Ịjọọnụ 21:22 - IWE ỌNỊNỊ

²² Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Ịjọọnụ 21:22 Referans Kwoze

Ịmaakị 9:1

Ijeesu ộ kà a yị wa ka, “Ịzẹyịza, m maa kà a yị wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro di è re, Óhomorihi mẹmẹ vaa mẹ ohinọyị anịị beri ụkata.”

Ẹtore 2:25

Ama ịsị ụ wàa nyị, sị ụvọ geri-geri pooro dị ma vẹ.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Ẹtore 3:11

Re, maa vẹ ịsọọnị-ịsọọnị. Sị ụvọ za ịsụ wàa nyị ka ọza ẹnẹsa va dọ wụ ọgụ awụ!

Ijemiisi 5:7

Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị.

1 Anịkọrịntị 11:26

Ụmẹ tụra ụmẹ ọnị ụ wàa maanị aa rị Ịbụrẹẹdị, di u ree hú eche ọnọnị nịnị nị, waa sịị zụ̀ nịnị, Ánanyị yị meme sú, pooro dị ọ̀ va vavẹ.

Ịjọọnụ 21:19

Ịrẹyị ọnọọ vị oni Ijeesu kà, dị aa sịị zụ̀ ẹngụ isu oni Ipita vee sú, dị ọ̀ sị sị igirima yị Ohomorihi. Ịjị Ijeesu vavọọ sị kà, dị ọ rẹ ka, “Waa dụ mị ịrẹma!”

Imatiwu 24:44

Agụvị avọọ ẹwụ nịnị ọ̀ rẹ vavọọ zị́, agụvị ka Ozi ọza onigirima vị ana vaa vẹ ịnị ụmẹ oni wè yi ro nịnị.

Ẹtore 22:20

Ọza ana dọ ivenu tụ́ ịnị ịrẹyị ọnọnị ka: Ịzẹyịza, ọnị aa vẹ ịsọọnị-ịsọọnị! Aamị; avọọ yịị yọ! Wa vẹ, Ijeesu Ananyị yị!

Ẹtore 22:7

Di Ijeesu ka, “Re, maa aa vẹ ịsọọnị-ịsọọnị. Ọza ana àa saasa ịsẹ ana a kà tụ́ ini iwe ọnọnị, vaa daa jẹ.”

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Imatiwu 24:27

Ẹmị Ozi ọza onigirima vị ana vaa vaavẹ anka ị́nyanya mẹ̀ẹ̄ rị hụrị eyi ọnị ọyịị̄ zịị hụrẹ na ngụ ịzị ọọ̄ zịị naa ngụ ẹtẹ avọọ.

Imatiwu 24:3

Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”

Imatiwu 8:22

Ama dị Ijeesu kà a yọ ka, “Ẹwụ àa dụ mị ịrẹma, dụ wa navọ oku nịnị èe ne oku ẹnịnị!”

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Ịjọọnụ 21:21

Ípita mèe re e, dị ọ kà a yị Ijeesu ka, “Ananyị yị, ọza ọnọnịị yọ?”

1 Anịtẹsaronika 2:19

Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?

Ijemiisi 5:8

Ẹwụ nịnị ọ̀ rẹ vavọọ nyị isuuru, dị ụ wa nyị ayị ọnya, agụvị ka Ananyị yị aa vaa vaa vẹ.