Ịjọọnụ 3:15 - IWE ỌNỊNỊ

¹⁵ agụvị aza ana àa sị ayị tụra mị, asị e kuku vu ẹtẹ, ama dị ẹ̀ zụ yára ị́dị Ohomorihi pooro zịna-zịna.”

Ịjọọnụ 3:15 Referans Kwoze

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Ịjọọnụ 6:40

Ịsị Ada amị ee sì, yị: Ee sì ka avaba aza ene èe re Ozi anị, dị ẹ rẹ sị ayị tụra a nị, ẹ̀ zụ yàra pooro zịna-zịna; mị rẹ vaa ha waa hụụnị isu ịnị ẹkụhị ọdịrẹma.”

Ịjọọnụ 3:36

Ọza ana àa sị ayị tụra Ozi Ohomorihi ọnọọ, ộ yàra pooro zịna-zịna. Ama ọza ana àa mẹ akamawụ hi Ozi Ohomorihi ọnọọ, ọ yị vaa yàra pooro zịna-zịna.”

Ịjọọnụ 20:31

Ẹsẹnị vị ana a chẹrẹ, agụvị dị ụ wa dọ wụ́ nịnị ka Ijeesu ọ vị Ikirisiti Ozi Ohomorihi nị; ọnịrị ka wàa sị ayị tụra a nịnị, dị ọ̀ zụ mẹ ka wa nyẹngụ yàra ị́dị Ohomorihi pooro zịna-zịna nịnị.

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.

1 Ịjọọnụ 5:20

Yáa yẹ ka Ozi Ohomorihi ộ vẹ ẹhẹ, dị ọ sị ịrẹyọyẹ yị ka ya zụ yẹ Ohomorihi ọnịzẹyịza nị. Ẹyịrị Ohomorihi ọ sị vị ọnya ne beri Ijeesu Ikirisiti Ozi anị. Ọnị ọ vị Ohomorihi ọnịzẹyịza nị, ọnị ọ rẹẹ̄ mẹ ka ọza ọ̀ yàra pooro zịna-zịna nị.

Ayịsaya 45:22

Avaba anẹhẹ nịnị ẹ va ka ọnị, dị ẹ zụ ha. Ọnị ọ vị Ohomorihi nị. Ẹ yị nyị ịsa ọsa.

Ịjọọnụ 6:47

“Ịzẹyịza m maa kà a wụ nị, ọza ana àa sị ayị tụra mị, Ohomorihi ọ raà mẹ ka ọ̀ yàra pooro zịna-zịna da.

Ịjọọnụ 1:12

Ama ọza tụra ọza ana àa dọ ọ, dị ẹ sị ayị tụra a nị, ẹnị ọọ̄ sị ọdaa yị ka ẹ̀ vara ezi Ohomorihi nị.

Ịjọọnụ 5:24

“Ịzẹyịza m maa kà a wụ nịnị nị, ọza ana àa wụ́ ịrẹyị amị, dị ọ sị ayị tụra ọza ana tụ́ mị vẹ ẹhẹ nị, ọ vaa yàra ị́dị Ohomorihi pooro zịna-zịna. Ọ yị kụkụ vaa rị ịvị, ama ọ sị ha hụụnị isu, ọ kụkụ vaa yàra ị́dị Ohomorihi pooro zịna-zịna.

Iruuku 19:10

Agụvị ka ẹmị Ozi ọza onigirima vị ana vẹ ka me sì aza ene vú, dị ma dọ wa há.”

Anigaratiya 2:16

Ama yáa yẹ ka ẹ yị nyị ọza ana nyẹngụ rị ịhị ini eyi Ohomorihi, agụvị ka ọ́ọ saasa ọda Aniju, àyị vị ọ sị ayị tụra Ijeesu Ikirisiti. Ẹyị nyẹmba vị ana sị ayị tụra Ijeesu Ikirisiti, agụvị dị Ohomorihi ọ̀ jị ịhị yị, agụvị ka yáa sị ayị tụra Ikirisiti, ẹ yị vị agụvị ka yáa saasa ọda. Àa ka à sị ịrẹyị ọda mẹẹ, ẹ yị nyị ọza oni Ohomorihi vaa jị ịhị yị.

1 Ịjọọnụ 2:25

Tamayị ka Ikirisiti ọnị ụvọta ọ raà kà a ka ẹ́ yi zụ nyị ka ọnị ẹ́yị vaa mẹ ka wa yara ịdị Ohomorihi nịnị pooro zịna-zịna.

