ọ ịhị ana aa nyị ọnẹẹ. Ịhị ọnọọ ọ vị ẹkụhị ayohine anị hu kere-kere nị.

2 Ịjọọnụ 1:12

Máa nyị ịrẹyị ọrụrụ-ọrụrụ oni mi sì ka ma ka ma kà yị wụ, ama me yi sì ka ma chẹrẹ wa tụ́ hi wu. Mée ro ka mee vee hee wu, di ye dudu kà ịrẹyị eyi gẹrị eyi, dị ayị ayị ò zụ hine ẹtẹẹtẹrẹ.

Ịjọọnụ 17:13

“Booro aanị, maa vẹ ịdị awụ. Maa kà ịsa ẹnẹnị, m mẹ̀ yị yà ịnị ẹhẹ aanị, agụvị dị ẹ̀ zụ nyị inohine amị tụ́ ịnị ayị ẹnịnị, dị ọ̀ gụ.

Imatiwu 22:2

“Oze ana Ada ayị ẹbẹẹba aa zịị mẹ ịjọva, vị ana sị mẹẹ anka ohinọyị ọnya aanị, ana aa nyị ọnẹẹ yị ozi anị, di ee tenyi ẹngụ eche anị.

Ịjọọnụ 3:30

 nyị ka ọnị ọ̀ọ nyị ụbanyịị hu avọọ, dị ẹmị èe weyii hu avọọ.”

Ịjọọnụ 15:11

M maanị aa kà ịrẹyị ọnọnịị wụ nịnị, agụvị dị ịrajẹ ọnị mị nyị, ọ̀ zụ và awụ nịnị, ịjọnọọ dị ịrajẹ awụ nịnị kụkụ sị gụ.