Ịjọọnụ 21:19 - IWE ỌNỊNỊ

¹⁹ Ịrẹyị ọnọọ vị oni Ijeesu kà, dị aa sịị zụ̀ ẹngụ isu oni Ipita vee sú, dị ọ̀ sị sị igirima yị Ohomorihi. Ịjị Ijeesu vavọọ sị kà, dị ọ rẹ ka, “Waa dụ mị ịrẹma!”

Ịjọọnụ 21:19 Referans Kwoze

2Ipita 1:14

Máa yẹ ka o yi kuku kù, dị ma hụụnị ẹhẹ ọnọnị, anka Ijeesu ikirisiti Ananyị yị mẹ̀ vịdị kà a mị.

Ịjọọnụ 21:22

Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Imatiwu 10:38

Ọza ẹnẹ ẹ̀ yị sị apavahị anị dị ọ̀ sịị dụ mị ịrẹma, ọ yị hụ ọ vị áamị.

Anihwiripi 1:20

Ịsị mee sìi hu keekere di mi re si eyi tụ́, ọ vị ka asị ụhị nyị mị ini oze ọnyọọnyị nị. Ama mee sì ka ma nyị ọtụtụrụma ịnị avaba ụmẹ ọnịrị ọyaanị bẹẹ. Mee sì ka ma nyẹngụ sị avaba ayị amị sị ụbanyị yị Ikirisiti, màa daka sú, màa yára.

Ịjọọnụ 12:33

Ịrẹyị ọnọọ ọnị ọ kà vị ene ee sii juwe ẹngụ isu oni o vee sú.

1 Ịsamụwẹrị 12:20

Dị Ịsamụwẹrị va ohi yị wa ka asị e hí angwa. Ịzẹyịza ẹ raà mẹ̀ ebira odivi, ama asị ẹ kụkụ ha hụrẹ oze Ẹnẹyịmavara. Ẹnịnị ẹẹ sị ayị ọnyaa hẹkẹ ẹ.

Ịjọọnụ 18:32

Avaba ẹsẹnị ệ mẹ, agụvị ịrẹyị oni Ijeesu vịdị kà, ọ̀ zụ sẹ, ọ màa kà a ẹngụ isu oni o vee sú.

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

Imatiwu 19:28

Dị Ijeesu kà a yị wa ka, “Ịzẹyịza m maa kà a wụ nịnị nị, ẹwụ nịnị ana aa dụ mịị zị aanị, ịjị àa sị ẹhẹ vara ọwọọwa, dị ẹmị Ozi ọza onigirima sị yaayịtẹ ị́rẹsụ aga ohinọyị amị nị, ẹwụ nịnị rẹ vaa yaayịtẹ ị́rẹsụ aga ohinọyị ẹwụrẹva, dị waa mẹ̀ ọkarẹyị tụ́ ịrẹsụ Anisirẹrị ana vị ịrẹsụ ẹwụrẹva nịnị.

Ịrịka 14:24

Ama ozi ahụ anị Ikarẹbị vị irenyi ya aza ana vọ, ọ wụ́ chire ọnị, avọọ ọnị vaa sị ọ na ngụ ịnị ẹtẹ ọnọọ. A rẹ vaa ga ẹtẹ tu evere anị.

Imatiwu 8:22

Ama dị Ijeesu kà a yọ ka, “Ẹwụ àa dụ mị ịrẹma, dụ wa navọ oku nịnị èe ne oku ẹnịnị!”

Ịjọọnụ 21:18

Ịzẹyịza m maa kà a wụ nị, ịjị ụ vị ozweyi, ụụ̄ sị ịsaa sụ́ ọtẹ, dị ụ waa nọ ịzị èe zé wu eyi. Ama Ịjị u wèe si bo, ụ vaa tana ụvọ awụ, dị ọza ẹnẹsa sụ́ wụ, dị ọ sị wụ aa nọ ịzị ụ wẹ̀ yị yaanị sì ka wa nọ.”