Anihiburu 10:39

Ama ẹyị ẹ yị vị ẹngụ aza anaā kà a nọ ịrẹma, dị è ne vu ẹtẹ. Ama ẹyị aa yịị sị ayịị tụra Ohomorihi, ka asị ụhwẹ ayị vú.

Odeyi 8:36

Ẹ màa na óze, e ve tù aha ọnya aanị, ịzị enyi yà. Di osuretu ọnọọ ka, “Enyi yọ, sị a vọrọ ka ọ̀ za mị ka asị a mẹ̀ ọyịhwọzenyi mị?”

Ịmaakị 16:16

Ọza ana àa dọ wụ́, dị a mẹ̀ ọyịhwọzenyi yọ nị, ọ vaa há. Ama ọza ẹnẹ ẹ̀ yị dọ wụ vị ana a vaa jị ịvịị yị.

Anigaratiya 2:20

Ama ma yị yàra, ẹ yị vị ẹmị ụvọta, Ikirisiti ọ yàra ịnị ịnẹ amị nị. Ọyịyàra ọnị mị yàra ịnị ẹhẹ booro aanị, mâ yàra agụvị ka mâ sị ayị tụra Ozi Ohomorihi ene sì ịrẹyị amị, dị ọ sị ẹngụ anị mẹ̀ ịsọvọ yị mị.

2 Anịkọrịntị 4:3

Aza ana àa ka enube ọyịza ọnị yaa kà ộ tẹ, aza ene ee vu ẹtẹ kẹnẹ ọ tẹ yị nị.

1 Anịkọrịntị 1:18

Aza ene ee vu ẹtẹ vị ene roo ka enube ọyịza ana aa kà ka Ikirisiti óo sú ị́rẹsụ ọchị apavahị vị ịrẹyị ịyẹyẹ. Ama yị ẹyị oni Ohomorihi aa dọ ọ há, ụkata Ohomorihi ọ vị nị.

Aniroomi 5:21

Yê re ka iswọọza ộ sị zụ̀, ịvị mẹmẹ nyị ụkata. Avọọ gẹdẹ-gẹdẹ ị́hị oni Ohomorihi jị yị ọza ọnị mẹ̀ rẹ sị zụ̀, ayamva Ohomorihi ọnị mẹ̀ rẹ nyị ụkata nị. Dị ọ rẹ mẹ ka aza ẹ̀ yàra ị́dị anị pooro zịna-zịna agụvị Ijeesu Ananyị yị Ikirisiti nị.

Odeyi 13:41

“Re nịnị, ẹwụ nịnị onisiya, Ò hí wu nịnị irenu, di u we vu ẹtẹ nịnị! Ịsa ọnị mị vaa mẹ ịnị ụmẹ awụ nịnị, wẹ yị vaa dọ ọ wụ́ nịnị, àa daka kà a zụ̀ wụ nịnị.”

Imatiwu 18:10

“Asị ụ zẹẹ ka wa sị eyi oweyi re ezi eweyi ẹnẹnị! Dị ma kà a wụ nịnị ka anggẹẹrị ẹnịnị ẹbẹẹba vị eneē re eyi Ada amị ẹbẹẹba.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Ịrịka 21:9

Ịzẹyịza dị Imosiisi sị enyusẹ mẹ̀ ẹ́wụ́, dị ọ sị ọ gẹ ọchị nị. Ọza ọnị ẹ́wụ́ ọ̀ọ da rị, òo re e dị ọ yị su.

Ayịsaya 11:10

Ụmẹ ọnyara aa vẹ, ịhị ọnọọ anovwoovu Ijeese ana vaa vi ohinọyị vị ana vaa jẹẹ dị avaba aza che ayị za a. Ịzị ọ vaa yà vaa nyị ụbanyị ẹnẹmẹhị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Ịjọọnụ 6:27

Asị ụ rẹ̀ dụ ịsọyịrị eneē du nịnị! Ama waa dụ ịsọyịrị ene è yi mē du nịnị, dị ọọ̄ mẹ̀ ka ọza ọ̀ yàra ị́dị Ohomorihi pooro zịna-zịna. Ẹngụ ịsọyịrị ọnọọ ẹ́mị Ozi ọza onigirima vaa sịị wụ nịnị nị. Ẹmị Ozi ọza onigirima Óhomorihi sị ụvọ tụ́ ọọ ka ọ̀ vavọọ mẹ nị.”