Ịjọọnụ 3:19 - IWE ỌNỊNỊ

¹⁹ Ịvị ana aza ẹnẹẹ rị, yị: Ka ẹtohweyi ộ vẹ ịnị ẹhẹ, ama aza ê sì ịrẹyị ịrahụ huna ẹtohweyi, agụvị ka ịsa odivi ẹ́ yaa mẹ nị.

Ịjọọnụ 3:19 Referans Kwoze

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

2 Anịtẹsaronika 2:12

Avaba ẹnịnị ẹnẹ ẹ̀ yị dọ ịzẹyịza wụ́ dị a hịka ịvị ọyị mẹ kẹnẹ áyị ẹnịnị hine tụ́ nị, Ohomorihi vaa jị ịvịị yị wa.

Aniroomi 2:8

Ama aza ẹnyị vị ene ee sì ọyịzaa yị ẹngụ ẹnịnị ịnya kẹnẹ. Ẹnịnị ẹ vị ana aa mẹ akamawụụ hi ịzẹyịza, ịsa odivi kẹnẹ ẹẹ̄ dụụ zị nị. Ẹngụ aza ẹnẹẹ, Óhomorihi vaa kụ́ ayịị hi ẹtẹẹtẹrẹ, dị ọ mẹ̀ ọkarẹyị yị wa nị.

Ịjọọnụ 12:43

Ẹnịnị ê sì ka aza ẹ̀ẹ kà ọdaa yị ẹnị huna e mè sì ka Ohomorihi ọ̀ kà ọda yị ẹnị.

Aniroomi 1:32

Ẹnịnị ệ yẹ ka ọda Ohomorihi ộ kà a ka ẹngụ ọza ana àa vavọọ mẹ, vị ana a vọrọ ka à wụ. Ama ẹyaa yịị mẹ̀ ẹ, ẹ rẹ yaa sị ọtụụ kà aza ẹnẹsa ana aa mẹ̀ ẹ ịrẹma.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ịjọọnụ 1:4

Ịrẹyị ọnọọ ọ mẹ ka ịsavị-ịsavị ẹ̀ yàra nị. Ọyịyàra ọnọọ aa sị ẹtohweyi zụ̀ aza nị.

Iruuku 12:47

“Ozi ahụ ana àa yẹ ịsị ọga anị sì, ama di ò yi tenyi ẹngụ ka ọnị ọ̀ mẹ̀ ẹ nị, vaa dọ ịjapa ẹtẹẹtẹrẹ.

1Ipita 2:8

Ịrẹta ọnị ọzaā tụ́ ahụ ịnị anị dị ọ hyẹdụ ọ vị nị. Ệ vavọọ hyẹdụ, agụvị ka ẹnịnị ẹ́ yị dọ ịrẹyị Ohomorihi wụ. Avọọ Óhomorihi mẹ̀ vịdị mẹ eto anị tịtẹ nị.

Ịjọọnụ 7:7

Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.

Ịjọọnụ 7:17

Ọza ana àa mẹ̀ ịsa ọnị o sì, vaa yẹ ịsị maa sịị zụ̀ aza aanị, àa vị ịrẹyị Ohomorihii yọ nị, à vị ka ẹ́ẹngụ amị kẹnẹ m maa dàa kà nị.

Iruuku 16:14

Ánihwarisi nịnị mẹ̀ wụ́ ịrẹyị ọnọnị, dị ẹyaa sị Ijeesu mẹ̀ isiya nị, agụvị ka ẹnịnị ê sì ịrẹyị ẹkẹhị.

Ụhịrẹyị 2:13

ene reè ne ịzẹyịza ta naa ra ẹhẹ odivi.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ịjọọnụ 1:5

Etohweyi ọnọọ aa zẹtẹ ịnị ịrahụ, ama ịrahụ o yi huna a.

Ịjọọnụ 9:5

M mẹ̀ yị yà ịnị ẹhẹ aanị, ẹma vị ẹtohweyi yị anẹhẹ nị.”

Ịjọọnụ 12:31

O si tù ụmẹ booro aanị ka à mẹ̀ ọkarẹyị yị anẹhẹ. Booro aanị a vaa dụ ohinọyị ẹhẹ ọnọnịị jịnẹẹ kwooze nị.

Ịjọọnụ 12:46

Mâ vẹ ịnị ẹhẹ anka ẹtohweyi, agụvị ọza ana àa sị ayị tụra mị, asị ọ kụkụ yị yà ịnị ịrahụ.

Ireevi 11:16

ogugu onyọpanyi, ogugu eneē nowu, ịpẹpẹyị ịnị enyi, avaba irepe,

Ireevi 13:10

Ọ vaa zama a re, àa nyị ịtahụ ọvwọọvụ hi ịnị ụpẹngụ anị ana sị ngụ enyi, dị ẹ́ mẹ ka ẹyị ene hi ịzọọ ẹ̀ vara ọvwọọvụ nị,

Ịzakaraya 14:19

Ọsọnị ọ vaa vị ụya ọnị Ohomorihi vaa sị rị Anigipiti nịnị ọnịrị anẹkụra nịnị ana vọ ene yi ka ẹnị yị nọ Ijerusarẹmị na rị eche ajẹngụ.